Habakuk 2
2
Luwah turta ad Habakuk
1M'a m'ɗa longomlot lom
m'a m'duba m'ɗa dõ dɔ kujt lom kɨ ngal,
m'a m'ndɨ dɔgt kɨ m'oo nya'n hã Bɨraɓe a elɨm
kɨ nya'n m'a m'tura go kun dɔt lom.
2Kamla Bɨraɓe turɨm an:
I ndang ta nyakookamndilt 'nten,
I ndang dɔ bart kɨtakad ngeɗa maktub kɨ da ad ar nyang
3kɨta nyakookamndilt 'nten
ɔjɨn kagloa woi, na ndɨ aw kɨ dɔboint,
i takɨbal al, ĩla oo tit ndɨ kɔkɨ ɓaitɔ a ne,
i ngooa kɨta nya a ɗa nya kɨ rota kɨkanj ndɨ kɔkɨ.
4Oo, de'n ɔsɨgon ron,
kama i dene al.
Na de kɨdenesew a ndɨ kɨ dɔn dõ
kɨtakul nyaɗakɨro lon.
5Tit de kɨ ngekasɨɗa kɨ ndɨ elta kɨ dɔ sir
ke ngegaburo'n ndɨ lom al.
Ndɨ tee tan ad tat tit lo kɨ koo, ndan al bat tit koi,
ɔrrɨn girrdeg tube kɨront
na kaw deg tube kɨnat kɨta kõɓe dɔdt.
6Na ndɔ mad girrdeg'n non tube
a elɨn ta kɨ tamajta
A elɨn anan:
Beto lo de'n kaw nya'n hã i loa al.
Mbã ndɔ bãi a i nya 'nten ad ɗa nya a?
Na ɔi girrag ngãibe kɨdɔnt.
7Ngégɨrrag loi a ɓain kanangbe ale?
Ngeɗa kumi ndo a ndoolɨn dɔɓit
kad i ɓool kɨ ro ndad ale?
Kamla a i tel nyahɔ lod.
8I tirr nya lo girrdeg ngãibe pur.
Kɨta 'nten girrdeg tube'n
nãin tirɨn nyag loi pur ho
kɨta i ũ mosɨ deg kɔ,
na ɗa nya kɨlo ngetɔgt,
i ndoorɨn deg kɨ Juda
kɨ ɓebo loa Jerusalem,
kɨ deg kɨ ngendɨt tube.
9Beto lo de'n ndɨ kaw nyangah
kɨgoot al kɨta kuj lon
kɨtakad n'la ngon kam lot kɨ dõ
ndii sah kad'n ɗa lo ton kam lot kɨ dõ
kɨ nãi ta nyat kɨmajal kɔ.
Kad nya kɨmajal ɗe tujd al.
10La rosɔl dɔ ngékɨɓet loi kɨta i tɔl
deg ngãibe na in kɨɓe, i ɗa majal kɨ roi,
11kɨta ko kam ndogbɔrrt nõ mbal a
kon tit kɨ ndɨn na ko dɔ kujt kag kuj a tura ta.
12Beto lo de'n nda be kɨgo ɗob
kũ mosɨt kɔ
na la girr ɓebo dɔ nyaɗat kɨgoot al.
13Oo, i ndig lo Bɨraɓe Ngekoosɨg la deg ɗan ne kɨla
kad horr õ, na girrdeg ɔrrɨn rɔkɨ pãbe ale?
14Kɨtɔ dɔning a ɗoosɨ kɨ ger tɔko lo Bɨraɓe
tit'n, man ɗoosɨn bahbo ye be.
15Beto lo de'n ad madɓen nyakãi kɨlo ngetɔgt
ko kam sɔl wongt lon ad kasɨ ɗaa
kɨtakad nɔlɨn roa kɨkari.
16Kami ɓakot kɨ rosɔl ɔrrɨn got tɔko.
Ĩn tɔ ãi na ɔj rosɔl loi kɨtɨga.
Kop kɨ jikõ Bɨraɓet a tel kɨroit
na rosɔl a ut dɔ tɔko loi.
17Kɨtɔ nyaɗa kɨlo ngetɔgt kɨ ɗan kɨ
Libã a tel so dɔit.
Nuj kɨ nujɨn dãg kɨmut a ndai ɓoolt
kɨta mosɨ deg'n ũ ningt,
na i ɗa nya kɨlo ngetɔgt
kam dɔningt ndoorɨn ɓebog kɨ ngendɨt tube.
18De kɨ ngeɗa ɓakumta nya kɨtɔsɨ ye
ngah ɗi kɨtakul yon ɗa a?
De kɨ ngeɗa ɓakumta nya kɨ nyẽ
kɨtɔɗi nda kamɨn dɔ yot kɨmbo kɨ ngendoo nya kɨngom a?
19Beto lo de'n el kag an: I ndool dɔ ɓit.
Na el mbal kɨ elta al, an: I ɓai.
Kag kɨtɔsɨ kɨ mbal asɨn ndoo nya a?
Oo, ɗan gida kɨ nar ɔr kɨ arjã
na ko kɨ tẽbe kaa, goto kamt.
20Na Bɨraɓe i kam kujt lon kɨjaɓat.
Kɨ dɔning kɨtaagbe ndɨ gon mbo nõat.
Currently Selected:
Habakuk 2: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
