Jeremi 20
20
Pasur la Jeremi dangait
1Pasur ngon Imer ngejanyamosɨ kɨ bɨradɔ ngekoogo kuj lo Bɨraɓe. Oo dɔ ta lo Jeremi in el dɔ nyagt'n non kam tɔ Bɨraɓet. 2Kamla Pasur nda Jeremi ngekelta kɨta Luwaht. Ia kag njaat. Laa kam dangait in i kad tabit't kɨ dõ lo Benjami kam kujt lo Bɨraɓe. 3Loti got Pasur ɔr Jeremi dangait na Jeremi ela an: Bɨraɓe kun tɔi Pasur al, na kuni Nya kɨkootɓool gug dɔ lo gej 4kɨta titbe takel Bɨraɓe: Oo, in kɨdɔi, m'a m'lai kam nya kɨ kootɓoolt, ĩ kɨ namig tube a son ta kiyaɗɔɔt lo madngétasɨg na kumi a oo nya'n non. M'a m'la deg kɨ Juda tube ji ngart kɨ Babilon in a aw sed ɓert Babilon, na a tɔld kɨ kiyaɗɔɔ. 5M'a m'la nya majg tube kɨ kam ɓebot'n ɗan kɨ kand kɨlaɗaa tube, kɨ nyag kɨ gatd i ngãi tube kɨ nyamajg lo ngarg kɨ Juda tube, m'a m'lad ji madngétadgt ĩgɨn a turɨnd pur a hɔnd, awɨn sed Babilont. 6Ĩ Pasur, ĩ kɨdɔi kɨ tube ĩgɨn ndɨ kam kujt loi a awɨn ɓert. A aw Babilon, nu la a i oit nu to la a dubɨnt, ĩn kɨ namig tubeg'n eld takɨbal kam to Luwaht.
Jeremi nõ kɨdɔ Luwaht lon
7Bɨraɓe i dum dɔm ad mĩ kɨdum dɔ, i tɔi tɔgɨm, na i tetɨm ɗɔɔ. Ndɔ kɨɗen mĩ nya godɔt, deg tube ndɨ kidmɨn. 8Ndɔ kɨɗen lon m'elta a ne, kari na kɨ m'ko, m'ko kɨta nyaɗa kɨlo ngetɔgt kɨ ɗatakõ, na telɨn ta lo Bɨraɓe nyakid kɨ nya godɔt kɨndɔgndɔg. 9Ĩla m'el m'an: M'a m'elta dɔat gog al, m'a m'elta kam tɔat al a ne, ngarkam õ tit horr kɨ kõ mugɨj be, i ndɨ õ kɨngam. M'sah kɨrre rom njirir na m'asɨ al, 10kɨta m'oo dɔ ta kɨla ber lo deg ngãibe. Nya kɨkootɓool gug dɔ lo gej, namg tube ĩn ndin sem kɨ lapia elɨn anan: I unɨn dɔa na jĩ, j'a kɨ j'un dɔa ho. Ngoon kereng ke ɓet m'a m'so a, anan: Maj a ne, j'a kɨ goola kad kɨ dum dɔa na kɨ ndangɨra loj dɔat. 11Na Bɨraɓe i nat sem tit gõɗɔɔ kɨ ngang, kɨta 'nten ngedarom ndo a dumɨn dɔm al. Rod a sɔld ngãibe kɨta a tɔlɨn ta al. A i rosɔl kɨ to mbãkɨnõt in kam de a oi dɔ al. 12Bɨraɓe Ngekoosɨg, ngenã deg kɨdenesew odɨ ngendio kam kɨ ngarkam de. Ad m'oo ndangɨra loi kɨdɔdt kɨta m'nya ta lom jiit. 13Ɔsɨn pa dɔ Bɨraɓet, i ndubɨn Bɨraɓe, kɨta aj de kɨdangt ji ngeɗam majalgt. 14Kɨ ndɔl i dɔ ndɔt'n oojmɨnt, ad maj urr ndɔ'n kõm oojɨmt al. 15Kɨ ndɔl i dɔ det'n aw kɨ hoita ro bɔwmt an: Oojɨn ngon kɨdɨngã adin. Ta in ada ronel ngãi. 16Kɨ de'n non i tit ɓebog in Bɨraɓe nujd kanj kookumtondo, ada oo dɔ tõ ɗusɨɗusɨ kɨsĩ kɨ kah ɗɔɔ kàd kɨ ɗà dan ɓet. 17Kɨtɔ tɔlɨm al, lon mĩn kam kõmt nu. Kɨtɔ ĩla tɔlɨm kam kõmt a ne, kam kõm a tel dɔɓadɨm ada i Kokam mbãkɨnõt. 18Kɨtɔɗi m'teen kam kõmt ad m'oo kamkil kɨ daiyo kad ndɔmg tɨgan kɨ rosɔl a?
Currently Selected:
Jeremi 20: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
