Ejai 29
29
Takel Bɨraɓe dɔ Jerusalemt kɨ madngétaag
1Beto lo Ariel, Ariel,
ɓebo'n Dabid hɔlondɨt.
Ɔsɨn gon nahg
ɓal kɨ ɓalt,
ad ɗan ɗa nahg ad ɔsɨn gona
2M'a m'ɗai majal Ariel,
a i nõ kɨ tõ ɗusɨɗusɨ,
ɓebo Jerusalem a i tit Ariel mad romt.
3Tit Dabid, m'a m'nda gong
m'gugɨn dɔi,
m'a m'ɗa kujg kɨ ngal
kad ndogbɔrrt kɨta ɗɔɔ,
m'a m'ɗa ɗob
dõ dɔ bɔrt m'ndoorɨn.
4A lain kɨber,
a elta ko ningt.
Tag loi a teen ko ber girr buningt,
ndii a i tit ndi ma de be.
Girr buningt la
a eltag loi tit ye.
5Na koosɨ madngétai
a in tit buning kɨ to letlet,
Koosɨdeg kɨkootɓool
a in tit tisa kɨ tɔi kɨ nél,
na, tentenbe
6Bɨraɓe Ngetɔg tube a ɗe kam
ndáng ndiit kɨ yee dɔning,
kɨ kah kɨ ko ɓirɓir
nat kɨ nélmal, kɨ nélbarwãi
kɨ ndõ horr kɨ kõ giling giling.
7A i tit nii, nyakookamndilt ndɔ,
deg tube'n ɗɔɔn Ariel,
deg tube'n ɗɔɔ sia,
a tana lo na a irena.
8A i tit de kɨ ɓo ɗaa,
na ndɨ sanya kam niit,
na lon ndɔl dɔ ɓit a ne,
kama to kari.
Tit de kɨ kɨnda õa,
ni, na ndɨ ãi man,
kamla ndɔl dɔ ɓit a ne,
tɔga goto, kɔa tut.
Titbe tɔ la i girrdeg koosɨg
in ɗɔɔn kɨ mbalbo Siõ ye, a in ne.
Ta dɔ mundot kɨ kasɨ ɗa
9Ad ta yasɨ, i ndɨn tasɨ mbo.
Utɨn kumsɨ, i telɨn mundog.
Adɨn kasɨ ɗasɨ,
na i kasɨnduu al.
Awɨn jalɨm jalɨm,
na i kasɨ hã ɗasɨ al.
10Kɨtɔ Bɨraɓe ũ ndil ɓi kɨtɔlsɔkɨr dɔsɨt.
Bɨraɓe ut kumsɨ in ngékelta kɨ ta Luwaht,
ut dɔsɨ tɔ in ngékonyakamndilt.
11Nyakookamndilt 'nten tube tel tit
maktub kɨ kɔsɨ kɨ kase be rosɨt.
Lon a adɨn de kɨ ger da anan:
I da ta 'nten a ne, tur an:
m'asɨ al kɨta ɔsɨn kɨ kase.
12Taa adɨn maktub'n non
de mad kɨ ger da al, anan:
I da ta 'nten a ne, a tur an:
m'ger da al.
13Bɨraɓe el an:
Deg'n non ndɔt'n kɨromt kɨ tad,
kɨ ndartad koon la
ndɨ ɔsɨn ne gonɨm ye,
na kamd i sãi sem.
Ɓool'n ndɨ ɓoolmɨn nõ
i mberkɨnda lo deg,
la unɨn dɔdt kari ye.
14Kɨtɔ 'nten m'a m'ɗa nyag kɨyaya ɓaitɔ
ad terr lo ngéterrg a tuj kɔ,
goosɨ lo ngegoosɨg a goto.
15Beto lo ngéya dɔ kɔjtaɗag lod ro Bɨraɓet.
Ĩgɨn kɨlaɗad i gid tilt,
na ndɨ anan: Nõ a ooj, nõ a gerj?
16Nya mbel kɨ titbãi?
Hanj a i kɨ kɔsɨgon tɔi ngeɓan a?
Ke nya'n de ɗa a el ngeɗan an:
Mĩ kɨlaɗai al a?
Ke jo bɔr a el ngeɓahn an:
Goosɨ loi goto. A el be a?
Bɨraɓe a badɔ Israelag
17Kaglo nãi ngãi al,
dɔning Libã a tel ndɔɔ kɨ tee kɨ kand nya ngãi,
na ndɔɔ kɨ tee kɨ kand nya ngãi
a nder tit kú be.
18Ndɔt'n non ngémbitɔɔg a oon dɔ tag
kɨ kam maktubt,
kum mundog a oo lo kɨta a ɔrrɨnd
kam lo kɨ diw tilt kɨtɨga.
19Deg kɨ sa yelel a ngahn ronel
kam Bɨraɓet,
na ngéndog ku degt a ɗan ronel
kam Ngekunjɗangt kɨ Nge Israel.
20Kɨtɔ ngembɨrã deg a goton,
ngékɔldeg deg Luwah a goton,
tube'n ndɨn ta ɗa majalt
a nujɨn kɔ.
21Deg'n ndɨ telɨn de ngeɗamajalt
kɨta ngon ta kɨdu tẽbe,
ndɨ yan gum kɨta de'n ndangd lo gangtat,
ndɨ tujɨn takɨgang
kɨtakul ta kɨ la kɔ det kɨ ta loa goto.
22Kɨtɔ 'nten Bɨraɓe ngebadɔ
Abraham elɨn ta dɔ
ngékɨɓet lo Jakob, an:
Tajigla ro Jakob a sɔla gog al,
takuma a i kɨ ɓool gog al ta.
23Kɨtɔ lon Jakob oo nganɨn,
ad i kɨlaɗa jim kudt a ne,
a adɨn tɔm to kɨkunjɗang,
a adɨn Ngekunjɗang kɨnge Israel i
kɨkunjɗang,
na a ndadɨn nõ Luwaht lo Israel tɔ.
24Ĩgɨn son mut kam ndildt
a ngahn goosɨ,
na ngényurta a taan nyandoo.
Currently Selected:
Ejai 29: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
