Matie 16
16
Parisɨg kɨ Sadukig ndɨjen nyakɔj mad
(Oo Mrk 8:11-21; Mat 12:38-42)
1Parisɨg kɨ Sadukig ndɔt'n kɨ ro Jejut, nána, ndɨjena kad dad nyakɔj mad kɨ ɗe ko dõ dɔrãt ad n'oon. 2Na Jeju turd an: Lon lo ndɔ a ne, anan ɓet lo a ɓai randang, kɨta dɔrã kɨrre; 3na kɨsĩ a ne, anan: Ɓola lo a majal, kɨta dɔrã kɨrre il pɨrpɨr. Titbe i ndɨ i gerɨn kɔrr go takum dɔrã nat, na kɔrr go kaglog nat a ne, asɨn ger al. 4Ngakaa deg kɨmajal kɨ ngéɗayo ndɨ sahn nyakɔj mad, na nyakɔj mad kɨ a adɨnd goto, na nyakɔj lo Jonas nõ koon. Kamla nyad kɨ nõbe na aw.
Berrkasɨ lo Parisɨg kɨ kɨ lo Sadukig
(Oo Mrk 8:14-21; Luk 12:1-6)
5Lon ten gid bah ko nu, kam ngéndoog loa oi dɔ kɔi kuɓɨr bɨna. 6Jeju eld an: Oon maj, oon gorosɨ dɔ berrkasɨt lo Parisɨg kɨ kɨ lo Sadukig.
7Na ngéndoog lo Jeju gaan kamdt anan: I kuɓɨr bɨna'n j'un al nõ la ndɨ elɨn ta ye.
8Na Jeju ger tagahd ɓet ad eld an: Ĩn deg kɨ kadkam losɨ i tẽbe. Kɨtɔɗi i ndɨ i gaan ne ta kamsɨt dɔ bɨnat kɨ lɔi'n unɨn jisɨt al a? 9Mbã tajigla kaa kurdɔsɨ goto oo? Kamsɨ gah dɔ bɨnat kɨ lɔi kɨmi kɨta deg kɨ dub mi ye ale? Ɔin budag ɗoosɨ jàng bãi a?
10Ke kuɓɨr bɨna kɨtanãimɨta lo deg kɨ dub sɔɔ ye, ɔin budag ɗoosɨ jàng bãi tɔ ho a? 11Titbãi hã i gerɨn ne kad i ta dɔ bɨna kɨ lɔit hã m'elsɨ al, lon m'elsɨn m'an: Oon go rosɨ maj dɔ berrkasɨt lo Parisɨg kɨ kɨ lo Sadukig a?
12Kamla ngéndoog loa gerɨn kad eld an kɨ oon go rod maj dɔ berrkasɨt kɨ kam bɨna kɨ lɔit al, na kɨ oon go rod maj dɔ nyandoot lo Parisɨg kɨ kɨ lo Sadukig.
Pierr ger Jeju i Krist
(Oo Mrk 8:27-30; Luk 9:18-21)
13Lon Jeju ɗe dɔning Sejaret kɨ Pilip ye, ndɨje ngéndoog lon an: Kɨgo takel degt ye, Ngon de i nõa?
14Turɨna anan: Kɨmadg anan ĩ Jã kɨ ngeɗa deg baptem. Kɨmadg anan ĩ Eli, kɨmadg tɔ anan ĩ Jeremi, ke kɨkɨɗa ku ngékelta kɨ ta Luwaht.
15Eld an: Na ĩn ye, i ndɨ anan mĩ nõ a?
16Simõ Pierr tur an: Ĩ Krist, Ngon Luwah kɨ ngekumkajɨr.
17Jeju el an: Ĩ ngeronel, Simõ ngon Jonas, kɨta i de kɨ aw kɨ dãro kɨ mosɨ hã tee dɔ ta 'nten adi al, na Bɔwm'n i kam dɔrãt dõ tã.
18Na mĩ m'eli kɨ ndim dõ: Ĩ Pierr, dɔ mbalt'n ɗan la m'a m'ɗa ngékawnat lom ye, na tabitg lo lokɨkoo a asɨn dum dɔa al bat. 19M'a m'adi la kereg lo kõɓe kɨ dɔrãgt, nya kɨɗen'n a i dɔ dɔningt a ne, a dɔn kam dɔrãt dõ, na nya kɨɗen'n a i tut dɔningt la tɔ a ne, a tutɨn kam dɔrãt dõ ho.
