Joel Takɨdɔt
Takɨdɔt
Maktub lo Joel ɔj'j kɨ tɨga kad kɨ ger Joel jeje ta kiã ngekelta kɨ ta Luwaht al ho, ke kaglo'n ɗan kɨlaɓer nõ al ho. Tag lo Joel taa ɔj dɔ kaglog tube. Joe 1:2-3 ndɨ elj kad kɨ j'ɔrr hoi ta 'nten jad deg oon kɨ koht lo kohg.
Takɨbo kam maktubt lo Joel i ɗe lo Bɨraɓe. Ad i ndɔ'n Bɨraɓe a ɔj ron deg kɨ tɨga. I ndɔ'n Bɨraɓe a ɔj ron kɨ tɨga kad ndoor girrdeg lon Luwah a gangta dɔ Israelt kɨta pa ndia kɨmajal. Ngekelta kɨ ta Luwaht Joel el ngan Israel kad oo ndaa ta lo Luwah. Kad ndɔ ɗe lo Bɨraɓe a i ndɔ kɨngang sed al, na a i ndɔ'n Bɨraɓe a ɗa sed ho ajd ho (Joe 3:5). Kɨ ɔj dɔ girrdeg kɨ dang dang ye Luwah a gang ta dɔdt kɨgo haldt ko ro Israelt.
Nya'n j'a kɨ ngah kam maktub Joelt laten: Gaja kɨdasa ɓai dɔ Joe 1:1—2:11 elta dɔ yokoosɨgt joo. Nya kɨ tuj kam ndɔɔt ho. Kɨbetg a taan dɔning, ɓoo a so kam dɔningt tɔ. Nyako a tuj (Joe 1:4-14). Yokoosɨ kɨ dasa 'nten ndɨ tee ta ɗob ad yokoosɨ kɨkõjoo. Titbe ndɔ lo Bɨraɓe a ɗe tit yokoosɨ kɨ a tuj nyag tube (Joe 1:15-20) Joel elta dɔ yokoosɨt'n non kam nya kɨ ɔj go ɗɔɔ kɨbo ke tuj kɨbo (Joe 2:1-11). Gaj maktubt kɨkõjoo (Joe 2:12-27). Joel lamber ad deg kɨ mbetɨn pa ndiad. Na el an: Ĩla mbelɨn pa ndiad a ne, Luwah a oo kumtondo lod.
Kunɨn ngekelta kɨ ta Luwaht kund ngan Israel ye j'a kɨ ngah kam ɗob nina 1. Ngekelta kɨ ta Luwaht Joel ndɨje kad deg tube elɨn ta kɨ Luwah, kɨ ɔgɨn rod nyasa na kɨ telɨn kɨ ro Luwah. Luwah un kɔn ad'd kad n'a n'ad'd ndɨ kɨ dɔ dõ kɨ to mbuj (Joe 2:18-27).
Gaj maktub lo Joel kɨkõmɨta ɓai dɔ ɗob ninat kɨ 3-4, elta kɨ ɔj dɔ ndɔ lo Bɨraɓe. Ndɔ'n non i ndɔ kɨ Luwah a ad ndilɨn deg tube'n in girrdeg loa a kon kɨ dɔt na a ajd (Joe 3:1-5). Luwah a gang ta dɔ girrdegt kɨ dang dang. Israel in i girrdeg lo Luwah a ndɨ kam ronelt.
Ngang ngãi kad kɨ girr ta dɔ tujt kɨbo'n Joel elta dɔt ad i nyag kɨ Joel oo kam ndilt. Be kaa ne, ngekelta kɨ ta Luwaht Joel elta ngãi, ad kɨ gaa maj j'oo kad i soot kad kɨ nyag tube kɔ na kɨ sahgo ɗob lo Bɨraɓe kad kɨ ndɔda ndɔd kɨ kij ho, kɨ ngah kaj ko kɨ roat ho.
Currently Selected:
Joel Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.