Ejekel 40
40
Luwah ɔj Ejekel kuj kɨjaɓat kɨkij
1Bal kɨdɔjoo gidaimi lo ɗa ɓert ɔji kɨ mbagɨr bal kɨ ndɔ kɨkɨlah lo nah kɨ bal kɨkɨlah gidaisɔɔ got in hã tujɨn ɓebo ye, kam ndɔt'n non la ji Bɨraɓe i dɔmt na unɨm, aw sem kam dɔning Israelt. 2Unɨm kam nyakookamndilt kokɨro Luwaht, ndam dɔ mbalbot kɨ ngal puwuw kɨ ko kɨjikõ na nya mad kɨtit ɓebo be i dɔat. 3Lon aw sem nu m'oo de mad in roa tit ningakasɨ be. Aw kɨ kɨla lẽ kɨ kadnya mbɔjlo jint na ɗa tabit't. 4De'n non elɨm an: Ngon de i oo kɨ kumi ad mbii oo dɔ ho na i nda hangali do nyagt tube ĩn m'a m'ɔji nõ kɨta ɗen sei nẽbe kad m'ɔji. I ɔj ngékɨɓe lo Israel nyag tube'n a oo.
5Na oon, gid kujt kɨtɨga ndogbɔrr gug dɔa gej. Kadnya mbɔjlo kɨ ji det'n non, ngala asɨ metɨr kɨbojidet na metɨr kɨɗen asɨ metɨr kɨɗa kɨ daji de kɨɗa dɔt. Titbe la mbɔjɨn ndogbɔrr kɨ kadnya kɨɗa, ngala kɨ dõ i kadnya kɨɗa tɔ.
6Goot gog aw tabit kɨ sumba loɓakàdt na al kɨ ɗig log, mbɔj lo kɨ tabit nõ na koa kɨber i metɨr kɨɗa. 7Kam kuj kɨɗen ngala i kadnya kɨɗa na tata i kadnya kɨɗa. Mbɨna kuj kɨɗen i metɨr mi. Ɗig tabit kuj kɨnderbe kɨ tabit lo kand kam kujt kokama i kadnya kɨɗa. 8Mbɔj bulo kɨ tabit kokama, kadnya kɨɗa. 9Mbɔj bulo kɨ tabit, i metɨr jijoo na kaga i metɨr joo. Bulo kɨ tabit i kokama. 10Kuj to ngengomlog kɨ tabit kɨloɓakàd i mɨta kɔtko kɨɗa na i mɨta kɔtko mad, in tu mɨta mbɔjd asɨn na, kag tabitg kɔtko kɨɗen mbɔj di asɨna ho. 11Mbɔj tat tabit metɨr mi, na ngala kɨ dõ i metɨr kɨlah gidaimɨta. 12Nõ kuj to ngengomlogt kɨɗen, dɨngɨr i nõ, ngala i metɨr kɨɗa kot ko kɨɗen, kam kuj kɨɗen, tata i metɨr kɨbojidet, ngala i metɨr kɨbojidet tɔ. 13Mbɔjt tabit, mba girra ko gid kujt kɨɗa mbã kɨ gid kujt kɨmad, tata asɨ metɨr dɔjoo gidaimi, mba girra ta kujt kɨɗa mbã kɨmadt. 14Mbɔj pilieg asɨn metɨr dɔkɨbojidet nderbe kɨ natlo kɨ gug dɔ ta bit. 15Ko kɨ tabit kandt mbã kɨ tabit bulo kokama i metɨr dɔmi. 16Burrolog kɨkut in kad kujgt'n non, kɨ kad piliegt kokama gugɨn dɔ burrolog in kad bulot kokama gugɨn dɔ tɔ, na tɔsɨ ɓakumta kag tumburg kad piliegt.
17Goot gog aw sem natlot kɨtɨga na m'oo kujg kɨ lo kɨɓa gug dɔ natlo. Kujg in dɔmɨta dɔ lot kɨɓa'n non, 18Lo kɨɓa i ta tabitg asɨna derɨr kɨ ngald kɨningt. 'Nten i lo kɨɓa kɨber. 19Kamla mbɔj natlo ko tabit't kɨ ber mbã kɨ ta lot kɨɓa kɨ ko tɨga, i metɨr ɓu kɨɗa ko loɓakàdt kojigel.
20Mbɔj tabit natlo kojigel, ngala kɨ tata. 21Kuj to ngéngomlog in mɨta kɔtko kɨɗa na in mɨta kɔtko mad tɔ. Pilieg loa kɨ bulog loa mbɔj asɨna kɨ tabit kɨdasa, ngala i metɨr dɔmi, tata i metɨr kɨlah gidaijoo kɨ nusɨ. 22Burrolog loa kɨ bulo loa kɨ ɓakumta kag tumburg loa, mbɔjd asɨn na kɨ tabit kɨloɓakàd. Deg alɨnt kɨ go ɗiglog kɨtanãimɨta na bulo loa i kokama. 23Tabit natlo i nõ kokama sumbana kɨ tabit kɨ kojigel kɨ kɨloɓakàd, mbɔj tabit mad mbã tee kɨmadt i metɨr ɓu.