20Kamla ndamber ngéndoog lon kɨ tɔgɨn kɨ ot kelɨn de mad Kana nĩ Krist.
Jeju elta koin kɨ ɓain lo koit kete
(Oo Mrk 8:31—9:1; Luk 9:22-27)
21Kaglot'n non la, Jeju Krist mbagɨr da ngéndoog lon, kari na n'a n'aw Jerusalemt, n'a n'ngah kõ ngãi ji kɨbogt lo Juipg, kɨ ngéjanyamosɨkadkari kɨbog, kɨ ngéndang maktubg; a tɔlnɨn, na ndɔt kɨkõmɨta n'an ɓai lo koit.
22Pierr ɔrra kɔtkokɨɗa, na ela kɨ ot kelta kɨ titbe; an: Kɨ Luwah un kɔ dɔit, Bɨraɓe. Be al, nya 'nten a ɗai al bat.
23Na Jeju mbel kɨ ro Pierrt ela an: Sitan, i tel kɔ gidɨmt. Ĩ gig kɨ gam kad m'so, kɨta tagahig ĩn lo Luwah al, na ĩn lo deg tã.
Ɗob ndulo go Jeju
(Oo Mrk 8:3-4; 9:1; Luk 9:23-27)
24Kamla Jeju el ngéndoog lon an: Ĩla de mad ge ndulo gom a ne, kɨ ɔrr ta ron kɔ balang, un kagdosɨ lon, na kɨ ndulo gom. 25Kɨtɔ de'n ge kɨ n'aj ron a ne, a laa kɔ; na de'n la ron kɔ kɨtatɔm a ne, a aja. 26Ndaa i ɗi kad de ngah nyag kam dɔningt tube, na nuj ron ke la ron kɔ a? A ke nya ɗi de a ad gan goot ron a? 27Kɨtɔ Ngon de a ɗe sed malaikag lon kam kunj Bɔwnt kɨ ɗangereng. Kamla a ad dekɨɗen kɨgo kɨlaɗaat ye. 28Rota, m'elsɨ kɨ tɨga wang, kɨmadg ku ĩgɨtɨn ɗan nẽbe a oin kete al, mbã a oon Ngon de ndɨ ɗe kɨ Kõɓe lon.
Currently Selected:
Matie 16: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Matie 16
16
Parisɨg kɨ Sadukig ndɨjen nyakɔj mad
(Oo Mrk 8:11-21; Mat 12:38-42)
1Parisɨg kɨ Sadukig ndɔt'n kɨ ro Jejut, nána, ndɨjena kad dad nyakɔj mad kɨ ɗe ko dõ dɔrãt ad n'oon. 2Na Jeju turd an: Lon lo ndɔ a ne, anan ɓet lo a ɓai randang, kɨta dɔrã kɨrre; 3na kɨsĩ a ne, anan: Ɓola lo a majal, kɨta dɔrã kɨrre il pɨrpɨr. Titbe i ndɨ i gerɨn kɔrr go takum dɔrã nat, na kɔrr go kaglog nat a ne, asɨn ger al. 4Ngakaa deg kɨmajal kɨ ngéɗayo ndɨ sahn nyakɔj mad, na nyakɔj mad kɨ a adɨnd goto, na nyakɔj lo Jonas nõ koon. Kamla nyad kɨ nõbe na aw.
Berrkasɨ lo Parisɨg kɨ kɨ lo Sadukig
(Oo Mrk 8:14-21; Luk 12:1-6)
5Lon ten gid bah ko nu, kam ngéndoog loa oi dɔ kɔi kuɓɨr bɨna. 6Jeju eld an: Oon maj, oon gorosɨ dɔ berrkasɨt lo Parisɨg kɨ kɨ lo Sadukig.
7Na ngéndoog lo Jeju gaan kamdt anan: I kuɓɨr bɨna'n j'un al nõ la ndɨ elɨn ta ye.
8Na Jeju ger tagahd ɓet ad eld an: Ĩn deg kɨ kadkam losɨ i tẽbe. Kɨtɔɗi i ndɨ i gaan ne ta kamsɨt dɔ bɨnat kɨ lɔi'n unɨn jisɨt al a? 9Mbã tajigla kaa kurdɔsɨ goto oo? Kamsɨ gah dɔ bɨnat kɨ lɔi kɨmi kɨta deg kɨ dub mi ye ale? Ɔin budag ɗoosɨ jàng bãi a?
