Matie 17
17
Ro Jeju tel kɨɗang, ta kuma mbel
(Oo Mrk 9:2-13; Luk 9:28-36; 2 Pie 1:16-18)
1Go ndɔt kɨbojidet, Jeju un Pierr, Jak kɨ Jã ngonkõa, na tɔ ron, aw sed dɔ mbalt mad kɨ ngal puwuw. 2Roa tel kɨɗang nõdt, takuma ɔsɨ tit kàd be, kubg loa telɨn kɨnda ngũng tit kunj be. 3Na oon, Moij kɨ Eli teen hɔi kɨ rodt, ɗa dan na ta kɨ Jeju. 4Pierr un tan elɨn Jeju an: Bɨraɓe, maj kad kɨ ndɨn nẽbe, ĩla i ge a ne, m'a m'ɗa kujkam mɨta labe: Kɨɗa i loi, kɨɗa i lo Moij, kɨɗa i lo Eli.
5Lon ɗa elta ɓaitɔ a ne, oon kilndii mad kɨkunj ɗe ut dɔd kɨ ndilɨn, na oon ndi ta mad tee ko kam kilndiit'n non an: Ĩn ɗan i Ngonɨm kɨ Ngetar lom, ĩ la rom nelɨm sia ad m'kɔta ye. Oon dɔ ta loa.
6Lon oon dɔ ndita'n non ye, ngéndoog son ber kɨ takumd, ɓool tɔld sɔkɨr. 7Jeju ndɔt kɨ rodt ɔd'd na an: I ɓain dõ, ot ɓoolɨn.
8Lon unɨn kumd kɨ dõ a ne, oon de mad al, na Jeju kɨɗabe tã. 9Lon ndɨ ɗisɨn dɔ mbalt kɨ ber ye, Jeju ndad mber 'nten an: Ot kelɨn ta mad dɔ nyat'n ad oon nõ; mbã kad Ngon de ɓai ku ngékoit kamtã.
Ngéndoog ndɨjen ta Jeju dɔ Elit
(Oo Mrk 9:11-13)
10Na ngéndoog ndɨjena ta anan: Kɨtɔɗi ngéndang maktubg elɨn anan: Sumba kad Eli ɗe kete kamtã a?
11Jeju tur an: Rota Eli a ɗe, na a ndah nyag tube gog lo ndɨdt; 12na m'ndɨ m'elsɨ kɨ ndim dõ, Eli ɗe woi, neni a gerɨna, na gerɨna al, na ɗan sia nyag kɨ kamd ge. Ngon de a ngah kõ jidt titbe ho.
13Kamla ngéndoog gerɨn ta kad ndɨ eld ta lo Jã kɨ ngeɗa deg baptem ye.
Jeju yoot ngemõi kil
(Oo Mrk 9:14-32; Luk 9:37-45)
14Lon ɗen ro koosɨgt ye, de mad ɗe ɔsɨ gojɨn ber nõ Jejut, an: 15Bɨraɓe, oo kumtondo lo ngonɨm kɨta kil a ndɔra, ad ngah kõ ngãi, ndɨ so kɨ nja nat nat be kam horrt a ke kam mant. 16M'ɗe sia ro ngéndoogt loi, na asɨn yoota al.
17Jeju tur an: Ngakaa kɨ kamsɨ kongkong, ngéɗanya goot al, m'a m'ndɨ nat sesɨ mbã kaglo bãi a? M'a m'ndɨ dɔt sesɨ mbã kaglo bãi tɔ a? I ɗen sia romt so.
18Jeju ndáng ndil kɨyerr ad tee kɔ kam ngont, na ngon yoot kagloat nõ. 19Kamla ngéndoog lo Jeju ɗen roat, na elɨn anan: Na jĩ ye, kɨtɔɗi j'asɨn kɔra kɔ al a?
