Yaɓooda 46
46
Jakob aw dɔning Ejipt't nat kɨ ngékɨɓe lon
1Israel so ɗobo kɨ nyag lon tube, tee Birr Sebat, la kadkarig kɨjakɔ ad Luwah lo bɔwɨn Isaak. 2Na Luwah elta kɨ Israel'n Kam nyakookamndilt ndɔ, el an: Jakob, Jakob. Israel tur an: Mĩ ne. 3Na Luwah el an: Mĩ Luwah, Luwah lo bɔwi. Ot ɓool kaw dɔning Ejipt't kɨta nu la m'a mad i tel girrdeg kɨngãi ye. 4M'a m'aw sei Ejipt't, m'a m'tee sei tɔ, na ji Jojep la a ut kumi ye.
5Kamla Jakob ɓai Beer Seba, na ngan Israel'n unɨn bɔwd Jakob kɨ ngandg kɨ nẽdg kam pusɨgt'n Paraõ lan kad tond ne. 6Ɔin nyakulg lod kɨ nyangahg lod'n ngahn kam dɔning Kanat. Jakob aw Ejipt kɨ ngakan tube nat sen. 7Ngana kɨdɨngã kɨ ngan ngana kɨdɨngã kɨ ngana kɨdẽ kɨ ngan ngana kɨdẽ, kɨ ngakaa tube aw sed Ejipt.
Ngékɨɓe lo Jakob
8Tɔ ngan Israel'n awɨn Ejipt't laten: Jakob kɨ nganɨn: Ruben ngonderr Jakob.
9Ngan Ruben kɨdɨngã ĩn Henok kɨ Palu kɨ Hesron kɨ Karmi. 10Ngan Simeõ kɨdɨngã ĩn Yemuel kɨ Yamin kɨ Ohad kɨ Yakin kɨ Sohar kɨ Sawul ngon kooj dekɨdẽ Kana. 11Ngan Lebi kɨdɨngã ĩn Gerson kɨ Kehat kɨ Merari. 12Ngan Juda kɨdɨngã ĩn Er kɨ Onan kɨ Sela kɨ Peres kɨ Yera. Na Er kɨ Onan oin kam dɔning Kanat. Ngan Peres kɨdɨngã ĩn Hesron kɨ Hamul. 13Ngan Isakar kɨdɨngã ĩn Tola kɨ Puba kɨ Job kɨ Simron. 14Ngan Jabulon kɨdɨngã ĩn Sered kɨ Elon kɨ Jahleel. 15Ĩgɨn non ĩn ngan Lea kɨdɨngã'n oojd kɨ Jakob dɔning Padan Aramt, nat kɨ Dina ngona kɨdẽ. Ngana kɨdɨngã kɨ ngana kɨdẽ tube in dɔmɨta gidaimɨta.
16Ngan Gad kɨdɨngã ĩn Sipion kɨ Hagi kɨ Suni kɨ Esbon kɨ Eri kɨ Arod kɨ Areli. 17Ngan Ajer kɨdɨngã ĩn Jimna kɨ Jisba kɨ Jisbi kɨ Beria kɨ Serah kõnand. Ngan Beria kɨdɨngã ĩn Heber kɨ Malkiel. 18Ĩgɨn non ĩn ngan Jilpa'n Laban ad Lea ngonɨn kɨdẽ. Jilpa ooj ngang kɨ Jakob kɨlah gidaikɨbojidet.
19Rasel nẽ Jakob, ngana kɨdɨngã ĩn Jojep kɨ Benjami. 20Jojep ooj Manase kɨ Epraim kam dɔning Ejipt't, kɨ. Asnat ngon Potipera kɨdẽ ngejanyamosɨkadkari kɨ ɓebot Ont. 21Ngan Benjami kɨdɨngã ĩn Bela kɨ Beker kɨ Asbel kɨ Gerra kɨ Naama kɨ Ehi kɨ Ros kɨ Mupim kɨ Hupim kɨ Ard. 22Ĩgɨn ten la ĩn ngan Rasel kɨdɨngã'n oojd kɨ Jakob. Ĩn tube ĩn deg kɨlah gidaisɔɔ.
23Ngon Dan kɨdɨngã i Husim. 24Ngan Neptali kɨdɨngã ĩn Jaseel kɨ Guni kɨ Yeser kɨ Silem. 25Ĩgɨn ten la ĩn ngan Bila kɨdɨngã'n Laban ad Rasel ngonɨn kɨdẽ, oojd ad Jakob. Ĩn tube ĩn deg tanãimɨta.
26Deg tube'n ɗen kɨ Jakob Ejipt't, ĩgɨn ten ko kamat, ĩn dɔkɨbojidet gidaikɨbojidet. Tɨdan nẽ ngan Jakob kudt al. 27Ngang'n Jojep oojd Ejipt't ĩn joo. Ngékɨɓe lo Jakob tube'n awɨn Ejipt't, ĩn dɔtanãimɨta.
Jakob kɨ ngékɨɓe lon kam dɔning Ejipt't
28Jakob la Juda kete nont kɨ dɔ Jojept kad ela ad aw nont Gosent. Lon Jakob kɨ deg lon awɨn nderbe kad teen Gosent ye, 29Jojep ɗago pusɨ kõɓe lon, na aw ndɔd bɔwɨn Israel Gosent. Lon aw tee roat ye, so kɔat, nõ kɨ kɔat tɔ, nõ asɨ tat be. 30Israel el Jojep an: Tajigla asɨ kad m'oi, kɨta m'oo takumi, m'ooi i ndɨ kɨ dɔi dõ ɓaitɔ. 31Jojep el ngankõn kɨ ngékɨɓe lo bɔwɨn an: M'a m'aw kɨ m'el Paraõ, na m'a m'ela m'an: Ngankom kɨ ngékɨɓe lo bɔwɨm, ĩgɨn ndɨn dɔning Kanat, ɗen romt. 32Deg'n non ĩn ngekuldãg kɨta ĩn ngéngom ɓut dãg maɗi, na ɗen kɨ ɓut batg lod kɨ ɓut mangg lod, kɨ nyag lod tube. 33Lon Paraõ a kunsɨ, a ndɨjesɨ an: Kɨla losɨ i ɗi a? 34A ne, kaa i turɨn anan: Ɓerg loi ĩn ngéngom ɓut dãg basadt nu mbã tajigla. Jĩ tit Bɔwjg. Titbe i hɔn londɨ dɔning Gosent, kɨta ngékuldã ĩn nya kɨyerr ro Ejiptiagt.
Currently Selected:
Yaɓooda 46: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
