Ejai 35
35
Kɨbadɔ lo Bɨraɓe a telɨn kɨ Siõt gog
1Dɨlalo kɨ ning kɨtut a ɗan ronel,
dɔning kɨ ngan kagg ɓant, i ɗa ronel.
2A ɓa hut ngãibe,
ɓai kɨdɨtalg,
a ndom a ũ yel ronel.
A adɨna kɔsɨgon kɨngãi lo dɔning Libã,
nat kɨmaj kɨtɔitɔi lo mbalbo Karmel,
kɨ kɨ lo dɔning Sarõ.
A oon kunj Bɨraɓe kɨɗangeɗeng
kɨmaj kɨtɔitɔi lo Luwah loj.
3Adɨn jisɨ kɨkoi yelel ngang.
I sɨran gojsɨ kɨkoi njurur.
4Elɨn ngéɓoolg anan:
Iren kamsɨ, ot ɓoolɨn.
Oon. Luwah losɨ a ɗe ndangɨra
kɨ nyabaji lo Luwah jint.
Ĩ kɨɓe kɨdɔn a ɗe ajsɨ.
5Kamla kum mundog a tee,
mbi mboog a mbut.
6Kamla mootg a talɨn dang dang
tit wal be,
na ndõ mboog a ɔsɨ pa kɨ ronel.
Mang a ɓan kam lot kɨmanga,
na man bahg a nũn kam dɨla ngart.
7Ning kɨtɨngabil a tel mankaar,
ning kɨtut a tel man kɨɓa.
Wayab kɨ mũ kɨ ta baht
a ɓan holɓe talg.
8Lot'n non a ɗan ɗob tit,
a kunɨna Ɗob Kɨjaɓat.
De mad kɨyerr a tɔit al,
na Bɨraɓe ĩ kɨɓe a tee ɗob'n non,
Ɓoodg a tɔint al.
9Dɔ ɗobt'n non tubo gotot,
dã mad kɨmajal kɨɗa a tɔit al,
kɨkɨɗa kaa a ngahna tit al,
na kɨbadɔg koon la a ndiant ye.
10Kɨbadɔg lo Bɨraɓe a telɨn
kɨ ɓebo Siõt gog,
kɨ pa, kɨyel kɨ kũ,
kɨ ronel kɨ tokɨnõt.
Takumd a i kɨ ronel,
kamkil kɨ tõ ɗusɨɗusɨ tɔ tɔi kɔ.
Currently Selected:
Ejai 35: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
