Ejekel 46
46
1Titbe kel Bɨraɓe Luwah: Tabit natlo kɨkeme kɨ sumba loɓakàd a i kɨkut ndɔ kɨlah gida i kɨbojidet, a teen taa ndɔ taakòt na a teen taa ndɔ kij naht tɔ. 2Mbaiɓe a and kɨ ɗob kɨ bulo kɨ tabitg't kɨtɨga, a duba ɗa nderbe kɨ tag tabit. Ngéjanyamosɨ a lan kadkari loa kɨlahorrt kɨ kadkarig loa kɨkad kamsɔllom. A ɔsɨ dɔn ber dɔ ɗiglot kɨ tabit't, kamla a tee na a utɨn tabit al mbã kàd ud. 3Deg kɨdɔningt a ɔsɨn dɔd ber nõ Bɨraɓet ta tabit'tn non ndɔ taakòg kɨ kij nahg.
4Kadkari kɨ lahort in mbaiɓe a la ad Bɨraɓe ndɔ taakò a i ngan batg kɨbojidet kɨkanj nya mad ɗad kɨ bal bat kɨɗa kɨkanj nya mad ɗaa. 5Kadkari nduj kɨta bal bat a asɨ kɨlo kɨɗa na kɨta ngan batg taa ne a la kadkari nduj kɨgo tɔgɨnt nat kɨ yib litɨr kɨbojidet kɨtɔ kɨlo gem dɔmɨta. 6Ndɔ kij nah a la kadkari bɔw mang kɨɗa kɨkanj nya mad ɗaa kɨ ngan batg kɨbojidet kɨ bal bat kɨɗa. A in kɨkanj nya mad ɗad. 7A la kadkari nduj kɨlo kɨɗa nat kɨ bɔw mang kɨ kɨlo kɨɗa nat kɨ bal bat na kɨta ngan batg taa ne, a ad kɨgo tɔgɨnt nat kɨ litɨr yib kɨbojidet kɨta kɨlo kɨɗen.
8Lon mbaiɓe a and a ne, a and kɨ ɗob kɨ bulo kɨ tabit't, a tee tɨga kɨ ɗob kɨkɨɗa ka nõ ho. 9Lon deg kɨ dɔningt a ɗen nõ Bɨraɓet kaglo nahg kɨ gang ndɔd ye, de'n a and kɨ tabit kojigel kɨ n'ɔsɨ dɔn ningt a ne, a tee kɨ tabit kojikõ na de'n a and tabit kojikõ a tee kɨ tabit kojigel. De a tel gog kɨ tabit in andɨn al na a tee kɨ tabit kɨ sumba non sew. 10Mbaiɓe a i dandt, a and nat sed, a tee nat sed tɔ.
11Ɗà nahg kɨ ndɔg kɨgang ye, kadkari nduj a i kɨlo kɨɗa kɨta bɔw mang kɨ kɨlo kɨɗa kɨta bal bat na kɨta ngan batg taa ne a ad kɨgo tɔgɨnt nat kɨ yib litɨr kɨbojidet kɨta kɨlo kɨɗen. 12Lon mbaiɓe a la kadkari kɨ kamndig ad Bɨraɓe, ke i kadkari kɨlahorrt, ke kadkari kɨkad kamsɔllom, a ten tabit kɨ sumba loɓakàd adɨna, a ad kadkari lon kɨlahorrt kɨ kadkarig lon kɨkad kamsɔllom tit'n a ɗà dɔ ndo taakòt, kamla a tee na lon tee woi a ne, a utɨn tabit.
13Ndɔ kɨɗen a ad ngon bat kɨ asɨ ɓal kɨɗa kɨkanj nya mad ɗaa kadkari kɨlahorrt kad Bɨraɓe, a ɗa titbe ndo kɨɗen kɨsĩ. 14A ad kadkari nduj nat sia ndɔ kɨɗen kɨsĩ, ad i gaj kɨɗa ku kɨ kɨbojidet't lo kɨlo nat kɨ yib asɨ gaj kɨɗa ku kɨmitat lo hin kɨta lɔi'n nduj. 'Nten la i kadkari nduj kɨta Bɨraɓe, i mberkɨnda kɨtokɨnõt kɨndɔgndɔg. 15A lan kadkari kõ bat kɨ nduj kɨ yib ndɔ kɨɗen kɨsĩ, a i kadkari kɨlahorrt kɨndɔgndɔg.
Ta dɔ nyandubat lo mbaiɓe
16Titbe kel Bɨraɓe Luwah: Ĩla mbaiɓe ad gaj nyanduba lon kadkari kɨta kɨkɨɗa ku nganɨnt a ne, a i nyanduba lo nganag, a i nyakagɓe lod kɨgo ɗob kon ndubat. 17Na ĩla ad gaj nyanduba lon kadkari kɨta kɨkɨɗa ku ɓergt lon a ne, a i lo ɓer'n non mbã ɓal tanyadõ, kamla a tel kɨ ji mbaiɓet gog kɨta ngana kɨdɨngã koon la a ngomɨn nya'n ad'd ko kam nyandubat'n nyakagɓet ye. 18Mbaiɓe a ta nyanduba lo deg kɨlo ngetɔgt al kad tuɓad ko dɔ nyakagɓet lod. Nyakagɓe loa kɨkɔsɨdɔa la a ad nganɨn nyandubat ye. Kɨtɔkad de mad ku degt lom i kɨ tuɓa kɔ dɔ nyakagɓet loa al.
Lo ndirr nya kadkari
19Goot gog aw sem lo kand taɗobt mad kɨ kad tabit't kam kujt kɨjaɓat lo ngéjanyamosɨ kojigel na oo, lo mad i kamt nõ ko kɨlokudkàd. 20Elɨm an: Ĩ non la i lon ngéjanyamosɨ a ndirrɨn dã kadkari kɨjakɔ tit kɨta tɔidɔta kɨ kɨta majalkɨɗa, lo in a loi'n nduj kadkari tit, lan horro kad teen ne natlot kɨtɨga al, na ɓeta telɨn deg kɨjaɓat. 21Kamla aw sem kam natlot kɨtɨga, tɔi sem kad dɔkum natlot kɨsɔɔ na oo, dɔkuma kɨɗen natlo i tit. 22Dɔkum natlo kɨsɔɔ nõ, gangɨn nat log tit na ngald i metɨr dɔsɔɔ, tadt i metɨr kɨlah gidaimi, tuso asɨna. 23Ndogbɔrr gug dɔd tusɔɔ na lo ɗa boorg i girr ndogbɔrrt tube. 24Elɨm an: Ingɨn ten la in kuj garg, lon ngékɨlaɓer a ndirrɨn dã kadkarig lo deg tit.
Currently Selected:
Ejekel 46: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
