Jeremi 45
45
Ta lo Bɨraɓe kɨta Baruk
1Ta'n Jeremi, ngekelta kɨta Luwaht, el Baruk ngon Nerija lon ndangɨn tag 'nten kam maktubt, ad i ta kɨ tee ta Jeremit kam ɓalt kɨkõsɔɔ lo Jojakim ngon Josias, ngar kɨ Juda el an:
2Titbe takel Bɨraɓe Luwah lo Israel dan dɔi, in Baruk. 3El an: Beto lom kɨta Bɨraɓe la kamkil dɔ nyakɨtot lom. M'ɔrr rɔkɨ dɔ ton ɗusɨɗusɨt, na m'ngaa lo taakò al. 4Ela an: Titbe takel Bɨraɓe Oo, nya'n m'ndaa m'a m'teta kɨber, nya'n m'hɔa ningt m'a m'taakò, ad i dɔning'n ɗan tube.
5Na ĩ taa, i ndɨ sah go
nyag kɨbobo kɨta roi a?
Ot sah god kɨta oo,
m'a mad kamkɔl
ɗe dɔ dãrot kɨɗen.
Titbe la i takel Bɨraɓe ye.
Na m'a mad nyatetɗɔɔ loi
i ndii kɨdɔ dõ kam logt tube kɨ i a awt.
Currently Selected:
Jeremi 45: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
