Jeremi 47
47
Takɨgang lo Bɨraɓe kɨdɔ Pilistiagt
1Ta lo Bɨraɓe in ɗe ro Jeremit, ngekelta kɨta Luwaht, dan dɔ Pilistiag kete lon Paraõ tetɨn ro ɓebo Gaja al ɓaitɔ.
2Titbe kel Bɨraɓe:
Oo, man ndɨ ɓai ko dɔɔ
tit mankõ kɨbobe ta lo pelpel,
oon, ta dɔning kɨ nyag kɨ kamt,
ɓebog kɨ ngendɨt Dekɨdɨngãg kon,
ngéndɨ dɔningt tube
ndɨ nõn kɨ wi kɨkud
3kɨta kah kɨngotinja sɨndag loa
ko kɨ ngetɔg kɨ kah pusɨɗɔɔg
kɨ kah nja pusɨg ye.
Bɔw ngang mbel oon ngandg al
kɨta jid oi yelel.
4Kɨta ndɔ ndɨ ɗe in ɓet
a nujɨn Pilistiag tube
kad ton koh deg'n
ndɨ dĩn Tir kɨ Sidõ,
kɨta Bɨraɓe a nuj Pilistiag
ndeg Pilistiag kɨnãi
dɔ doort kɨ Kaptor.
5Gaja tel ngedɔ ngɔ,
Askalon nuj mbukɨt ad loto king
ĩn ndeg Sikɨm deg kɨnãin,
ɗɨngãt a i nyan ta til ndɨja rosɨ a?
6Ah kiyaɗɔɔ lo Bɨraɓe,
ɗɨngãt hã a i nya tai a?
Kad i and kam hawit gog,
i taakò, i ndɨ lom.
7Titbãi kiyaɗɔɔ a nya tan
lon Bɨraɓe ndaa mber a?
Ndaa mber kad ndoor Askalon
kɨ lo kɨ ta bahbot.
Currently Selected:
Jeremi 47: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
