Ejai 62
62
1Kɨtatɔ Siõ m'a m'ndɨ tam mbo al,
m'a m'taakò al kɨtatɔ Jerusalem,
mbã kad kɔrrtadɔt'n Luwah a ɔrr ta dɔit
i tit nyẽr kunj be,
kaj kɨ m'a maja tɔ
tit horr ngel kɨ õ.
2Girrdeg kɨ dang dang a oon
denesew loi,
ngarg tube a oon tɔko loi tɔ.
A ndan tɔ kɨkij dɔit,
ad i tɔ kɨ Bɨraɓe a nda.
3A ĩ kadmul kɨmaj ngãi ji Bɨraɓet,
a ĩ jɔg ngar ji Luwaht loi.
4A kunɨn dekɨdẽ kɨ nya kɔ
gog al ta,
a kunɨn tɔ dɔning loi Gotɓe
gog al tɔ,
na a kunɨn Ronel lom i kamit,
a kunɨn dɔning loi Ngengaw,
kɨta Bɨraɓe ngah ronel kamit,
na dɔning loi a ta ngaw.
5Tit'n kɨ basa taan na kɨ ngomand
kɨ ger ngaw al ye,
titbe tɔ ngani a tain dekɨdẽt.
Tit'n ngeɗa lo taa dekɨdẽ kij ɗan ronel
kɨta nẽn kɨkij ye,
titbe tɔ Luwah loi a ɗan ronel dɔit ho.
6M'nda ngéngomlog dɔ ndogbɔrrgt loi,
ĩ Jerusalem.
A ndɨn tad mbo kada ke ndɔ al.
Ĩn ngékad kam Bɨraɓe gah dɔt ye,
ot taan kò.
7Ot nyan kad Bɨraɓe taakò
mbã kad nda Jerusalem bijir gog,
ad tel nya kɔsɨgon dɔningt.
8Bɨraɓe nda yo kɨ jikõn
kɨ tɔg jin, an:
m'a mad nyako loi
kad i nyasa lo madngétaig gog al,
na mbahg a ãin kasɨnduu loi gog al tɔ,
kɨta ɔrr ngãi kɨtɔi.
9Na ngembõ nyako kɨnat a san,
na a ndubɨn Bɨraɓe.
Ngékaw kand nduu kɨnat a ãin
kam natlog lom kɨjaɓat tɔ.
10I teen, i teen tabitg kɨtɨga.
I ɗan go ɗob kɨta deg.
I ɓan, i ɓan ɗob.
I ɗad kɨ wong.
Unɨn kub drapo dõ nõ degt.
11Oon Bɨraɓe la mber ta 'nten
mbã kɨ dɔngoi dɔning:
Elɨn ɓebo Siõ, anan:
Oo kaj loi ndɨ ɗe nõ,
oo nyabaji i jiat,
na nyagakɨra i nõat.
12A kunɨnd girrdeg kɨjaɓat,
kɨbadɔg lo Bɨraɓe.
Na a kunɨn ɓebo kɨ deg ndɨg sahna.
Ɓebo kɨ deg nyan kɔ al.
Currently Selected:
Ejai 62: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