24Aw sem kɔtko jikõ, na oo tabit kojikõ, mbɔj pilieg kɨ bulog loa na mbɔjd asɨna kɨɗabe. 25Tabit'n non kɨ bulog loa awɨn kɨ burrolog gugɨn dɔ, ɗana kɨ burrolog kɨkete. Ngala i metɨr dɔmi, tata i metɨr dɔjoo gidaimi. 26Deg alɨnt kɨgo ɗiglog kɨ sĩ, bulo loa i kokama na ɓakumta kag tumburg in dɔ piliegt kadat kɨ ɗei. 27Tabit natlo i nõ keme kojikõ. Mbɔj tabit mad mbã tee kɨ madt i metɨr ɓu kɨɗa.
28Aw sem natlot kɨkeme kɨ tabit ko kɨjikõ, mbɔj tabit kɨjikõ na mbɔja asɨ kɨ kɨkete. 29Kuj to ngengomlog kɨ pilieg kɨ bulog loa, mbɔjd asɨna. Tabit'n non kɨ bulog loa awɨn kɨ burrolog gugɨn dɔ gej ngala i metɨr dɔmi, tata i metɨr dɔjoo gidaimi. 30Bulog gugɨn dɔa gej, ngald i metɨr dɔjoo gidaimi, tadt i metɨr mi. 31Bulog kɨ ta tabit't asɨna derɨr kɨ natlo kɨtɨga, tɔsɨn ɓakumta kag tumburg dɔ piliegt na ɗiglo kala ĩn jijoo.
32Aw sem natlot kɨkeme kɨ tabit kɨloɓakàdt, mbɔj tabit na mbɔja asɨna kɨɗabe. 33Kuj to ngengomlog kɨ pilieg kɨ bulog loa, mbɔjd asɨna. Tabit'n non kɨ bulog loa awɨn kɨ burrolog gugɨn dɔ gej, ngala i metɨr dɔmi, tata i metɨr dɔjoo gidaimi. 34Bulog loa asɨna derɨr kɨ natlo kɨtɨga. Tɔsɨn ɓakumta kag tumburg dɔ piliegt loa kɔtko kɨɗen na ɗiglo kala ĩn jijoo.
35Aw sem kɨ tabit kojigel, mbɔja na oo, asɨna kɨɗabe. 36Titbe tɔ kujg loa kɨ pilieg loa kɨ bulog loa. Burrolog gugɨn dɔa gej, ngala i metɨr dɔmi, tata i metɨr dɔjoo gidaimi. 37Bulog loa asɨna derɨr kɨ natlo kɨtɨga. Tɔsɨn ɓakumta kag tumburg dɔ piliegt loa kɔtko kɨɗen na ɗiglo kala ĩn jijoo.
38Kuj mad i nõ, tabita i nderbe kɨ pilieg lo bulo, i lon a tugon kadkarig kɨlahorrt tit. 39Kam bulot lo tabit kɔtko kɨɗen tabɨlg ndɨnt joo, dɔ ĩgɨtɨn non la a jan kadkari kɨlahorrt kɨ kadkari kutdɔ majal kɨ kadkari tɔidɔta. 40Kada ko tɨga, lot'n a alɨnt kɨ tabit kojigel, tabɨlg joo ndɨnt. Kada ko mad ko kɨ bulot lo tabit tabɨlg jo ndɨnt tɔ. 41Titbe la kad tabit't tabɨlg so ndɨnt ko ne, tabɨlg so ndɨnt ko nu, tabɨlg tube'n jijoo. Ĩgɨn non la a jan kadkari dɔt ye. 42Tabɨl madg kɨtɔsɨ kɨ mbal in nõ so kɨta kadkarig, kɨɗen kudt ngala i metɨr kɨɗa kɨ nusɨ, ngala kɨ dõ, i metɨr kɨɗa. Dɔ tabɨlgt nõ a ndan kadkari kɨjakɔ kɨlahorrt kɨ kadkari madg tɔ. 43Gan kongg in tadt asɨ daji de kɨɗa kad kujt kokama gug gej; Dan kadkari kɨjakɔ a i dɔ tabɨlgt.
44Ko tɨga kad tabit natlot kɨkeme kam kujg ĩn jo kam natlot kɨkeme. Kɨkɨɗa i kad tabit't kojigel sumba do lo kɨjikõ, kɨmad i kad tabit't ko kɨjikõ sumba dɔ lo kɨjigel. 45Elɨm an: Kam kuj kɨ sumba dɔ lo kɨjikõ i kɨta ngejanyamosɨ kɨ ngengomkuj. 46Kuj kɨ sumba dɔ lo kɨjigel i kɨta ngejanyamosɨ kɨ ngengomd dɨngɨr. Ĩgɨn non la ĩn ngan Sadok. Ku ngan Lebit tube ye ingɨn non koon la a ndɔt'n kɨro Bɨraɓet kɨta ɗa kɨlaɓer.
47Mbɔj natlo na ngala i metɨr ɓu kɨɗa, tata i metɨr ɓu kɨɗa asɨna. Dɨngɨr i nõ kujt kɨjaɓat.
48Aw sem kam bulot kɨ ta kujt kɨjaɓat, mbɔj kag tabit bulo na i metɨr mi kɔtko mad, i metɨr mi kɔtko mad tɔ. Tat tabit i metɨr mɨta kɔtko mad, i metɨr mɨta kɔtko mad tɔ. 49Ngal bulo i metɨr dɔjoo, tata i metɨr kɨlah gidaikɨɗa, deg alɨnt kɨgo ɗiglog pilieg ĩn kad kag tabitg, kɨkɨɗa i kɔtko kɨɗa, kɨ mad i kɔtko kɨmad tɔ.
Currently Selected:
Ejekel 40: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
