Mika 3
3
Majal kɨ ɗa lo ngékõɓeg a nuj ɓebo Jerusalem
1Na mĩ m'el tɔ m'an: Ĩn bɨradɔg dɔ ngaka Jakob,
ĩn ngekõɓe dɔ ngékɨɓe lo Israel,
i ta losɨ kad i gerɨn takɨgang kɨgoɗobat ale?
2I ndɨ kidɨn ɗa maj, na i ndigɨn majal,
i ndɨ ɔrrɨn ndar deg lom kɔ,
i ndɨ ɔrrɨn dã kɔ gid kɨngadt.
3I ndɨ i san dã deg lom,
i ndɨ i tetɨn kɨngad,
i ndɨ gangɨnd njikɨnjikɨ
tit dã kɨ ndirr kam jot be,
tit dã kam jo ndirr nyat.
4Kɨtɔ nten lon a i kon kɨdɔ Bɨraɓet,
na a oo dɔ ko losɨ al
a yasɨ takumɨn kaglot'n non
kɨtɔ majal losɨ kɨ i ɗan nõ.
Bɨraɓe elta ndoorɨn ngékelta goolɨn girrdeg lon
5Ta'n Bɨraɓe el dan dɔ ngékelta
ndɨ elɨn anan nĩn ngékelta kɨ ta Luwaht:
na a ũn deg lon mut laten;
lon nyasa i kam tadt a ne,
ndɨ elɨn anan: Lapia.
Na a ɓai ɗɔɔn kɨ de'n ndah nyasa tadt al:
6kɨta 'nten a ndɨn kam tilt, nyakookamndilt a goto
a ndɨn kam tilt kɨ diw kirir, ta kɨ ta Bɨraɓet a goto
kàd a ud dɔ ngékeltat'n ndɨ elɨn anan:
Nĩn ngékelta kɨ ta Luwaht,
lokɨkàda a tel lokɨdiw dɔdt.
7Ngékonyakamndilt a ĩn kɨ rosɔl,
ngéndõteg a lan dɔd ber,
ĩn tube a ndomɨn tad
kɨta ta kɨtur kokɨro Luwaht goto.
8Na mĩ taa, m'ɗoosɨ kɨ tɔg kɨ Ndil Bɨraɓe
kɨ nyaɗa kɨdenesew kɨ kɨgoɗobat,
kad m'dan tɔidɔta lo ngaka Jakob m'ad'd oon,
kad m'dan majal lo Israelag m'ad'd oon tɔ.
Mika elta dɔ tujɨn ɓebo Jerusalem a tuj
9Ĩn bɨradɔg dɔ nganka Jakobt,
ĩn ngékõɓe dɔ ngékɨɓe lo Israel,
oon dɔ ta 'nten,
i ndɨ i kidɨn nyaɗa kɨdenesew
na i ndɨ tujɨn nyaɗa kɨgoɗobat,
10i ndɨ ɗan ɓebo Siõ kɨ mosɨ deg,
i ndɨ i ɗan ɓebo Jerusalem kɨ ɗagootal.
11Bɨradɔg loa ndɨ gangɨn ta kɨta taan kadkari,
ngéjamosɨ kadkarig loa ndɨ ndoon nya kɨta taan nyabaji,
ngékelta kɨ ndɨ elɨn anan:
nĩn ngékelta kɨ ta Luwaht
ndɨ elɨn ta kɨta taan ne nar.
Be kaa, ndɨnan rod ro Bɨraɓet,
ndɨ anan: Bɨraɓe i danjt ale?
Tuj a tee dɔjt al.
12Kɨtɔ 'nten kɨtatɔsɨ la a gan ɓebo Siõ tit ndɔɔ be,
ɓebo Jerusalem a tel duw mbal,
na mbalbo kɨ kuj ndub Luwah i dɔt
a tel doorlo kam kùt.
Currently Selected:
Mika 3: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Mika 3
3
Majal kɨ ɗa lo ngékõɓeg a nuj ɓebo Jerusalem
1Na mĩ m'el tɔ m'an: Ĩn bɨradɔg dɔ ngaka Jakob,
ĩn ngekõɓe dɔ ngékɨɓe lo Israel,
i ta losɨ kad i gerɨn takɨgang kɨgoɗobat ale?
2I ndɨ kidɨn ɗa maj, na i ndigɨn majal,
i ndɨ ɔrrɨn ndar deg lom kɔ,
i ndɨ ɔrrɨn dã kɔ gid kɨngadt.
3I ndɨ i san dã deg lom,
i ndɨ i tetɨn kɨngad,
i ndɨ gangɨnd njikɨnjikɨ
tit dã kɨ ndirr kam jot be,
tit dã kam jo ndirr nyat.
4Kɨtɔ nten lon a i kon kɨdɔ Bɨraɓet,
na a oo dɔ ko losɨ al
a yasɨ takumɨn kaglot'n non
kɨtɔ majal losɨ kɨ i ɗan nõ.
Bɨraɓe elta ndoorɨn ngékelta goolɨn girrdeg lon
5Ta'n Bɨraɓe el dan dɔ ngékelta
ndɨ elɨn anan nĩn ngékelta kɨ ta Luwaht:
na a ũn deg lon mut laten;
lon nyasa i kam tadt a ne,
ndɨ elɨn anan: Lapia.
Na a ɓai ɗɔɔn kɨ de'n ndah nyasa tadt al:
6kɨta 'nten a ndɨn kam tilt, nyakookamndilt a goto
a ndɨn kam tilt kɨ diw kirir, ta kɨ ta Bɨraɓet a goto
kàd a ud dɔ ngékeltat'n ndɨ elɨn anan:
Nĩn ngékelta kɨ ta Luwaht,
lokɨkàda a tel lokɨdiw dɔdt.
7Ngékonyakamndilt a ĩn kɨ rosɔl,
ngéndõteg a lan dɔd ber,
ĩn tube a ndomɨn tad
kɨta ta kɨtur kokɨro Luwaht goto.
8Na mĩ taa, m'ɗoosɨ kɨ tɔg kɨ Ndil Bɨraɓe
kɨ nyaɗa kɨdenesew kɨ kɨgoɗobat,
kad m'dan tɔidɔta lo ngaka Jakob m'ad'd oon,
kad m'dan majal lo Israelag m'ad'd oon tɔ.
Mika elta dɔ tujɨn ɓebo Jerusalem a tuj
9Ĩn bɨradɔg dɔ nganka Jakobt,
ĩn ngékõɓe dɔ ngékɨɓe lo Israel,
oon dɔ ta 'nten,
i ndɨ i kidɨn nyaɗa kɨdenesew
na i ndɨ tujɨn nyaɗa kɨgoɗobat,
10i ndɨ ɗan ɓebo Siõ kɨ mosɨ deg,
i ndɨ i ɗan ɓebo Jerusalem kɨ ɗagootal.
11Bɨradɔg loa ndɨ gangɨn ta kɨta taan kadkari,
ngéjamosɨ kadkarig loa ndɨ ndoon nya kɨta taan nyabaji,
ngékelta kɨ ndɨ elɨn anan:
nĩn ngékelta kɨ ta Luwaht
ndɨ elɨn ta kɨta taan ne nar.
Be kaa, ndɨnan rod ro Bɨraɓet,
ndɨ anan: Bɨraɓe i danjt ale?
Tuj a tee dɔjt al.
12Kɨtɔ 'nten kɨtatɔsɨ la a gan ɓebo Siõ tit ndɔɔ be,
ɓebo Jerusalem a tel duw mbal,
na mbalbo kɨ kuj ndub Luwah i dɔt
a tel doorlo kam kùt.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.