Ejekel 6
6
A tujɨn dɨngɨrg lo yo
1Ta lo Bɨraɓe'n elɨmt an: 2Ngon de, ur kumi kɨdɔ mbalbogt lo Israel na i elta kɨta Luwaht ndoordɨn, 3an: In mbalbog lo Israel, oon dɔ ta lo Bɨraɓe Luwah. Bɨraɓe Luwah elta titbe kɨ mbalbog kɨ doorlog kɨ holman'g kɨ hollog, an: Oon, m'a mad kiyaɗɔɔ so dɔsɨt, m'a m'nuj log losɨ kɨ dõ. 4Dɨngɨrg losɨ a telɨn gotlog, nyag losɨ kɨtɔsɨ ɓakumta kàd, a tetɨnd ningt na m'a m'la nin ngékoig losɨ kɨnõ yogt losɨ. 5M'a m'ũ nin Israelag kɨnõ yogt lod na m'a m'tɨnda kɨngad m'tĩ gug dɔ dɨngɨrg losɨ. 6Lo kɨɗen kɨ i ndɨnt, ɓeg losɨ a telɨn gootɓeg, log losɨ kɨ dõ a nujɨn. Titbe dɨngɨrg losɨ a telɨn gotlog kɨ nujɨn ko, yog losɨ a tetɨn kɨ tujɨn, nyag losɨ kɨtasɨ ɓakumta kàd a tetɨn ningt na a bɔrrɨn kɨlaɗasɨg tube kɔ. 7Deg kɨ ngahn dò a tuson kusɨt, oin na a i gerɨn mĩ la mĩ Bɨraɓe ye.
Ndeg deg a ajɨn
8Titbe kaa, m'a m'nya ndegsɨ kɨ dɔsɨ dõ. Ĩgɨn non la a ten ta kiyaɗɔɔt, ãin ku girrdegt na a tĩsɨ kɨ dɔningg kɨ dang dang. 9Kamla ndegsɨ kɨnãi a gan kamd dɔmt ku girrdegt ĩgɨn awɨn sed ɓert, kɨta m'a mad ngarkamd kɨ ngéɗakayag'n tĩ nyamɨn kɔ gang ngalang, na m'a m'tɔ kumd kɨ ngekad nyurkõ go yogt lod. In kɨdɔd a oon rod kɨyerrt kɨtɔ majal kɨ ɗa na kɨta nyag kɨyerr lod tube. 10A gerɨn kad mĩ Bɨraɓe, m'elta kɨ ndang al lon m'an: M'a m'ɗa sed majal'n non. A gerɨn Bɨraɓe kɨtakul takɨgang loa.
11Titbe kel Bɨraɓe Luwah: I nda jii, i ɓa njai, i el an: Beto kɨta nyaɗa kɨyerr tube lo Israelag kɨta a son ta kiyaɗɔɔt kɨ ɓoo kɨ yokoosɨ. 12De kɨ ndɨ sãi a ne, a oi koi yokoosɨ, de kɨ nderbe a ne, a oi koi kiyaɗɔɔ, de kɨ nãi kɨ dɔa dõ na ro gug dɔa a ne, ɓoo a tɔla. Titbe m'a m'tɔl kon wong lom dɔdt. 13A i ger, mĩ la mĩ Bɨraɓe lon nin ngékoig lod ton ku yogt lod gugɨn dɔ dɨngɨrg lod kɨ dɔ doort kɨɗen kɨ tasom mbalbog tube kɨ girr kag kɨmbool kɨɗen kɨ girr kag dil kɨ nder kɨɗen kɨ lo kɨɗen in lan kadkarig kɨkootmbĩ adɨn yog lod tube. 14M'a m'la jim ndoordɨn, m'a mad dɔning tel gootɓe kɨtut kurum toi dɨlalo kɨ Dibla, log tube in ndɨnt. Kamla a gerɨn mĩ la mĩ Bɨraɓe ye.
Currently Selected:
Ejekel 6: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
