Ejai 61
61
Hoita kɨmaj dɔ kaj Jerusalemt
1Ndil Bɨraɓe Luwah i dɔmt kɨta
Bɨraɓe wurɨm,
kɨ m'la mber hoita kɨmaj ngéndog;
lam kɨ m'yoot ngékamkɔl,
kɨ m'la mber taa nya dõ lo deg'n hɔnd,
kɨ m'la mber kɔrr de dangaig,
2kɨ m'la mber ɓal kamkẽ lo Bɨraɓe,
kɨ ndɔ ndangɨra lo Luwah loj,
kad sɔl kam ngéhɔndo tube;
3kɨta kad ngéhɔndo kam ɓebot kɨ Siõ
nyapare dɔ gan goot buhoor,
kɨ yib ronel ga goot ndo kɨ hɔ,
kɨ kub ndub ga goot ro kɨ koi yelel,
kɨtakad a kunɨnd kag dilg kɨdenesew,
in Bɨraɓe hɔd kad ngahn tɔko.
4A ɗan gootɓeg kɨ tuj maɗi gog,
a ɗan gootɓeg kɨ tet maɗi dõ gog,
a tel ɗan gootɓebog kɨ kij gog,
ad i ɓebog kɨ tujɨnd kohgt kɨ kohg.
5Mbahg a ɗan lot'n non,
a ngomɨn ɓut nyakulg losɨ.
Ngan mbahg a in ngéndɔɔg losɨ,
kɨ ngékoogo dĩndug losɨ.
6Na in, a kunsɨn ngéjamosɨkadkarig lo Bɨraɓe,
a ndan tɔsɨ ngékɨlaɓerg lo Luwah loj.
A i san nyamajg lo girrdeg
kɨ dang dang,
a i gan buro dɔ nyagaburot lod.
7A i ngahn gajnya dɔnat joo
got rosɔlt losɨ,
a i ngahn ronel dɔ gajnyat losɨ
got tɔsɨt kɨtuj.
Kɨtɔ 'nten la a ngahn ne gajnya losɨ
dɔnat joo kam dɔningt losɨ,
na ronel losɨ a tokɨnõt.
8Kɨtɔ mĩ Bɨraɓe, m'ndig nyaɗa kɨgoɗobat,
m'mbet ɓoog kɨ nyaɗa kɨgoot al.
M'a m'ad'd nyabajid kɨgo nyaɗamt kɨro,
m'a m'un kɔm sed kɨ kunkɔ kɨ tokɨnõt.
9A gerɨn kohd ku girrdegt kɨ dang dang,
kɨ ngekad ku degt tɔ.
Tubeg'n a ond a gerɨnd,
in girrdeg kɨ Bɨraɓe njang dɔd.
10M'a m'ɗa ronel ãã,
m'a m'ɗa ronel, kɨta Bɨraɓe,
ndilɨm ɗa ronel kɨta Luwah,
kɨta ut dɔm kɨ kub nyaɗa kɨdenesew
Pare rom kɨ kub ɗa denesew,
tit dekɨdẽ kɨ a pare ron kɨ medkɔsɨg
kɨta ta ngaw kij be.
11Tit'n dɔning a ad kumnya ɓan,
na tit'n ndɔɔ a ad kumnya kɨ
dub kamt ɓa ye,
titbe tɔ Bɨraɓe Luwah a ad denesew
kɨ ndub ɓa kɨ kɔsɨgon takum girrdegt
kɨ dang dang tube.
Currently Selected:
Ejai 61: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
