Ejai 45
45
Bɨraɓe ndɨ elta kɨ Ngar Kirus
1Titbe kel Bɨraɓe kɨ ro wurt lon Sirus,
in Bɨraɓe hɔ jikõa,
kad girrdeg kɨ dang dang in girr tɔgat,
kad ɔrr ndardɔɓo ngarg,
kad tee tabitg nõat,
na de a utɨnd gog al.
2M'a m'ndia nõit,
m'a m'tɔsɨ dɔ log kɨ ɓai kɨ dõ
mad asɨna jerɨr,
m'a m'tet tabit ningakasɨg,
m'a m'gang hand kut tabitg tɔ.
3M'a m'adi nyag kɨ mbõn kɨnat
kam lo kɨ diw tilt,
nyamajg kɨ ton loyarot,
kɨtakad i gerɨn mĩ Bɨraɓe
Luwah lo Israel m'kuni kɨ tɔi.
4M'kuni kɨ tɔi,
m'nda tɔi kanj kad i gerɨm,
kɨta Jakob kɨ ɓer lom,
kɨ Israel kɨmbed lom.
5Mĩ la mi Bɨraɓe, kɨmad kɨɗang goto,
luwah mad kɨɗang goto,
na mĩ kɨɗabe tã.
M'dɔ ɓoi kɨ tɔg kanj kad i gerɨm,
6kɨtakad deg gerɨn
ko loɓakàdt mbã kɨ lokudkàdt.
Mĩ la mi Bɨraɓe, kɨɗang goto.
7M'ɗa kunj, na m'nda til tɔ.
Mad majkurr, na m'ɗe kɨ nya kɨ to tɔ.
Mĩ Bɨraɓe la m'ɗa nyag in non tube ye.
Bɨraɓe i Ngendah deg
8Ĩn dɔrãg ko dõ, ad denesew loi nde ɗengɗeng tit tal be,
Ad lo kɨ dõ ed nyaɗa kɨdenesew tit ndii be.
Ad dɔning tee tan kad kaj teet.
Ad denesew ɓa kɨkagloa.
Mĩ Bɨraɓe, mĩ ngendaah de'n non.
9Beto lo de'n kɔl kɨ Ngendahn,
de i jo mad kam jogt.
Hanj a ndɨje ngeɓahn an:
ɗi i ndɨ ɗa a? A el be e?
Ke kɨla alɨn jii a el an:
jia goto o?
10Beto lo de'n el bɔwɨn an:
Kɨtɔɗi oojmɨn a?
Ke el kõn an:
Kɨtɔɗi oojmɨn a?
11Titbe la i takel Bɨraɓe tajigla,
Ngekunjɗang lo Israel, kɨ Ngendaah an:
I ndɨjemɨn ta dɔ nyagt kɨ a ɗen,
i ndamɨn mber dɔ tat lo nganɨmg
ke dɔ kɨlaɗa jimt a? A elɨmɨn ta dɔt a?
12Mĩ la m'ɗa dɔning,
na m'nda de dɔt ye.
I jim tɔ la tee dɔrã ad tat,
na i mĩ la m'nda mber koosɨg kɨ kamt ye.
13Mĩ la m'ɓai kɨ Sirus
kɨgo denesewt lom,
na m'a m'ɗa ɗobg loa tube
mad asɨna jerɨr.
A ɗa ɓebo lom gog,
a ta ɓerg lom nyad dõ
kanj badɔ, kanj kadkari,
kel Bɨraɓe Ngetɔg tube.
14Titbe kel Bɨraɓe,
Nyangahg lo Ejiptiag,
kɨ nyagatg lo Etiopiag,
kɨ kɨ lo Sabeag, kɨ sikɨm deg,
a telɨn kɨ loi, a ĩn loi.
Deg'n non a ndian goit,
a ɗen kɨ jinjirg kɔdt,
a ɔsɨn gojd ber nõit.
Na anan:
rota, Luwah i nat sei,
Luwah mad kɨɗang goto,
na ĩ kɨɗaɓe tã.
15Na rota, ĩ Luwah, kɨ nge yaroi,
Luwah lo Israel, Ngekaj.
16Ngétaaɗɔɔ Luwah tube
a ĩn kɨ dɔ kɨ la kɨber kɨ rosɔl.
Ngétɔsɨ yog tube a awɨn kɨ rosɔl.
17Na Israelag taa, a ajɨn kɨtakul Bɨraɓe,
a ngah kaj kɨ mbãkɨnõt.
A in kɨ dɔ kɨ la kɨber kɨ rosɔl al,
kɨ kohgt lo kohg.
