Ejai 47
47
Takɨgang dɔ Babilont
1Ɓebo Babilon, ngomand
kɨ ger ngaw al,
i ɗisɨ dɔ komber ngart, i ndɨ buningt.
Ɓebo Babilon, ngon Kaldeag kɨdẽ,
i ndɨ ber buningt.
Kɨtɔ a kunɨn ngomand kɨ sɔl lom lom
kɨ majkoo kɨ dum gog al ta.
2Un goi urɨn nyako.
Ɔrr mindil dɔit kɔ.
I hɔ ta kub loi kɨ dõ,
i nya njai kari kad i gangɨn bahg.
3A ɔrrɨn kub loi roit
na nyain kɨ roi kari,
deg a oon rosɔl loi, na gon dɔit.
M'a m'nda ngɨra,
na m'a m'nya de mad al.
4Ngebadɔj, tɔa i Bɨraɓe Ngetɔg tube,
i Ngekunjɗang kɨ Israel.
5Ngon Kaldeag kɨdẽ,
i ndɨ ber tai mbo,
aw kam lo kɨ diwt, ngon kɨdẽ lo Kaldeag,
kɨta a kunɨn ngetɔg dɔ kõɓegt gog al ta.
6M'ɓawong kɨ deg lom,
mad nyakagɓe lom tel nya kɨtuj,
m'lad jiit, na oo kumtondo lod al;
ad jug loi ɔi ngãi dɔ ngahtɔggt.
7El an: A ĩ ngetɔg kɨndɔgbe,
na i gah dɔ nyagt 'nten al,
i gah dɔ dɔboi nyag 'nten al tɔ.
8Oo dɔ ta 'nten tajigla,
ĩ ngeɗa ronel dɔ nyurkõgt,
in ĩ i ndɨ lom,
na el kamit an: Ĩ kɨɗabe,
kɨmad goto, na ĩ tã.
M'a mĩ tit ngengawkoi al,
na m'nal ngang tɔ.
9Ke nyaɗa mboolig loi in ngãi,
na tɔg yokɨnda loi i kɨbo kaa,
nyag kɨjoo 'nten a teen dɔit pat ndɔ kɨɗabe:
nal ngang kɨ ngawkoi, tu a son dɔit.
10I ɓakul majalg loi.
El an: De kɨ a oom goto.
Terr loi kɨ nyager loi adi'n i so mut,
na el kamit an:
mĩ kɨɗabe, kɨmad goto, na ĩ tã.
11Nya kɨ to a tee dɔit,
kanj kad oo go roi.
Tuj a tee dɔit hɔi
kɨ dum kɔsɨ kɔ.
Nujkɔ a tee dɔit pat,
kanj kad i ger go.
12I nãi kɨ lo ɗa yogt loi,
kɨ kam nyaɗa mbooligt loi kɨngãi,
in ɔrrɨn rɔkɨ kɨ mandi nu.
Maj a ne, an a i ngah nya madt,
Kad a i tel nya kɨkootɓool.
13Ɔrr rɔkɨ kɨta kɔjtag loi kɨngãi.
Ad deg'n non ɓain dõ ajɨn,
ad i ngéger dɔrã,
kɨ ngéndoo kɨmẽg,
kɨ ngéndɔndil dɔ kij naht
kɨta nya kɨ a ɗe dɔit.
14Oo, in tit mũ kɨtut,
horr a õd mugɨj.
A ajɨn rod ta tɔg horrt al.
A i tit yalhorr kɨ de a tiw al,
ke horr kɨkad de ndɨ tat,
15Deg'n non in ɔr rɔkɨ sed in titbe,
kɨ ĩgɨn i nda roi nat sed kɨ mand nu,
tĩn na, dekɨɗen tɔ kɨ ɗob lon,
de mad kɨ ngeɗasei goto.
Currently Selected:
Ejai 47: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
