Ejai 39
39
Ejekias hɔ ngombangkɨlag lo ngar kɨ Babilon kɨront
1Kaglot'n non Merodak Bala dan ngon Baladan ngar kɨ Babilon, la ngombangkɨlag kɨ maktubg kɨ kadkari ro Ejekiast kɨta oo hoi roto loa, kɨ lapia kɨ ngah. 2Ejekias hɔ ngombangkɨlag kɨront, ɔjd kuj ngom nyamajg lon ad i larjã, kɨ lɔr, kɨ nõkagg, kɨ yib kɨ gata i ngãi, kɨ nyaɗɔɔg lon tube, kɨ nyag tube kɨ kam kuj ngom nyamajgt lon. Nya kɨɗa kɨ Ejekias ɔjd kam kujt lon ke kam kõɓet lon al goto.
3Ejai ngekelta kɨ ta Luwaht ɗe ro ngar Ejekiast, ela an: Deg'n non elɨn ta ɗi a? Ɓain ko ɗah ɗen roit a? Ejekias tur an: Ɗen ko dɔningt kɨsãi ad i Babilon. 4Ejai el an: Ɗi oon kuju loi a? Ejekias tur an: Oon nyag tube kɨ kam kujt lom, nya mad kɨ kam kuj ngom nyamajgt lom kɨ m'ad'd oon al goto.
5Ejai el Ejekias an: Oon dɔ ta lo Bɨraɓe Ngetɔg tube. 6Oo, ndɔg ndɨ ɗen nõ, nyag tube kɨ kam kujt loi, kɨ nyag'n bɔwig mbõ kɨnat mbã ɓone, a ɔin kɨ Babilont; nya mad kɨ a nãi goto, kel Bɨraɓe. 7A ɔin ngani kɨdɨngã madg kɨ teen kamit, a telɨnd kujt kad ɗan kɨla, kam kuj kõɓet lo ngar kɨ Babilon. 8Ejekias tur Ejai an: Ta lo Bɨraɓe'n el nõ, maj. Ejekias el kamɨnt an: Lapia kɨ ndɨ lom a in kam ndɔ ndɨ kɨ dɔ dõt lom.
Currently Selected:
Ejai 39: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