18Titbe kel Bɨraɓe
Ngendah dɔrã, Luwah kɨɗabe,
Ngendah dɔning, Ngeɗaa,
na ndaa ad ɗà bijir loɗaat.
Ndaah kad to kari al,
ɓah kad nyandahg ndɨnt:
Mĩ Bɨraɓe, na kɨɗang goto.
19M'elta loyarot al,
ke kam gɨlelot mad kɨ diw til
dɔningt;
m'elta ngaka Jakob m'an:
i sahmɨn lot kɨ to kari a?
M'el titbe al.
Mĩ Bɨraɓe m'el rota.
M'la mber nya kɨgoɗobat.
20In deg'n i nãin kɨ dɔsɨ dõ,
i kawɨn na kɨ nat, lo kɨɗabe.
In deg'n i teen ji girrdegt kɨ dang dang.
In tube in ngégernya al,
ton yo kagg lod,
kɔ'n luwah mad kɨ asɨ kajd al.
21Elɨn ta kɨ tɨga wakɨsɨ,
I teen kɨ kɔjg kɨ a hɔ deg kɨ ta.
Nõ el nyag 'nten ko loyaɓoodat nu a?
Nõ elta 'nten maɗi?
I mĩ Bɨraɓe ale?
Luwah mad kɨɗang goto, na mĩ tã,
luwah ngeɗa nya kɨdenesew,
ngekaj deg, kɨmad goto. Mĩ koon.
22In ngéndɨ dɔngoi dɔningt tube,
i telɨn kɨromt, na a ajɨn.
Kɨtɔ mĩ la mi Luwah, kɨɗang goto,
23M'nda yo kɨdɔmt mĩ kɨɓe,
ta kɨdenesew tee tamt,
na a mbel al m'an:
Goj kɨɗen a ɔsɨ ber nomt,
ndõ kɨɗen tɔ a un kɔn kɨ yokɨnda adɨm.
24Deg a elɨn anan:
Denesew kɨ tɔg
in kam Bɨraɓet koon.
Deg tube ngéɓawong sia
a ɗen roat, na rosɔl a ɗad.
25Ngaka Israel tube a ngahn tetɗɔɔ
kɨ kɔsɨgon kam Bɨraɓet.
Currently Selected:
Ejai 45: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 45
45
Bɨraɓe ndɨ elta kɨ Ngar Kirus
1Titbe kel Bɨraɓe kɨ ro wurt lon Sirus,
in Bɨraɓe hɔ jikõa,
kad girrdeg kɨ dang dang in girr tɔgat,
kad ɔrr ndardɔɓo ngarg,
kad tee tabitg nõat,
na de a utɨnd gog al.
2M'a m'ndia nõit,
m'a m'tɔsɨ dɔ log kɨ ɓai kɨ dõ
mad asɨna jerɨr,
m'a m'tet tabit ningakasɨg,
m'a m'gang hand kut tabitg tɔ.
3M'a m'adi nyag kɨ mbõn kɨnat
kam lo kɨ diw tilt,
nyamajg kɨ ton loyarot,
kɨtakad i gerɨn mĩ Bɨraɓe
Luwah lo Israel m'kuni kɨ tɔi.
4M'kuni kɨ tɔi,
m'nda tɔi kanj kad i gerɨm,
kɨta Jakob kɨ ɓer lom,
kɨ Israel kɨmbed lom.
5Mĩ la mi Bɨraɓe, kɨmad kɨɗang goto,
luwah mad kɨɗang goto,
na mĩ kɨɗabe tã.
M'dɔ ɓoi kɨ tɔg kanj kad i gerɨm,
6kɨtakad deg gerɨn
ko loɓakàdt mbã kɨ lokudkàdt.
Mĩ la mi Bɨraɓe, kɨɗang goto.
7M'ɗa kunj, na m'nda til tɔ.
Mad majkurr, na m'ɗe kɨ nya kɨ to tɔ.
Mĩ Bɨraɓe la m'ɗa nyag in non tube ye.
Bɨraɓe i Ngendah deg
8Ĩn dɔrãg ko dõ, ad denesew loi nde ɗengɗeng tit tal be,
Ad lo kɨ dõ ed nyaɗa kɨdenesew tit ndii be.
Ad dɔning tee tan kad kaj teet.
Ad denesew ɓa kɨkagloa.
Mĩ Bɨraɓe, mĩ ngendaah de'n non.
9Beto lo de'n kɔl kɨ Ngendahn,
de i jo mad kam jogt.
Hanj a ndɨje ngeɓahn an:
ɗi i ndɨ ɗa a? A el be e?