20Jeju eld an: Kɨtɔ kadkam losɨ kɨ tẽbe. Rota la m'ndɨ m'elsɨ kɨ ndim dõ ten, ĩla i ndɨn kɨ kadkam kɨ asɨ kɨ kum mutard a ne, a elɨn mbalbo'n ɗan anan: I ndɔt nẽbe kɔ, aw nu, a ne, a ɔrr ɗa nu. Nya mad kɨ a dumsɨ goto. 21Na ndil kɨ tit'n non a tee kɔ kɨtakul ta kɨ kel Luwah ho, kɨtakul kɔgro nyasa ho tɔ.
Jeju tel el deg ta koin kɨ ɓain lo koit gog tɔ
(Oo Mrk 9:30-32; Luk 9:43-45)
22Lon ndɨn dɔning Galilet ɓaitɔ ye, Jeju eld an: A lan Ngon de ji degt; 23a tɔlɨna, na kõ ndɔt kɨmita a bãi lo koit.
Ta 'nten ad ngéndoog kamkil kɨdumbit.
Jeju kɨ Pierr ban lambo kɨ nar kɨ ngahn kam kanjt
(Oo Mrk 12:13-17)
24Lon ɗe teen Kapernawmt ye, ngétaa nar lambo lo kuj ndub Luwah ɗen ro Pierrt, elɨna anan: Ngendoosɨ a ba nar lambo lo kuj ndub Luwah ale?
25Pierr tur an: Ãã a ba. Lon Pierr ud kuju ye, Jeju laa kɨ ta dõ an: Tagahsɨ i ɗi Simõ? Ngarg kɨ dɔningt ndɨ tirrɨn dɔ nya lo nõg a, ndɨ taan lambo ji nõgt a? Ndɨ taan ji ngan ngéɓegt e? Ke ji mbahgt?
26Pierr tur an: Ndɨ taan ji mbahgt. Jeju tura an: Ye, ngan kɨɓeg taa a ɓan al ma?
27Na kad kɨ tuj kam deg'n non al; aw bahbot, i la kui. Kanj kɨ dasa'n a un kui hã a i hɔa nõ, i tee taa, a i ngah nar, kɨ asɨ ba lambo kuj ndub Luwah kɨta deg joo. Un ad'd kɨtɔm, na kɨtɔi ho.
Currently Selected:
Matie 17: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Matie 17
17
Ro Jeju tel kɨɗang, ta kuma mbel
(Oo Mrk 9:2-13; Luk 9:28-36; 2 Pie 1:16-18)
1Go ndɔt kɨbojidet, Jeju un Pierr, Jak kɨ Jã ngonkõa, na tɔ ron, aw sed dɔ mbalt mad kɨ ngal puwuw. 2Roa tel kɨɗang nõdt, takuma ɔsɨ tit kàd be, kubg loa telɨn kɨnda ngũng tit kunj be. 3Na oon, Moij kɨ Eli teen hɔi kɨ rodt, ɗa dan na ta kɨ Jeju. 4Pierr un tan elɨn Jeju an: Bɨraɓe, maj kad kɨ ndɨn nẽbe, ĩla i ge a ne, m'a m'ɗa kujkam mɨta labe: Kɨɗa i loi, kɨɗa i lo Moij, kɨɗa i lo Eli.
5Lon ɗa elta ɓaitɔ a ne, oon kilndii mad kɨkunj ɗe ut dɔd kɨ ndilɨn, na oon ndi ta mad tee ko kam kilndiit'n non an: Ĩn ɗan i Ngonɨm kɨ Ngetar lom, ĩ la rom nelɨm sia ad m'kɔta ye. Oon dɔ ta loa.
6Lon oon dɔ ndita'n non ye, ngéndoog son ber kɨ takumd, ɓool tɔld sɔkɨr. 7Jeju ndɔt kɨ rodt ɔd'd na an: I ɓain dõ, ot ɓoolɨn.
8Lon unɨn kumd kɨ dõ a ne, oon de mad al, na Jeju kɨɗabe tã. 9Lon ndɨ ɗisɨn dɔ mbalt kɨ ber ye, Jeju ndad mber 'nten an: Ot kelɨn ta mad dɔ nyat'n ad oon nõ; mbã kad Ngon de ɓai ku ngékoit kamtã.
