Jeremi 4
4
Tuj a ɗe dɔ Judat kɨ Jerusalem
1Ah Israel, ĩla i tel, ĩla i tel kɨ romt.
Titbe la i takel Bɨraɓe ye.
Ĩla i ɔr nyag kɨyerr loi kɔ nomt a ne,
a ĩn ngekaw kɨ njasɨ dõ al ta.
2Ĩla i nda yo an:
Bɨraɓe ndɨ kɨ dɔa dõ kam rotat
kɨ nyaɗa kɨgoɗobat kɨ kɨdene sew,
kamla girrdeg a ngahn majkurr kamat
na a ngahn tɔko kamat.
3Kɨtɔ titbe la Bɨraɓe elɨn deg
kɨ Juda kɨ deg kɨ Jerusalem an:
I ndɔɔn ndɔɔ losɨ kɨkij,
ot duwɨn nya dan kongt.
4I jan rosɨ ɓat kɨta Bɨraɓe,
i jan gaj ngarkamsɨ,
ĩn deg kɨ Juda kɨ ngéndɨ Jerusalem
na ɓeta wong lom ndu õsɨ
tit horr be in de asɨ tɔla al
kɨta kɨlaɗasɨ kɨ majal.
5Ɔrrɨn hoia kam Judat,
i lan mbera Jerusalemt anan:
I kunɨn tow kam dɔningt,
unɨn ndisɨ kɨ dõ anan:
I kawɨn'na kɨnat,
ad j'awɨn kam ɓebogt kɨngang.
6Unɨn drapo kɨ dõ sumba
lo kɨ Siõ ãin na,
ot duban kɨta m'a mad nya kɨ majal
kɨ nujkɔ kɨbobe ɗen kojigel.
7Tubo ndɨ tee kam bulot lon,
ngenuj girrdeg kɨ dang dang,
ɓai londɨnt,
so ɗobo kɨta nuj dɔning losɨ.
A tel ɓebog loi gootɓe,
ngéndɨt a goton.
8Kɨtɔ 'nten
i lan kub hɔndo rosɨt i nõn,
i udɨn wi,
kɨta wong kɨtɨngabil lo Bɨraɓe
a nyàj al.
9Ndɔt'n non ngar kɨ mbaiɓeg,
Titbe la i takel Bɨraɓe ye.
Rod a oi siw; ngejanyamosɨ,
rod a ndad;
ngekelta kɨta Luwaht, ɓool a ɗad.
10Kamla m'el m'an:
Ah Bɨraɓe Luwah,
i gool deg'n ɗan kɨ Jerusalem tɔ an:
A i ngahn lapia.
Na kiyaɗɔɔ aw mbã tɔld.
11Ndɔt'n non a elɨn deg'n ɗan
kɨ Jerusalem anan:
Nel kɨtɨngabil ɗe ko doorlogt
kɨ dɔ dɨlalot,
dɔ ɓebo lo deg lom.
I kɨta to tisa ke kɨta kar nyako al.
12I nel kɨ la kɨ tɔg ngãi
in ndɨ ɗe kokɨromt.
Tajigla m'a m'tee
kɨ takɨgang lom kɨdɔdt.
13Oon, ngenuj deg ndɨ ɗe
tit kilndii be pusɨɗɔɔg loa
tit'n kɨ nélbarwãi,
sɨndag loa ãin ngɔd tɔin kurog.
Beto loj kɨta jĩ kɨnuj.
14Ah Jerusalem,
i ar ngarkami dɔ majalt kɨtakad i aj.
Mbã ndɔ bãi a i ngomɨn tagahi
kɨ majal kamit a?
15Kɨtɔ ndita tee ko dɔning Dan,
elta ko dɔ mbalbot kɨ Epraim,
ndɨ ɔrr hoi nujkɔ.
16Ɔrrɨn hoia girrdeg kɨ dang dang,
adɨn ngéndɨ Jerusalem
gerɨn madngéta
ndɨ ɗen ko dɔningt kɨ sãi
unɨn ndid kon ne ndoorɨn
ɓebog kɨ Juda.
17Gugɨn dɔ Jerusalem gej
tit'n kɨ deg ngengomd ndɔɔ be
kɨta tam ɗɔɔ.
Titbe la i takel Bɨraɓe ye.
18Ɗobg loi kɨ kɨlaɗaig la ten
kɨ nyag 'nten dɔit
kand nyaɗai kɨgoot al.
Rota, i kɨkatbang,
mbut lo mbã tee ngarkamit.
19Kamkɔl, kamkɔl lom,
mĩ kɨ kamkɔl ngarkamt
kamm ndɨ gam pipi,
m'asɨ ndɨ tam mbo al,
kɨta rom oo dɔ ndi tow ɗɔɔn ndɨ ko
20Ɔrrɨn hoi nujkɔ kɨdɔ nujkɔt
kɨta tujɨn dɔning tube.
Nujɨn kujkubg lom
kɨ kub ganglo lom tentenbe.
21Mbã ndɔ ɗi m'a m'oo drapo
na m'oo dɔ ndi tow a?
22Rota, deg lom ĩn ɓood germɨn al
ĩn ngang kɨ hangald goto,
goosɨ lod goto,
nyager lod i majalkɨɗa,
gerɨn nya ɗa kɨmaj goto.
23M'oo dɔning na i gotlo kɨ to kari,
nya gotot, m'oo dɔrãg na kunjd goto,
24m'oo mbalbog na oo ĩn kɨye,
doorlog tube ndɨ yeen yɨkɨtyɨkɨt.
25M'oo lo na m'oo de kɨɗa al,
yelg kɨ dõ tube ãin na.
26M'oo na oo,
Karmel tel dɨlalo,
ɓebog loa tube ĩn kɨtuj nõ Bɨraɓet,
nõ wongt loa kɨtɨngabil.
27Kɨtɔ titbe kel Bɨraɓe:
Dɔning tube a tel gootɓe
na m'a m'nuja kɨtaagbe al.
28Kɨtɔ 'nten dɔning a hɔndo,
dɔrã kɨ dõ,
til a ut dɔa kɨta m'el taa,
M'ɔj ta ɗaa,
m'a m'mbel kɔm al,
m'a m'nya ta ɗaa al tɔ.
29Oon dɔ kah ngekalsɨndag
kɨ ngékurkɨrãg
deg tube ngendɨ ɓebot ãin na,
a yan rod kam kut,
a alɨn dɔ mbalgt,
nyan ɓebog tube,
de kɨ ndit goto.
30Na in Jerusalem, gootɓe kɨnuj,
a i ɗan a. I la kub kɨkɨre wor wor roit,
i pare roi kɨ nar ɔr,
i tɔrr ɓal kumi,
i ɗa mand kari kɨndang ngetarig kidin,
ndɨ sahn ɗob tɔli.
31Kɨtɔ m'oo dɔ ko
tit ndi dekɨdẽ kɨ ngetõkooj,
kamkil ɗaa tit dekɨdẽ
in ndɨ ooj ngonderɨn.
Ɓebo Siõ ndɨ tõ ɗusɨɗusɨ,
la jin an: Beto lom tajigla
kɨta rom oi siw nõ ngetɔldegt.
Currently Selected:
Jeremi 4: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