Ke kɨla alɨn jii a el an:
jia goto o?
10Beto lo de'n el bɔwɨn an:
Kɨtɔɗi oojmɨn a?
Ke el kõn an:
Kɨtɔɗi oojmɨn a?
11Titbe la i takel Bɨraɓe tajigla,
Ngekunjɗang lo Israel, kɨ Ngendaah an:
I ndɨjemɨn ta dɔ nyagt kɨ a ɗen,
i ndamɨn mber dɔ tat lo nganɨmg
ke dɔ kɨlaɗa jimt a? A elɨmɨn ta dɔt a?
12Mĩ la m'ɗa dɔning,
na m'nda de dɔt ye.
I jim tɔ la tee dɔrã ad tat,
na i mĩ la m'nda mber koosɨg kɨ kamt ye.
13Mĩ la m'ɓai kɨ Sirus
kɨgo denesewt lom,
na m'a m'ɗa ɗobg loa tube
mad asɨna jerɨr.
A ɗa ɓebo lom gog,
a ta ɓerg lom nyad dõ
kanj badɔ, kanj kadkari,
kel Bɨraɓe Ngetɔg tube.
14Titbe kel Bɨraɓe,
Nyangahg lo Ejiptiag,
kɨ nyagatg lo Etiopiag,
kɨ kɨ lo Sabeag, kɨ sikɨm deg,
a telɨn kɨ loi, a ĩn loi.
Deg'n non a ndian goit,
a ɗen kɨ jinjirg kɔdt,
a ɔsɨn gojd ber nõit.
Na anan:
rota, Luwah i nat sei,
Luwah mad kɨɗang goto,
na ĩ kɨɗaɓe tã.
15Na rota, ĩ Luwah, kɨ nge yaroi,
Luwah lo Israel, Ngekaj.
16Ngétaaɗɔɔ Luwah tube
a ĩn kɨ dɔ kɨ la kɨber kɨ rosɔl.
Ngétɔsɨ yog tube a awɨn kɨ rosɔl.
17Na Israelag taa, a ajɨn kɨtakul Bɨraɓe,
a ngah kaj kɨ mbãkɨnõt.
A in kɨ dɔ kɨ la kɨber kɨ rosɔl al,
kɨ kohgt lo kohg.
18Titbe kel Bɨraɓe
Ngendah dɔrã, Luwah kɨɗabe,
Ngendah dɔning, Ngeɗaa,
na ndaa ad ɗà bijir loɗaat.
Ndaah kad to kari al,
ɓah kad nyandahg ndɨnt:
Mĩ Bɨraɓe, na kɨɗang goto.
19M'elta loyarot al,
ke kam gɨlelot mad kɨ diw til
dɔningt;
m'elta ngaka Jakob m'an:
i sahmɨn lot kɨ to kari a?
M'el titbe al.
Mĩ Bɨraɓe m'el rota.
M'la mber nya kɨgoɗobat.
20In deg'n i nãin kɨ dɔsɨ dõ,
i kawɨn na kɨ nat, lo kɨɗabe.
In deg'n i teen ji girrdegt kɨ dang dang.
In tube in ngégernya al,
ton yo kagg lod,
kɔ'n luwah mad kɨ asɨ kajd al.
21Elɨn ta kɨ tɨga wakɨsɨ,
I teen kɨ kɔjg kɨ a hɔ deg kɨ ta.
Nõ el nyag 'nten ko loyaɓoodat nu a?
Nõ elta 'nten maɗi?
I mĩ Bɨraɓe ale?
Luwah mad kɨɗang goto, na mĩ tã,
luwah ngeɗa nya kɨdenesew,
ngekaj deg, kɨmad goto. Mĩ koon.
22In ngéndɨ dɔngoi dɔningt tube,
i telɨn kɨromt, na a ajɨn.
Kɨtɔ mĩ la mi Luwah, kɨɗang goto,
23M'nda yo kɨdɔmt mĩ kɨɓe,
ta kɨdenesew tee tamt,
na a mbel al m'an:
Goj kɨɗen a ɔsɨ ber nomt,
ndõ kɨɗen tɔ a un kɔn kɨ yokɨnda adɨm.
24Deg a elɨn anan:
Denesew kɨ tɔg
in kam Bɨraɓet koon.
Deg tube ngéɓawong sia
a ɗen roat, na rosɔl a ɗad.
25Ngaka Israel tube a ngahn tetɗɔɔ
kɨ kɔsɨgon kam Bɨraɓet.
Mbai Bible Revision © Bible Society of Chad, 2015.