Ejekel 10
10
Luwah nya lo lon kɨjaɓat
1Kamla m'nɔl na oo, kɨ dõ dɔ lot kɨtat kɨdɔ Kerubgt nya mad kɨ ta'na kɨ mbal sapir kɨ ɗana ɓakumta pong i nõ.
2Bɨraɓe el de kɨ ngela kub lẽ an: Aw, and mbɨna gangt kɨ girr Kerubgt, oi yalhorr in to dan Kerubgt, ɗoosɨ jii na i tɨnda tĩn kɨdɔ ɓebot. M'ɗa m'oa and takum'mt.
3Kerubg ɗan kad kujt kokont lon de'n non andt ye na kilndii ɗoosɨ natlo kɨkeme. 4Kunj Bɨraɓe kɨɗangeɗeng bai dɔ Kerubgt, aw tabit kujt kɨjaɓat, kuj ɗoosɨ kɨ kilndii, natlo to ɗoosɨ kɨ nyẽr kunj Bɨraɓe. 5Kah bɔg Kerubg ko ad oon dɔ mbã kɨ natlot kɨtɨga tit ndi Luwah Ngetɔg tube lon ndɨ elɨn ta.
6Lon Bɨraɓe ndamber de kɨ ngela kub lẽ an: Un horr kɨ mbɨna gãt kɨ dan Kerubgt, de'n non aw, duba ɗa kad gant kɨɗa, 7Kamla Kerub kɨ ɗa la jin dan Kerubgt kam horrt kɨ dan Kerubgt, un na la ji det kɨ nge la kub lẽ, De'n non un horr na tee.
8Oo, nya mad kɨtit ɓakumta ji de be girr bɔg Kerubgt. 9M'nɔl na oo, gãg sɔɔ kad Kerubgt, gã kɨɗa kad Kerubt kɨɗen. Gãg'n non ĩn tit mbal krisolit, 10Kɨgo kɔdt kɨ kum ĩn tuso ɗana na ĩn tit'n gã kɨɗa kam madt. 11Lon ndɨ awɨn ye awɨn kɨ kɔtko so kɨkanj telɨn rod. Kɔtko kɨɗen in gã kɨkete a awt a ne, a ndulon goa kɨ kanj telɨn rod lon ndɨ awɨn, 12Rod kɨtaagbe, gid'd kɨ jid kɨ bɔgd kɨ gãg lod ɗoosɨn kɨ kumg gugɨn dɔ gej, ad i gang lo Kerubg kɨsɔɔ. 13Kamla m'oo do kunɨn to gãg'n non, Ngetur wurwur kɨdõt. 14Kɨɗen kudt aw kɨ takumɨn sɔɔ. Takum kɨdasa i takum Kerub, takum kɨkõjoo i ta kum de, takum kɨkõmɨta i takum tubo, takum kɨkõsɔɔ i takum kuro. 15Kerubg ɓain kɨ dõ na ĩn ngékumkajɨrg ĩgɨn m'ood kad bah Kebar. 16Lon Kerubg awɨn a ne, gang awɨn kad'dt na lon Kerubg teen bɔgd kad ɓain ne dɔ dɔningt a ne, gang to gangɨna sed al. 17Lon duban ye ĩn tɔ duban ho, na lon ɓain ye ĩn tɔ ɓain nat sed kɨta ndil ngékumkajɨrg'n non i kam gangt.
Bɨraɓe nya kam kuj ndub Luwah
18Kamla kunj Bɨraɓe kɨɗa ngereng tee ko ta kujt na duba ɗa dõ do serubgt. 19Kerubg teen bɔgd na ɓain dõ, dɔningt takum'mt. Lon ndɨ awɨn ye gang awɨn kad'dt tɔ. Ɗàn kad tabit't kuj lo Bɨraɓe ko loɓakàdt na kunj Luwah lo Israel kɨ ɗangereng i dɔdt dõ. 20Ĩgɨn non la ĩn ngékumkajɨrg ĩn m'ood girr Luwaht lo Israel kete kad bah Kebar na m'ger ĩn Kerubg. 21Kɨɗen aw kɨ takumɨn sɔɔ, kɨɗen aw kɨ bɔgɨn sɔɔ tɔ na nya mad kɨtit ji de be i girr bɔgdt. 22Takumd ta'na kɨ takum in hã m'oo kad bah Kebar, takɨndi i kɨɗabe ĩn kɨɓeg, kɨɗen ndia kɨɗing su mba non.
Currently Selected:
Ejekel 10: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
