Jeremi 27
27
Jug, nyakɔj kɨta girrdeg
1Mbagɨr kõɓe lo Sedekias ngon Josias, ngar kɨ Juda, ta 'nten ɗe kokɨro Bɨraɓet ro Jeremit, an:
2Titbe la Bɨraɓe elɨm an: I nda kɨla ndar, i ɗan jug, i la kɔit. 3I la kɨla kɨro ngart kɨ Edom kɨ ngar kɨ Moab kɨ ngar lo Amoniag kɨ ngar kɨ Tir kɨ ngar kɨ Sidõ, ji ngombangkɨlagt ĩgɨn ɗen Jerusalem ro ngar Sedesiast, ngar kɨ Juda. 4I ndad mber ta lom kad elɨn nged. Titbe takel Bɨraɓe Ngekoosɨg, Luwah lo Israel, elɨn ngeesɨg titbe, anan: 5Mĩ la m'ɗa dɔning kɨ deg kɨ dãg dɔ dɔningt kɨtakul jim kɨbobe kɨ jim kɨla kɨ dõ na mad dɔning de'n kamm ndig. 6Tajigla m'la dɔning'n ɗan tube ji Nebukadnesar, ngar kɨ Babilon, ɓer lom. M'ada dãg kɨmut to kad ɗan kɨla adɨna. 7Girrdeg tube a ɗan kɨlaɓer adɨna, in kɨ ngona kɨ ngon ngona mbã kaglo lo kõɓe loa asɨ. Girrdeg kɨ ngetɔg kɨ ngarg kɨbobo a ɗan ɓer adɨna ho. 8Ĩla girrdeg mad ke kõɓe mad ndig ɗa kɨlaɓer kad Nebukadnesar, ngar kɨ Babilon, al ke la jug loa kɔnt al a ne, m'a m'nda m'ɔj girrdeg'n non kɨtakul nyakat kɨ bo kɨ yokoosɨ mbã m'nuja kɨtakul jid.
Titbe la i takel Bɨraɓe ye.
9Ĩn ta, ot koon dɔ ta lo ngékelta kɨ ta luwahgt losɨ, ke ngendõte losɨ, ke ngeni nig losɨ, ke mboolig losɨ ĩgɨn elsɨn anan: A i ɗan ɓer lo ngar kɨ Babilon al. 10Kɨtɔ i takɨbal la ndɨ elsɨn ye kɨtakad tɨndan tĩsɨ sãi kɨ dɔning losɨ kad m'tuɓasɨ ko kɨ i nu jin. 11Na girrdeg'n a la kon girr jugt lo ngar kɨ Babilon kɨ ɗa kɨlaɓer ada a ne, m'a m'nya girrdeg'n non mad ndɨ dɔningt loa.
Titbe la i takel Bɨraɓe ye.
Kad ndɔɔt na ndɨt ho. 12Ta kɨ kɨɗa'n non la m'el Sedekias, ngar kɨ Juda, m'an: I lan kɔsɨ girr jugt lo ngar kɨ Babilon, i ɗan kil laber adɨna, ĩn kɨ deg loa tu kad i ndɨn kɨ dɔsɨ dõ. 13Kɨtɔɗi ĩn kɨ deg loi a oin ta nyakat't kɨ ɓo kɨ yokoosɨ tit'n Bɨraɓe elɨn taa dɔ girrdegt in a lan dõd girr tɔgt lo ngar kɨ Babilon al, a? 14Ot kon dɔ tag lo ngekelta kɨta luwahgt losɨ ĩgɨn elsɨn anan: A i ɗan kɨlaɓer adɨn ngar kɨ Babilon al, kɨta elsɨn takɨbal. 15Bɨraɓe el an: M'lad al na elɨn takɨbal kam tɔmt kɨtakad m'tuɓasɨn ko kɨ i nujɨn nat kɨ ngekeltakɨbal ĩgɨn elsɨn ta nõ.
16M'el ngejanyamosɨ kɨ deg'n ɗan tube m'an: Titbe takel Bɨraɓe; Ot koon dɔ tag lo ngekelta ĩgɨn elsɨn anan: Oon, nyaɗakɨlag kɨ kam kujt lo Bɨraɓe nãi nderbe kad oin Babilont, telɨn ne gog. I takɨbal la ndɨ elsɨn ye. 17Ot koon dɔ tag lod. I ɗan kɨlaɓer adɨn ngar kɨ Babilon, na a i ndɨn kɨ dɔsɨ dõ. Kɨtɔɗi ɓebo'n ɗan a telɨn gotɓe a? 18Ĩla ĩn ngekelta kɨta Luwaht na ta lo Bɨraɓe i nat sed a ne, ad kon Bɨraɓe Ngekoosɨg kɨtakad ndeg nyaɗakɨlag kɨnãi kam kujt lo Bɨraɓe kɨ kuj lo ngar kɨ Juda kɨ Jerusalem kad awɨn ne Babilon al. 19Kɨtɔ titbe takel Bɨraɓe Ngekoosɨg kɨ dɔ piliegt kɨ jo man kɨbobe kɨ njaa kɨ ndeg nyaɗakɨlag kɨnãi kam ɓebot'n ɗan 20ĩgɨn Nebukadnesar, ngar kɨ Babilon, oi al dɔ ndɔt'n hɔn Jekonia ngon Jojakim, ngar kɨ Juda, kɨ kɨbog tube kɨ Juda kɨ ngéndɨ Jerusalem, aw sed ɓert Babilon. 21Titbe takel Bɨraɓe Ngekoosɨg, Luwah lo Israel, dɔ ndeg nyagt kɨnãi kam kujt lo Bɨraɓe kɨ kuj lo ngar kɨ Jerusalem: 22A ɔid, aw sed Babilon kad ton nu mbã ndɔt'n m'a m'sah god, m'tel sed kam lot'n ɗan gog.
Titbe la i takel Bɨraɓe ye.
Currently Selected:
Jeremi 27: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
