Joel 1
1
Kɨbetg tujɨn dɔning
1Ta'n Bɨraɓe el Joel, ngon Petuel.
2Oon dɔ ta 'nten ĩn bɨgag,
i nelɨn mbisɨ ĩn ngendɨ dɔning Israelt tube.
Nya kɨtitbe ɗa nya kam ndɔgt losɨ
ke kam ndɔgt lo bɔwsɨg a?
3Ɔrrɨn hoia ngansɨg,
kɨ ngansɨg tɔ ɔrrɨn hoia ngandg
na ngandg a ɔrrɨn hoia ngaka kɨ a ɗen.
4Nya'n tawg nyan ye,
kɨbetg san,
nya'n kɨbetg nyan ye,
dɨbirg san,
nya'n dɨbirg nyan ye,
kɨdaag san.
5I ndoolɨn, in ngékasɨɗa, i nõn,
in tube, ngekãi kasɨnduu udɨn wi
kɨta kasɨnduu kɨkij'n a ɔrrɨn tasɨt kɔ nõ.
6Kɨtɔ girrdeg mad ɓai ndoor dɔning lom,
i girrdeg kɨ ngétɔg kɨ de asɨ da kɔrd al,
ngangd tit ngang tubo
na sile ngangd tit lo kõ tubo.
7Tujɨn dĩndug, na ɔrrɨn ngɔ kag
mbaiɓoodg lom,
ɔrrɨn ngɔd tube na land ber ad dɔ
jidg ndàn ngũng.
8I hɔn ndo, i nõn tit ngomand'n
lan kub hɔndo kɨta ngawɨn kɨ oi.
9De kɨ ɗe kadkari nduj kɨ kadkari nyakãi,
kuju lo Bɨraɓe goto.
Kɨta 'nten ngéjanyamosɨ
kɨ ngékɨlaɓer lo Bɨraɓe hɔn ndo.
10Tujɨn ndɔɔg,
dɔning ɗoosɨ kɨ ndo kɨ hɔ
kɨta nujɨn nyako,
man nduu ii, na yib tɨga.
11I ɗan rosɔl, ĩn ngéndɔɔg,
i udɨn wi,
ĩn ngékoogo ndɔɔ nduug
kɨta nyako gem kɨ nyako ɔrj
kɨta nyako kɨ kam ndɔɔt nuj kɔ.
12Dĩ nduu tut, mbaiɓood ndulo,
kag grenadie, kag tumbur kɨ kag kɨmasɨ,
kagg tube kɨ kam ndɔɔt tutɨn,
ronel goto ro degt.
Kɔgro nyasa kɨ kelta kɨ Luwah
13I lan kub hɔndo, i nõn,
ĩn ngéjanyamosɨ, udɨn wi,
ĩn ngéɗakɨlaɓer lo dɨngɨr kadkari,
i ɗen, i hɔn lo to ndɔ ne kɨ kub hɔndo rosɨt,
ĩn ngéɗa kɨlaɓerg lo Luwah lom,
kɨta adɨn kadkari nduj kɨ kadkari nyakãi,
kuju lo Luwah losɨ al,
14I ndan mber kɔgro nyasa,
i kunɨn ngékawna kɨnat
i kawɨn kɨbog kɨnat kɨ deg tube'n ndɨn kam ɓet
kɨ kam kujt lo Bɨraɓe Luwah losɨ, i kon kɨdɔ Bɨraɓet.
15Yi! Ndɔ'n non, a i ndɔ kɨkootɓool
kɨta i ndɔ lo Bɨraɓe
ndɨ ɗe tit yokoosɨ kɨ ngenuj deg
kɨgo kɔjt'n Luwah kɨ Ngetɔg ɔjɨn kamɨnt.
16Unɨn nyasa takumjt kɔ ale?
Ronel kɨ kamnda goton kam kujt lo Luwah loj ale?
17Konya ndum girr ningt,
damg ĩn kɨtuj,
kuj ngom nyako tetɨn kɨta nyako tut.
18Oon, dãg ndɨ tõn ɗusɨɗusɨ,
ɓut mangg tɔ oon lo kɨ awɨnt al
kɨta nyasa lod goto,
ã, ɓut batg tɔ ngahn nyasa al,
19A Bɨraɓe, m'ko kɨ dɔit
kɨta horr õ lokulnyag kɨ kam ndɔɔt
na ndõ horr õ kagg kɨ kam mut,
20Dãg kɨmut tɔ ndɨ kon kɨdɔit kɨta
man tube ii ndã,
na horr õ lokulnyag kɨ kam ndɔɔt.
Currently Selected:
Joel 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
