Matie 15
15
Ndoo kɨ dɔ nyabelɓegt lo kaa deg
(Oo Mrk 7:1-23)
1Kamla Parisɨg kɨ ngéndang maktubg ɗen ko Jerusalemt ro Jejut anan: 2Kɨtɔɗi ngéndoog loi tɔin ne dɔ nyabelɓeg lo kaajg a? Kɨtɔ ndɨ tugon jid kete kamtã san nya al.
3Jeju turd an: Na ĩn kɨtɔɗi i ndɨ i tɔin ne dɔ mberkɨnda lo Luwah kɨta ɗa nyabelɓeg losɨ a?
4Kɨtɔ Luwah el an: Ɔsɨgon bɔwi kɨ kõi, na el tɔ an: Kɨ de'n elta kɨmajal dɔ bɔwɨnt ke kõn a ne, kɨ ɔjɨna kuma kɨ koi.
5Na ĩn i ndɨ elɨn anan: De'n ndɨ el bɔw'n ke kõ'n an: Nya kɨ ɗan sei na i ngah jimt i korba ad i kadkari kɨ nda kɔtkokɨɗa kɨta Luwah nõ koon, a ne, de'n non sumba kad ɔsɨgon bɔwɨn ke kõn al; 6i ndɨ i telɨn ta lo Luwah nya kɨ karit kɨta nyabelɓe losɨ. 7Ĩn, ngéndokumdeg. Ejai, ngekelta kɨ ta Luwaht ndɔ ndil maj dan dɔsɨ ɗang la el an:
8Deg'n ɗan ndɨ ɔsɨn gonɨm kɨ ndar tad,
na ngarkamd i sãi romt.
9Kɨ ndang pãbe la ndɨ ɔsɨn ne dɔd ber nõmt ye,
na nyandoo'n ndɨ ndoon deg i mberkɨndag lo deg.
Ta lo nyag'n a telɨn de kɨyerrt
(Oo Mrk 7:14-23)
10Kamla Jeju kun koosɨg kɨ ront eld an: Oon dɔ, na i gerɨn girra. 11Nya'n and ta det hã ndɨ tela kɨyerrt al, na nya'n tee ta det la ndɨ tela kɨyerrt ye.
12Taa ne ngéndoog loa ɗen, na elɨna anan: I ger kad lon Parisɨg oon dɔ ta'n el ye, ta loi tuj ngarkamd e?
13Na Jeju tur an: Kag kɨɗen Bɔwm kɨ dõ dɔrãt hɔ al a ne, a retɨna kɔ kɨ ngɨraagbe. 14I nyand, ĩn mundog ngékɔrrta kag mundog. Ĩla mundo ndɨ ɔrr ta kag mundo a ne, ĩn tujoo a son holɓet.
15Pierr turta an: Ɔrrj girr terrta'n non.
16Na Jeju an: Ĩng kaa ĩn kɨkanj goosɨ titbe tɔ ho oo? 17I gerɨn kad nya kɨɗen ndɨ and ta det, ndɨ tɔi kɨ kandaat, na got a tee njaɓe ale? 18Na nya'n ndɨ tee ta det, ndɨ tee ko ngarkamt det non la ndɨ tel de kɨyerrt ye. 19Kɨtɔ rota, ko kɨ ngarkam det la tagah kɨmajalg, tɔl deg, sah nẽ deg, sah ngawt, ɓog, manaj kɨ ngom, tajg, ndɨ teent ye. 20Ĩn non la ndɨ tel de kɨyerrt ye; na sanya kɨ ji kɨkanj tugo hã ndɨ tel de kɨyerrt al.
Kadkam Luwah lo dekɨdẽ kɨ kanat
(Oo Mrk 7:24-30)
21Jeju ɓai nõbe aw dɔning Tirrt kɨ dɔning Sidõ. 22Na oon dekɨdẽ mad kɨ Kanat ɓai ko nõbe ɗe ɗa ko an: Oo kumm kɨ lo tondot, Bɨraɓe Ngon Dabid. Ngonɨm kɨdẽ ndɨ kɨ ndil kɨmajal kamɨnt kɨ da kuma ndo ngãi.
23Na Jeju tura ta mad kɨɗa al. Ngéndoog loa ndɔt'n kɨ roat, kɔna anan: I nyàa ad aw kɨta a ko gojt.
24Jeju tur an: Lamɨn kɨ ro batgt kɨ ɓe lo Israel kɨ nãig tã, na kɨ ro det mad al.
25Na dekɨdẽ ɗe ɔsɨ dɔn ber nõat, na ela an: Bɨraɓe, i ɗa sem.
26Jeju tura an: Maj kad de un nyasa lo ngang la ad ngan bisɨg al.
27Na dekɨdẽ el an: I rota Bɨraɓe, na ngan bisɨg kaa, ndɨ san bud nyasag'n tuson kɨ ber girr tabɨlt lo ngédg.
28Kamla Jeju tura an: Dekɨdẽ, kadkami Luwah i kɨbo. Kad ɗan sei titɨn hã i ndigɨn.
