Jeremi 37
37
Lan Jeremi dangait
1Sedekias ngon Josias õɓe goot Jekonia ngon Jojakim. I Nebukadnesar, ngar kɨ Babilon, la ndaa ngart dɔ dɔning Judat ye. 2Sedekias ke ɓerg loa, ke deg kɨ dɔningt'n non telɨn rod go tat lo Bɨraɓe in el kɨta Jeremi, ngekelta kɨ tant; al.
3Ngar Sedekias la Jukal ngon Selemia kɨ Soponi ngon Maaseja, ngejanyamosɨ, ro Jeremit ngekelta kɨta Luwaht kad elɨna anan: I kɔ Bɨraɓe Luwah loj kɨtatɔj.
4Kaglot'n non Jeremi aw ho, tel ho, ku degt, lana dangait al ɓaitɔ. 5Ngéɗɔɔg lo Paraõ ten Ejipt't kɨ tɨga na lon Kaldeag ĩgɨn lan na gugɨn dɔ Jerusalem oon hɔid ye, tĩyan Jerusalem, awɨn.
6Kamla ta lo Bɨraɓe ɗe ro Jeremit, ngekelta kɨ ta Luwaht, an: 7Titbe takel Bɨraɓe Luwah lo Israel: I elɨn ngar kɨ Juda in lasɨ romt kad i ndɨjemɨn ta, anan: Oo, ngéɗɔɔ lo Paraõ ĩgɨn ten kad kɨ ɗisɨn telɨn kɨ dɔning Ejipt't gog 8na Kaldeag a tel ɗen a ron ɓebo'n ɗan, a tan a lan horr kad õa mugɨjɨ. 9Titbe takel Bɨraɓe: Ot goolɨn rosɨ anan: Rota Kaldeag a nyàjɨn kari. Kɨtɔ a awɨn al. 10Ke i tɔlɨn ngéɗɔɔg lo Kaldeag tube'n ndɨ ron sesɨ mbã ĩgɨn ngahn dó koon la nãin ye kaa, a ɓain, dekɨɗen kam kujkubt lon, kad lan horr ɓebo'n ɗan.
Hɔn Jeremi lan na dangait
11Lon ngéɗɔɔg lo Kaldeag ɓai nyan Jerusalem kɨta ɓoolɨn ngéɗɔɔ lo Paraõ ye, 12Jeremi ndig tee kam Jerusalemt kɔ kɨ n'aw dɔning Benjamit kɨ n'ngah nyanduba lon nat kɨ deg lon. 13Lon tee tabit't lo Benjami ye, bɨradɔ ngéngomlo kɨɗa i nõ in tɔa i Jireija, ngon Selemia, ngon Hanania. Ngah Jeremi, ngekelta kɨ ta Luwaht, hɔa na ela an: I ndɨ aw ro Kaldeagt. 14Jeremi tur an: I takɨbal. M'ndɨ m'aw ro Kaldeagt al. Na Jireija ad kamɨn ta lo Jeremi al ad hɔa, aw sia ro mbaiɓegt. 15Mbaiɓeg ɗan wong kɨ Jeremi ad ndana, lana kam dangait kuju lo Jonatã, ngendang maktub, kɨta telɨn kuj'n non kuj dangai.
Ngar ndɨje ta Jeremi loyarot
16Titbe la Jeremi andɨn kam dangait in bulo i tit, lot'n non Jeremi tot ndɔ ngãibe.
17Ngar Sedekias la kun Jeremi na ndɨjea ta loyarot kam kujt lon an: Ta mad i nõ kokɨro Bɨraɓet a? Jeremi tur an: Ã, na el an: A lain ji ngart kɨ Babilon. 18Goot gog Jeremi el ngar Sedekias an: Majal kɨtitbãi hã m'ɗa sei, iri ke ɓerg loi, ke deg loi kad i lamɨn ne dangait a? 19Ngekelta kɨta Luwaht losɨ ĩn ɗah a? Ĩgɨn elsɨn anan: Ngar kɨ Babilon a ɗɔɔ sesɨ al, a ɗɔɔ kɨ dɔning'n ɗan al tɔ ho. 20Tajigla m'kɔi ngar kɨ ngeem kɨ oo dɔ ko kɨ rotĩ lom kad i nya kɨ ta roit. Ot lam kam kujt lo Jonatã, ngendang maktub, gog na ɓeta m'ooi tit. 21Titbe ngar Sedekias ndamber kad ngomɨn Jeremi kam natlot lo ngengomlo, kɨ ndɔ kɨɗen adɨna bɨna kɨ ɗa in tan lo ɗaat mbã bɨna goto kam ɓebot. Titbe la ndi'n natlot lo ngengomlo ye.
Currently Selected:
Jeremi 37: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
