Jeremi 3
3
Juda kɨ Israel ĩn dekɨdẽ kɨro al
1Ĩla de mad tuɓa nẽn,
nyàa ada ta ngaw kɨɗang,
dekɨdɨngã'n non a tel
ɗe ro dekɨdẽt'n non gog ɓai a?
Dɔning a tel kɨyerr kɨtɔi ale?
Na ĩ Israel, i ɗa kaya
kɨ ngendigi ngãi,
A i tel kɨromt a?
Titbe la i takel Bɨraɓe ye.
2Un kumi kɨ dõ i oo doorlog
lokɨɗah ton sei tit al a?
I ɗa ta ɗobgt tit Arab be kam dɨlalot
na i yerr kɨ dɔning
kɨtakul kayakɨɗa kɨmajal loi.
3Kɨtɔ 'nten la ɔgɨn ne man ndii ked,
ndii bɨna ed al tɔ.
Titbe kaa i kɨ takum kaya dekɨdẽ
in roa sɔla al.
4Tajigla i ko kɨdɔmt an:
Bɔwm, in nam lon mĩ kɨdu,
titbe ale?
5Wong loa a i titbe kɨndɔgndɔg a?
A hɔ wong kamɨnt mbãkɨnõt a?
Oo, i elta na i ɗa majal
kɨkete kete kɨ kamndig.
6Kaglot lo ngar Josias Bɨraɓe elɨm an:
I oo nya'n Israel, girrdeg kɨro al, ɗa a?
Aw dɔ mbalbogt kɨ girr kag
kɨmbool kɨɗen, ɗa kaya.
7M'el m'an:
Goot'n hã ɗa nyag'n non tube woi ye,
a tel kɨromt. Na tel al.
Ngonkõa Juda ngendokum oo ɓet.
8Ke neni m'tuɓa Israel kɨta kayakɨɗa,
m'ada maktub tuɓaa,
m'oo Juda ngonkõa
kɨ ngendokum ɓool al
na aw ɗa kaya titbe ɓaitɔ.
9Kɨtɔ kayakɨɗa lo Israel
i nya mad al roat
ad dɔning tel kɨyerr,
hɔ sa ngaw kɨ mbal kɨ kag.
10Titbe kaa Juda,
ngonkõa kɨ ngendokum,
tel kɨromt kɨ kam kɨkɨɗa al
na kɨlo ndo kumt koon.
Titbe la i takel Bɨraɓe ye.
11Bɨraɓe elɨm an:
Israel, girrdeg kɨ ro al,
ɔj ron girrdeg kɨdenesew
tɔi Juda kɨ ngendokum.
12Aw, i la mber tag 'nten
kojigel an:
Israel, ngeɗagootal,
i tel kɨromt.
Titbe la i takel Bɨraɓe ye.
M'a m'ooi kɨ takum kɨwong al
kɨta mĩ ngekõkam.
Titbe la i takel Bɨraɓe ye.
M'a m'hɔ wong kammt mbãkɨnõt al.
13Maj kad i ger gootal loi,
maj kad i ger
kad i taa ɗɔɔ Bɨraɓe Luwah loi
ad i ndia kɨ log papa kɨro yogt
kɨ girr kag kɨmbool kɨɗen,
na i tel roi go tat lom al.
Titbe la i takel Bɨraɓe ye.
14I telɨn kɨromt,
ĩn ngan ngé telrogotat al.
Titbe la i takel Bɨraɓe ye.
Kɨtɔ mĩ ngesɨ, m'a m'unsi kɨɗa kɨ ɗa kam ɓebot mad, ke joo joo ku girnoojt mad, m'a m'ɗe sesɨ Siõt. 15M'a m'adsɨ ngengomsi kɨgo kamndigt lom, a ngomdsɨ kɨ goosa goosa, kɨ terra. 16Lon i bɨlan kɨ dɔtdɔt kam dɔningt woi ye, ndɔat'n non. Titbe la i takel Bɨraɓe ye. A elɨn ta dɔ sund kunkɔt lo Bɨraɓe gog al ta. A gan dɔt al, a ndan kamd dɔt al tɔ. A ɗan kamkil al, a ɗan sund kunkɔ kɨ rang al ta. 17Kaglot'n non a kunɨn to Jerusalem Pong Ndɨ Bɨraɓe. Girrdeg kɨ dang dang a kawɨn'na Jerusalem kam tɔ Bɨraɓet, a ɗan kɨgo kamd kɨmajal kɨ kõgkong al ta. 18Kaglot'n non ngékɨɓe lo Juda a ndian nat kɨ ngekɨɓe lo Israel, a telɨn ko dɔningt kɨjigei nat, kɨ kam do ningt in mad bɔwsɨg nyakagɓet. 19M'el rom m'an:
Kɨ ɗob kɨtitbãi
m'a m'ndain dan nganɨmgt
m'a m'adi dɔning kɨmaj tɔi,
nyakagɓe kɨmaj tɔi
nyamajg lo girrdeg tube a?
M'ga dɔmt m'an:
A i kunɨm bɔwi
a i nya ta kaw gomt al.
20Rota, tit'n dekɨdẽ
ngendokum ngawɨn ye,
titbe ĩn ngékɨɓe lo Israel,
i ndoon kumm.
Titbe la i takel Bɨraɓe ye.
21Oon dɔ ndita ko
kɨdɔ mbalbogt kɨ todɨla,
ad i nõn kɨ koyo lo Israelag
kɨta tɔɔn ɗob,
na kamd oi dɔ Bɨraɓe Luwaht lod.
22I telɨn kɨromt,
in ngan ngedum,
m'a m'nyago ɗagootal losɨ.
Oo, jĩ kɨ ndɨ kɨ j'aw roit kɨta
ĩ Bɨraɓe Luwah loj.
23Rota, ndi kɨse in bai kɨdɔ doorgt
i kari kɨndang
ke kɨdɔ mbalbogt i takɨbal.
Rota, kam Bɨraɓe Luwah loj
la kaj lo Israel i tit ye.
24Yog kɨrosɔl san kand kɨla
lo bɔwjg tube maɗi basait nu,
ad i batg lod kɨ mangg lod,
ngandg kɨ dɨngã kɨ kɨdẽ.
25Ad kɨ to kam rosɔlt loj,
ad rosɔl loj tel bajo kutdɔji
kɨta kɨ ɗa majal ndoorɨn
Bɨraɓe Luwah loj maɗi,
basait nu, mbã ɓone.
Kɨ tel roj go tat lo Bɨraɓe Luwah loj al.
Currently Selected:
Jeremi 3: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