Na ngona kɨdẽ kan i mõi nõ ye, yoot kɨtajigtbe kaglot'n non.
Jeju yoot deg ta bahbot kɨ Galile
(Oo Mrk 7:31-37)
29Jeju ɓai ko nõbe aw bɔg bahbot kɨ Galile. Al dɔ mbalt, na ndɨt ber nõbe. 30Ba kad koosɨg ɗen roat kɨ ngétusomootg, kɨ mundog, kɨ ngérogõmɨrg, kɨ ngékelta nikɨnikɨg, kɨ kɨmadg ngãibe tɔ. Ũnd kɨ njaat ad yootd. 31Koosɨdeg ye ta yad biw lon oon ngékelta nikɨnikɨg ɗa elɨn ta ɔrr warang. Ngérogomɨrg sɨran rod, ngétusomootg ɗa ndian kɨɗingg kɨ mundog ndɨ oon lo ad elɨn anan kɔsɨgon kɨ dɔ Luwaht.
Jeju ad nyasa deg dub sɔɔ
(Oo Mrk 8:1-10; Mat 14:25-31)
32Jeju kun ngéndoog lon na eld an: Ta õ kamm kɨta bakad koosɨg'n ɗan, kɨta asɨ ndɔ mɨta la ndɨn sem, na ndɨn kɨ nyasa al, m'ndig kad awɨn ɓe lod kɨ ɓo al, na ɓeta kumd ild dɔɗobt.
33Ngéndoog loa elɨna anan: Ko ɗa hã ja ngah nyasa kam dɨlalot la kɨ asɨ nden bakad koosɨg kɨ titbe a?
34Jeju ndɨjed an: Kuɓɨr bɨna i bãi jisɨt a?
Elɨna anan: Kuɓɨr bɨna tanãimɨta kɨ ngan kanjg tẽbe ho.
35Jeju elta koosɨg kad ndɨn ber dɔningt, 36taa kuɓɨr bɨna kɨtanãimɨta kɨ ngan kanjg, na got ɗa mersi, hɔ tet, ad ngéndoog lon, na ngéndoog kegɨn koosɨg. 37Ĩn tube san, ndenɨn, na ɔin ndeg buda ɗoos jangg tanãimɨta. 38Ĩgɨn san nya ye, ĩn dekɨdɨngãg dub sɔɔ, kanj tɨda dekɨdẽg kɨ ngang. 39Lon nyakoosɨg ad awɨn woi ye, Jeju al kam toot, na aw dɔning Magadant.
Currently Selected:
Matie 15: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Matie 15
15
Ndoo kɨ dɔ nyabelɓegt lo kaa deg
(Oo Mrk 7:1-23)
1Kamla Parisɨg kɨ ngéndang maktubg ɗen ko Jerusalemt ro Jejut anan: 2Kɨtɔɗi ngéndoog loi tɔin ne dɔ nyabelɓeg lo kaajg a? Kɨtɔ ndɨ tugon jid kete kamtã san nya al.
3Jeju turd an: Na ĩn kɨtɔɗi i ndɨ i tɔin ne dɔ mberkɨnda lo Luwah kɨta ɗa nyabelɓeg losɨ a?
4Kɨtɔ Luwah el an: Ɔsɨgon bɔwi kɨ kõi, na el tɔ an: Kɨ de'n elta kɨmajal dɔ bɔwɨnt ke kõn a ne, kɨ ɔjɨna kuma kɨ koi.
5Na ĩn i ndɨ elɨn anan: De'n ndɨ el bɔw'n ke kõ'n an: Nya kɨ ɗan sei na i ngah jimt i korba ad i kadkari kɨ nda kɔtkokɨɗa kɨta Luwah nõ koon, a ne, de'n non sumba kad ɔsɨgon bɔwɨn ke kõn al; 6i ndɨ i telɨn ta lo Luwah nya kɨ karit kɨta nyabelɓe losɨ. 7Ĩn, ngéndokumdeg. Ejai, ngekelta kɨ ta Luwaht ndɔ ndil maj dan dɔsɨ ɗang la el an:
8Deg'n ɗan ndɨ ɔsɨn gonɨm kɨ ndar tad,
na ngarkamd i sãi romt.
9Kɨ ndang pãbe la ndɨ ɔsɨn ne dɔd ber nõmt ye,
na nyandoo'n ndɨ ndoon deg i mberkɨndag lo deg.
Ta lo nyag'n a telɨn de kɨyerrt
(Oo Mrk 7:14-23)
10Kamla Jeju kun koosɨg kɨ ront eld an: Oon dɔ, na i gerɨn girra. 11Nya'n and ta det hã ndɨ tela kɨyerrt al, na nya'n tee ta det la ndɨ tela kɨyerrt ye.
12Taa ne ngéndoog loa ɗen, na elɨna anan: I ger kad lon Parisɨg oon dɔ ta'n el ye, ta loi tuj ngarkamd e?
