Ejekel 9
9
Tɔlɨn ngeɗayog Jerusalem
1Kamla ko kɨ ndin kɨbo mbimt an: I ad ngekoogo ɓebo ndɔt'n nderbe, dekɨɗen kɨ nyakat nujnya lon jint. 2Na oo, deg kɨbojidet ten kɨ ɗob ko tabit kɨ dõ kɨ sumba lo kɨjigel, dekɨɗen kɨ nyakat nujnya lon jint. Dekɨɗa kudt aw kɨ kub lẽ ront kɨ ɓɔl ngom nyan dang maktub ɓont. Andɨn, ɗan kad dɨngɨr ningakasɨt.
3Kunj Luwah lo Israel kɨɗangeɗeng ɓai dɔ Kerubgt, lot'n ɓait ɗat kete, aw tabit kujt kɨjaɓat, na kun de kɨ ngela kub lẽ kɨ ɓɔl ngom nyandang maktub ɓont nõ. 4Bɨraɓe ela an: I ndia kam ɓebot kɨ Jerusalem, i nja merke natnõ degt'n ndɨ nõ'n kɨ tõ ɗusɨɗusɨ, kɨta nyag kɨyerr tube kɨ deg ɗa ɗan kam ɓebot. 5M'oo dɔ elta kɨ ndegag tɔ an: I ndulon go de'n non kɨ kam ɓebot, i tɔlɨn deg, ot koon kumtondo lod, ot kɔjɨnd kamkẽ. 6I tɔlɨn deg tube, bɨgag, basag, ngan kɨmandg, ngan kɨdug kɨ dekɨdẽg, na ot kɔdɨn dekɨɗen'n ndangɨn merke i natnõat. I mban girra kamlot lom kɨjaɓat, mbã i teen ne dɔ kɨbogt ĩgɨn ndɨ nõ kujt. 7Kamla eld an: I yerrɨn kɨ kuj kɨjaɓat, i ɗoosɨn natlog kɨ nin. Awɨn, awɨn kɨ tɔlɨn deg kam ɓebot.
8Lon ɗa tɔlɨn deg ɓaitɔ na m'ndɨ kam lot'n non to ye m'so kɨ takum'm, m'ko m'an: Ah Bɨraɓe Luwah, a i nuj ndeg Israel kɨnãi tube kɨlo wong loi kɨ tɔlsɔkɨr kɨdɔ Jerusalem a? 9Elɨm an: Ɗagootal lo ngekɨɓe lo Israel kɨ Juda i kɨbobe, dɔning ɗoosɨ kɨ mosɨ, ɓebo ɓa kot kɨ nyaɗa kɨdene al kɨta elɨn anan: Bɨraɓe nya dɔning ko, Bɨraɓe oo al. 10Mĩ tɔ, kumm a oo kumtondo al, m'a m'ɔj kamkẽ al ho? M'a mad nyaba kɨlaɗad so dɔdt. 11Na oo, de kɨ ngela kub lẽ kɨ ɓɔl ngom nya ndang maktub ɓont, tel ɔrr hoita an: M'tɔlkon kɨla'n i ndam mbera kad m'ɗa.
Currently Selected:
Ejekel 9: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
