Ejai 5
5
Terrta dɔ ndɔɔ nduut
1M'a m'ɔsɨ pa kɨta ngetar lom,
ad i pa lo ngetar lom
kɨdɔ ndɔɔ nduut loa:
Ngetar lom aw
kɨ ndɔɔ nduu dɔ door lot
kɨmaj ngãi.
2Ndɔɔ lo, tɔrr mbalg,
hɔ nduu kɨmaj tit,
ɗa kuj ngomlo kɨ ngal tit,
ɗa lo ɓa nduu kamt,
nda kamɨnt
kad n'ngah kand kɨmaj,
na and kand nduu kɨmajal.
3Tajigla in ngéndɨ Jerusalem
kɨ deg kɨ Juda,
kɨ i gangɨn ta mbɨnajt
kɨ ndɔɔ nduu lom.
4Nya mad nãi nõ kad
m'ɗa kam ndɔɔ nduut lom in m'ɗa,
al ɓaitɔ a?
M'nda kammt kad tee
kɨ kand nduu kɨmaj,
na tee kɨ kand nduu
kɨmajal kɨtɔɗi a?
5Tajigla m'a m'ɔjsɨ
nya'n ɓet m'a m'ɗa
kɨ ndɔɔ nduu lom.
M'a m'ɗa ba m'tɔrr kɨnga loa,
kad nyag san.
M'a m'ɗa burrolo ndogbɔrrat,
na a ɓana kɨ njad.
6M'a m'tela got ndɔɔt,
kad a jan takõna
ke ndɔɔn kama al.
Kõn kɨ ngár a ɓan tit.
M'a m'ɔg kilndii kad man
a ed dɔt al tɔ.
7Kɨtɔ ndɔɔ nduu
lo Bɨraɓe Ngekoosɨg
i ngékɨɓe lo Israel;
deg kɨ Juda tɔ
in nya kɨ hɔ kɨ nela.
Ndɨ ngoo takɨgang kɨgoɗobat,
na i mosɨ kɨ kũ kɔ.
Ndɨ ngoo nyaɗa kɨdenesew,
na i tõn ɗusɨɗusɨ.
Nya kɨ to a so dɔ ngéɗamajalgt
8Beto lo ngeɗa kuj
kadnat nat,
kɨ ngéla ndɔɔ kad nat,
mbã lo mad kɨ to kari goto.
Na a ndɨn kɨ kɨɗad
dɔningt 'nten.
9Bɨraɓe Ngekoosɨg
elta mbimt, Kɨ yo kɨnda an:
Rota kujg ngãibe
a telɨn gootɓe;
kuj kɨbobo kɨ kɨmajmaj,
de a ndɨt al.
10Ndɔɔ nduu hektar mɨta
adɨn man nduu litɨr dɔmi al.
De'n duw geme kilo ɓu
a tet kilo kɨlah koon.
11Beto lo ĩgɨn ɓain kɨsĩ ritit,
sahn go nyakãi kɨ kong,
ndɨn ta kãi kasɨt mbã ndɔ,
kasɨnduu ɗad ad rod tɨngabil.
12Kɨndeh kɨ kɨndeh ngo, kɨ kɔd, kɨ tow,
kɨ kasɨnduu adɨnd ronel kam ɗa nahgt lod.
Turɨn go kɨlaɗa Bɨraɓe al,
oon kɨlaɗa jia al tɔ.
13Kɨtɔ 'nten la deg lom
awɨn ne ɓert kɨta nyager al.
Ɓoo ndɨ tɔl kɨbog lod
Koosɨg lod kɨnda man ɗad
ad kɔd tut kãrɨm.
14Kɨtɔ 'nten la holɓe,
a tee tan,
na a laa yalɨm,
kɨ kɨse ronel kɨ yekɨtyekɨt.
15Titbe Bɨraɓe
a lan dɔ de kɨber.
Ngégaɓuro a lan dɔd kɨ ber.
16Bɨraɓe Ngekoosɨg i kɨ tɔi
kɨ dõ kɨtakul takɨgang
kɨgoɗobat loa,
na Luwah Ngekunjɗang
a ɔj ron
kɨkunjɗang kɨtakul
nyaɗa kɨdenesew.
17Ngan batg
a san nya nõbe tit
lokuldt be,
na nyakulg
kɨ to mbulmbul
a san nya gootlot kɨtuj.
18Beto lo deg'n dɔnd
lo ɗagootalt lod
kɨ kɨla takɨbal godt,
a ndɔrɨn majal
kɨ kɨla pusɨ godt tɔ.
19Deg'n non anan:
Ada ɗa kɨla lon Kanag
ad j'oo,
ad takɔj lo Ngekunjɗang
kɨ Israel ndɔt kɨrojt nderbe
kad kɨ gera.
20Beto lo ĩgɨn
ndɨ kunɨn majal maj,
na kunɨn nya kɨ majal, maj
mbelɨn til kɨ kunj
na kunj mbelɨna kɨ til,
nya katbang gan ne
goot nya kɨnel,
na nya kɨnel gan ne goot
nya kɨ katbang tɔ.
21Beto lo ngékoo rod ngéterrt.
Oo a anan, n'in ngégoosɨ tɔ.
22Beto lo deg kɨngang
lo kãi kasɨt kɨ kong;
na ɓan tɔg bur
nyakãi kɨngang nat.
23Ndɨ ɔrrɨn ta dɔ de
kɨ ngeɗamajalt kɨta kadkari,
na ɔgɨn nya lo de kɨ
ta goto dɔat logangtat.
24Kɨtɔ 'nten,
tit'n horr õn bulmu
na mũ kɨtut so lɔt dan horrt,
titbe tɔ ngɨrad tel nya kɨndum,
hutd tɔ ɓai tit bu be,
kɨta mbetɨn ta nyandoo
lo Bɨraɓe Ngekoosɨg,
kidin ta lo Ngekunjɗang
kɨnge Israel.
25Kɨtɔ 'nten Bɨraɓe ɓawong
kɨ deg lon,
la jin kɨdɔdt, kad n'ndad,
mbalbog yeen,
ad dɔnind to ɗobt tit ɓirɓit be.
Be kaa wong loa oi al,
jia ɗa kɨ dõ ɓaitɔ.
26Bɨraɓe un drapo kɨ dõ
kɨta kunɨn koosɨ ngéɗɔɔg'n
in sãi.
A kund kɨ ngol
kad ɗen ko dɔngoi dɔningt na.
Ɗen kanangbe
kɨ ro kɨ to pelpel.
27De mad kudt kɨ kɔr ɗaa,
ke ga njan nyat goto,
de mad kɨ tẽ ɓi
ke to ɓi goto,
de mad kɨ ndardɔɓoa tut,
ke kɨla sa loa
gang goto tɔ.
28Kɨrãg lod tube
at pepep,
jid i dɔ gãt lod,
kɨngotinja sɨndag lod
kongkong tit mbal be,
na nja pusɨg lod
tit nélbarwãi be.
29Ko lod i ko lo tubo,
ko tit ngan tubo,
a jan ɗɔɔ na a hɔn nya,
unɨn tadt awɨn ne,
de mad kɨ ta tadt goto.
30Ndɔt'n non
kah ngéɗɔɔg a ko
tit bahbo
kɨ ko be.
Lon de oo
dɔning'n non,
lo i til
kɨ kamkil.
Kunj a tel lo
kɨ diw kɨtakul kilndii.
Currently Selected:
Ejai 5: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
