Ejai 4
4
1Ndɔt'n non dekɨdẽg tanãimɨta
a hɔn dekɨdɨngã kɨ kɨɗabe,
a elɨna anan:
J'a kɨ sa nya loj,
j'a kɨ la kub loj tɔ,
na ad kunɨn tɔi dɔjt koon.
Ɔrr ta rosɔl dɔjt.
Bɨraɓe a la kɔsɨgon dɔ ɓebo Jerusalemt
2Ndɔt'n non nya kɨ ɓa lo Bɨraɓe
a i majkoo kɨ kɔsɨgon,
na kand dɔning a i nya gaburo
kɨ kɔsɨgon ro ndeg Israelt kɨ nãi.
3Ndeg deg kɨ nãin kam ɓebo
Siõt, ĩgɨn nãin
kɨ dɔd dõ Jerusalem,
in tube a kunɨnd deg kɨjaɓat,
ad i dekɨɗen kɨ ndangɨn tɔa ku
ngékumkajɨrgt kɨ Jerusalem,
4lon Bɨraɓe a tugo yerr lo ngan
kɨdẽg kɨ ɓebo Siõ kɔ,
na a ard kɨ mosɨn ũ kɔ
kam Jerusalemt,
kɨtakul takɨgang kɨ so dɔdt,
tit kɨ kɨtakul horr
kɨ nuj lo tit nélbarwãi be.
5Dɔ mbalbot kɨ Siõ tube,
kɨ lo kawnagt loa,
Bɨraɓe a ndah kilndii
kɨ sahorr kada,
kɨ ndõhorr
kɨ kõ giling giling ndɔ,
na nyakutdɔ mad a i dõ
dɔ kunjat kɨɗangeɗeng tube.
6A i ndil kɨtakad lo tɨnga al,
a i loyaro kɨ longomro
kɨta kàd kɨ kɔsɨ
kɨ nélndii, kɨ ndii kɨ ked.
Currently Selected:
Ejai 4: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