Ngéndoog ndɨjen ta Jeju dɔ Elit
(Oo Mrk 9:11-13)
10Na ngéndoog ndɨjena ta anan: Kɨtɔɗi ngéndang maktubg elɨn anan: Sumba kad Eli ɗe kete kamtã a?
11Jeju tur an: Rota Eli a ɗe, na a ndah nyag tube gog lo ndɨdt; 12na m'ndɨ m'elsɨ kɨ ndim dõ, Eli ɗe woi, neni a gerɨna, na gerɨna al, na ɗan sia nyag kɨ kamd ge. Ngon de a ngah kõ jidt titbe ho.
13Kamla ngéndoog gerɨn ta kad ndɨ eld ta lo Jã kɨ ngeɗa deg baptem ye.
Jeju yoot ngemõi kil
(Oo Mrk 9:14-32; Luk 9:37-45)
14Lon ɗen ro koosɨgt ye, de mad ɗe ɔsɨ gojɨn ber nõ Jejut, an: 15Bɨraɓe, oo kumtondo lo ngonɨm kɨta kil a ndɔra, ad ngah kõ ngãi, ndɨ so kɨ nja nat nat be kam horrt a ke kam mant. 16M'ɗe sia ro ngéndoogt loi, na asɨn yoota al.
17Jeju tur an: Ngakaa kɨ kamsɨ kongkong, ngéɗanya goot al, m'a m'ndɨ nat sesɨ mbã kaglo bãi a? M'a m'ndɨ dɔt sesɨ mbã kaglo bãi tɔ a? I ɗen sia romt so.
18Jeju ndáng ndil kɨyerr ad tee kɔ kam ngont, na ngon yoot kagloat nõ. 19Kamla ngéndoog lo Jeju ɗen roat, na elɨn anan: Na jĩ ye, kɨtɔɗi j'asɨn kɔra kɔ al a?
20Jeju eld an: Kɨtɔ kadkam losɨ kɨ tẽbe. Rota la m'ndɨ m'elsɨ kɨ ndim dõ ten, ĩla i ndɨn kɨ kadkam kɨ asɨ kɨ kum mutard a ne, a elɨn mbalbo'n ɗan anan: I ndɔt nẽbe kɔ, aw nu, a ne, a ɔrr ɗa nu. Nya mad kɨ a dumsɨ goto. 21Na ndil kɨ tit'n non a tee kɔ kɨtakul ta kɨ kel Luwah ho, kɨtakul kɔgro nyasa ho tɔ.
Jeju tel el deg ta koin kɨ ɓain lo koit gog tɔ
(Oo Mrk 9:30-32; Luk 9:43-45)
22Lon ndɨn dɔning Galilet ɓaitɔ ye, Jeju eld an: A lan Ngon de ji degt; 23a tɔlɨna, na kõ ndɔt kɨmita a bãi lo koit.
Ta 'nten ad ngéndoog kamkil kɨdumbit.
Jeju kɨ Pierr ban lambo kɨ nar kɨ ngahn kam kanjt
(Oo Mrk 12:13-17)
24Lon ɗe teen Kapernawmt ye, ngétaa nar lambo lo kuj ndub Luwah ɗen ro Pierrt, elɨna anan: Ngendoosɨ a ba nar lambo lo kuj ndub Luwah ale?
25Pierr tur an: Ãã a ba. Lon Pierr ud kuju ye, Jeju laa kɨ ta dõ an: Tagahsɨ i ɗi Simõ? Ngarg kɨ dɔningt ndɨ tirrɨn dɔ nya lo nõg a, ndɨ taan lambo ji nõgt a? Ndɨ taan ji ngan ngéɓegt e? Ke ji mbahgt?
26Pierr tur an: Ndɨ taan ji mbahgt. Jeju tura an: Ye, ngan kɨɓeg taa a ɓan al ma?
27Na kad kɨ tuj kam deg'n non al; aw bahbot, i la kui. Kanj kɨ dasa'n a un kui hã a i hɔa nõ, i tee taa, a i ngah nar, kɨ asɨ ba lambo kuj ndub Luwah kɨta deg joo. Un ad'd kɨtɔm, na kɨtɔi ho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.