Ejai 25
25
Pa ndub Bɨraɓe kɨta kamkẽ loa
1Bɨraɓe, ĩla ĩ Luwah lom ye.
M'a m'ɔsɨgoni, m'a m'ndub
tɔi kɨta i ɗa nyag kɨyaya,
kɔjtaɗat loi kɨ maɗi nu,
tɔlɨn kond tube.
Ton lo todt, a mbelɨn al
2Kɨtɔ ad ɓebo tel dub mbal,
ɓebo kɨngang tel nya kɨnuj.
Ɓebo lo mbahg'n
ndogbɔrr kɨngang gug dɔ,
tet kɨ ber, a ɗan gog al.
3Kɨtɔ 'nten girrdeg kɨgang
a ɔsɨn gõni,
ɓebog lo girrdeg kɨ ngang
ngékookumtondo lo deg al a ɓoolɨn
4Kɨtɔ ĩ longomro lo ngendo,
ĩ longomro lo de kɨdangt kam
kamkɔlt loa.
Ĩ loyaro kaglo nélndiit.
Ĩ ndil kɨta kàd kɨtɨnga,
kɨta ko ta deg kɨkootɓool
a tee tit nélbarwãi be,
nda ndogbɔrr,
5tit kàd kɨ ɔsɨ dɔ dɔningt
kɨ tut kurum be,
ɔg dɔ kɨse lo mbahg,
tit'n kilndii utɨn kum kàd kɨ kɔsɨ,
titbe tɔ la ɔgɨn deg kɨkootɓool
dɔ kɔsɨ pa ye.
6Bɨraɓe Ngetɔg kɨ tɔitɔi a ɗa mburnam
kɨta girrdeg kɨ dang dang tube
dɔ mbalbot'n ɗan,
ad i mburnam kɨta deg tube,
kɨ kasɨnduu kɨjanjoi,
kɨ nyasa kɨmaj,
kɨ mbool kɨ kam kɨngat
kɨ kõn kasɨnduu kɨkar nyang.
7Dɔ mbalbot'n ɗan la
Bɨraɓe a ngĩ ta kub in
lɔw dɔ degt tube,
kɨ kubkutdɔ'n ut dɔ girrdeg
kɨ dang dang tube tɔ.
8A ɔrr koi ad goto mbãkɨnõt.
Bɨraɓe Luwah a bɔr man nõ
kum degt tube,
a ɔrr rosɔl kɨdɔ degt lon
dɔningt tube,
Bɨraɓe la elta ye.
9Ndɔt'n non a elɨn anan:
Ĩla i Luwah loj;
kɨ nda kamj dɔat,
ĩla aj'j ye
Ĩ Bɨraɓe'n kɨ nda kamj dɔit
Ad kɨ ɗan ronel
kɨ kamnda kam kajt loa.
10Bɨraɓe nda jin
dɔ mbalbot'n ɗan.
Na a ɓa dɔ Moab mbujmbuj
tit'n a ɓan ne dɔ ɓirɓit be.
11Lot'n non a tee jin
tit'n ngekalman a teen jin
kɨta kalɨn man,
na Bɨraɓe a la dɔngang loa kɨber
kɨ kɨlaɗa jia tu.
12A ɔsɨ ndogbɔrrg
kɨngang lad kɨ ber,
tetd ningt mbã kɨ buningt.
Currently Selected:
Ejai 25: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