13Na Jeju tur an: Kag kɨɗen Bɔwm kɨ dõ dɔrãt hɔ al a ne, a retɨna kɔ kɨ ngɨraagbe. 14I nyand, ĩn mundog ngékɔrrta kag mundog. Ĩla mundo ndɨ ɔrr ta kag mundo a ne, ĩn tujoo a son holɓet.
15Pierr turta an: Ɔrrj girr terrta'n non.
16Na Jeju an: Ĩng kaa ĩn kɨkanj goosɨ titbe tɔ ho oo? 17I gerɨn kad nya kɨɗen ndɨ and ta det, ndɨ tɔi kɨ kandaat, na got a tee njaɓe ale? 18Na nya'n ndɨ tee ta det, ndɨ tee ko ngarkamt det non la ndɨ tel de kɨyerrt ye. 19Kɨtɔ rota, ko kɨ ngarkam det la tagah kɨmajalg, tɔl deg, sah nẽ deg, sah ngawt, ɓog, manaj kɨ ngom, tajg, ndɨ teent ye. 20Ĩn non la ndɨ tel de kɨyerrt ye; na sanya kɨ ji kɨkanj tugo hã ndɨ tel de kɨyerrt al.
Kadkam Luwah lo dekɨdẽ kɨ kanat
(Oo Mrk 7:24-30)
21Jeju ɓai nõbe aw dɔning Tirrt kɨ dɔning Sidõ. 22Na oon dekɨdẽ mad kɨ Kanat ɓai ko nõbe ɗe ɗa ko an: Oo kumm kɨ lo tondot, Bɨraɓe Ngon Dabid. Ngonɨm kɨdẽ ndɨ kɨ ndil kɨmajal kamɨnt kɨ da kuma ndo ngãi.
23Na Jeju tura ta mad kɨɗa al. Ngéndoog loa ndɔt'n kɨ roat, kɔna anan: I nyàa ad aw kɨta a ko gojt.
24Jeju tur an: Lamɨn kɨ ro batgt kɨ ɓe lo Israel kɨ nãig tã, na kɨ ro det mad al.
25Na dekɨdẽ ɗe ɔsɨ dɔn ber nõat, na ela an: Bɨraɓe, i ɗa sem.
26Jeju tura an: Maj kad de un nyasa lo ngang la ad ngan bisɨg al.
27Na dekɨdẽ el an: I rota Bɨraɓe, na ngan bisɨg kaa, ndɨ san bud nyasag'n tuson kɨ ber girr tabɨlt lo ngédg.
28Kamla Jeju tura an: Dekɨdẽ, kadkami Luwah i kɨbo. Kad ɗan sei titɨn hã i ndigɨn.
Na ngona kɨdẽ kan i mõi nõ ye, yoot kɨtajigtbe kaglot'n non.
Jeju yoot deg ta bahbot kɨ Galile
(Oo Mrk 7:31-37)
29Jeju ɓai ko nõbe aw bɔg bahbot kɨ Galile. Al dɔ mbalt, na ndɨt ber nõbe. 30Ba kad koosɨg ɗen roat kɨ ngétusomootg, kɨ mundog, kɨ ngérogõmɨrg, kɨ ngékelta nikɨnikɨg, kɨ kɨmadg ngãibe tɔ. Ũnd kɨ njaat ad yootd. 31Koosɨdeg ye ta yad biw lon oon ngékelta nikɨnikɨg ɗa elɨn ta ɔrr warang. Ngérogomɨrg sɨran rod, ngétusomootg ɗa ndian kɨɗingg kɨ mundog ndɨ oon lo ad elɨn anan kɔsɨgon kɨ dɔ Luwaht.
Jeju ad nyasa deg dub sɔɔ
(Oo Mrk 8:1-10; Mat 14:25-31)
32Jeju kun ngéndoog lon na eld an: Ta õ kamm kɨta bakad koosɨg'n ɗan, kɨta asɨ ndɔ mɨta la ndɨn sem, na ndɨn kɨ nyasa al, m'ndig kad awɨn ɓe lod kɨ ɓo al, na ɓeta kumd ild dɔɗobt.
33Ngéndoog loa elɨna anan: Ko ɗa hã ja ngah nyasa kam dɨlalot la kɨ asɨ nden bakad koosɨg kɨ titbe a?
34Jeju ndɨjed an: Kuɓɨr bɨna i bãi jisɨt a?
Elɨna anan: Kuɓɨr bɨna tanãimɨta kɨ ngan kanjg tẽbe ho.
35Jeju elta koosɨg kad ndɨn ber dɔningt, 36taa kuɓɨr bɨna kɨtanãimɨta kɨ ngan kanjg, na got ɗa mersi, hɔ tet, ad ngéndoog lon, na ngéndoog kegɨn koosɨg. 37Ĩn tube san, ndenɨn, na ɔin ndeg buda ɗoos jangg tanãimɨta. 38Ĩgɨn san nya ye, ĩn dekɨdɨngãg dub sɔɔ, kanj tɨda dekɨdẽg kɨ ngang. 39Lon nyakoosɨg ad awɨn woi ye, Jeju al kam toot, na aw dɔning Magadant.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.