10Ke kuɓɨr bɨna kɨtanãimɨta lo deg kɨ dub sɔɔ ye, ɔin budag ɗoosɨ jàng bãi tɔ ho a? 11Titbãi hã i gerɨn ne kad i ta dɔ bɨna kɨ lɔit hã m'elsɨ al, lon m'elsɨn m'an: Oon go rosɨ maj dɔ berrkasɨt lo Parisɨg kɨ kɨ lo Sadukig a?
12Kamla ngéndoog loa gerɨn kad eld an kɨ oon go rod maj dɔ berrkasɨt kɨ kam bɨna kɨ lɔit al, na kɨ oon go rod maj dɔ nyandoot lo Parisɨg kɨ kɨ lo Sadukig.
Pierr ger Jeju i Krist
(Oo Mrk 8:27-30; Luk 9:18-21)
13Lon Jeju ɗe dɔning Sejaret kɨ Pilip ye, ndɨje ngéndoog lon an: Kɨgo takel degt ye, Ngon de i nõa?
14Turɨna anan: Kɨmadg anan ĩ Jã kɨ ngeɗa deg baptem. Kɨmadg anan ĩ Eli, kɨmadg tɔ anan ĩ Jeremi, ke kɨkɨɗa ku ngékelta kɨ ta Luwaht.
15Eld an: Na ĩn ye, i ndɨ anan mĩ nõ a?
16Simõ Pierr tur an: Ĩ Krist, Ngon Luwah kɨ ngekumkajɨr.
17Jeju el an: Ĩ ngeronel, Simõ ngon Jonas, kɨta i de kɨ aw kɨ dãro kɨ mosɨ hã tee dɔ ta 'nten adi al, na Bɔwm'n i kam dɔrãt dõ tã.
18Na mĩ m'eli kɨ ndim dõ: Ĩ Pierr, dɔ mbalt'n ɗan la m'a m'ɗa ngékawnat lom ye, na tabitg lo lokɨkoo a asɨn dum dɔa al bat. 19M'a m'adi la kereg lo kõɓe kɨ dɔrãgt, nya kɨɗen'n a i dɔ dɔningt a ne, a dɔn kam dɔrãt dõ, na nya kɨɗen'n a i tut dɔningt la tɔ a ne, a tutɨn kam dɔrãt dõ ho.
20Kamla ndamber ngéndoog lon kɨ tɔgɨn kɨ ot kelɨn de mad Kana nĩ Krist.
Jeju elta koin kɨ ɓain lo koit kete
(Oo Mrk 8:31—9:1; Luk 9:22-27)
21Kaglot'n non la, Jeju Krist mbagɨr da ngéndoog lon, kari na n'a n'aw Jerusalemt, n'a n'ngah kõ ngãi ji kɨbogt lo Juipg, kɨ ngéjanyamosɨkadkari kɨbog, kɨ ngéndang maktubg; a tɔlnɨn, na ndɔt kɨkõmɨta n'an ɓai lo koit.
22Pierr ɔrra kɔtkokɨɗa, na ela kɨ ot kelta kɨ titbe; an: Kɨ Luwah un kɔ dɔit, Bɨraɓe. Be al, nya 'nten a ɗai al bat.
23Na Jeju mbel kɨ ro Pierrt ela an: Sitan, i tel kɔ gidɨmt. Ĩ gig kɨ gam kad m'so, kɨta tagahig ĩn lo Luwah al, na ĩn lo deg tã.
Ɗob ndulo go Jeju
(Oo Mrk 8:3-4; 9:1; Luk 9:23-27)
24Kamla Jeju el ngéndoog lon an: Ĩla de mad ge ndulo gom a ne, kɨ ɔrr ta ron kɔ balang, un kagdosɨ lon, na kɨ ndulo gom. 25Kɨtɔ de'n ge kɨ n'aj ron a ne, a laa kɔ; na de'n la ron kɔ kɨtatɔm a ne, a aja. 26Ndaa i ɗi kad de ngah nyag kam dɔningt tube, na nuj ron ke la ron kɔ a? A ke nya ɗi de a ad gan goot ron a? 27Kɨtɔ Ngon de a ɗe sed malaikag lon kam kunj Bɔwnt kɨ ɗangereng. Kamla a ad dekɨɗen kɨgo kɨlaɗaat ye. 28Rota, m'elsɨ kɨ tɨga wang, kɨmadg ku ĩgɨtɨn ɗan nẽbe a oin kete al, mbã a oon Ngon de ndɨ ɗe kɨ Kõɓe lon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.