Ejekel 41
41
Kuj kɨjaɓat kɨkij
1Aw sem kam kujt kɨjaɓat. Mbɔj kag tabitg, tadt i metɨr kɨbojidet kɔtko mad, tadt i metɨr kɨbojidet kɔtko mad tɔ. I tat kujkub londɨ.
2Tat tabit i metɨr kɨlah, kad tabit mad mbɔj metɨr mi, kɨmad metɨr mi tɔ. Mbɔj ngal kuj kɨjaɓat i metɨr dɔsɔɔ, tata i metɨr dɔjoo. 3Kamla aw keme na mbɔj kag tabit, i metɨr joo. Tabit i metɨr kɨbojidet na tat tabit i metɨr tanãimɨta. 4Mbɔj ngala i metɨr dɔjoo, tata i metɨr dɔjoo nõ bulot na elɨm an: 'Nten i lo kɨjaɓat kɨtɔitɔi.
5Mbɔj bɔr kuj i metɨr kɨbojidet na tat kam kujg kɨ Kadat gugɨn dɔ gej i metɨr sɔɔ. 6Kam kujg kɨkadat ĩn kɨdɔat mɨta njɔra kɨɗen i dɔmɨta. Ton dɔ bɔrt mad in ɗana kɨta kam kujg'n non. Ton dɔt kanj kad bɔrr lod tĩnyan na kɨ kuj kɨjaɓat. 7Kam kujg kɨ dõ, tatd tɔi kam kujg kɨ girrdt. Deg a alɨnt kɨgo ɗiglo kɨɗug. Titbe kam kujg kɨ dõ ĩn kɨtat kɨtɔi. De a ɓai kujt kɨ ber, al kɨ kujt kɨ dõ kɨtakul kuj kɨ mbɨnat.
8M'oo lo kɨɓa gug dɔ kuj kɨjaɓat gej. Mbɔj girr kam kujg kɨ kadat kɨ kadnya kɨɗa kɨtaagbe, ad i metɨr kɨ ngal kɨbojidet. 9Kam kujg kɨkadat'n non, bɔrr lod kɨtɨga nder asɨ metɨr mi. Lo kɨɓa kɨ to kari mbɨna kam kujgt kɨkadat 10kɨ kam kujg kɨ gugɨn dɔ kuj kɨjaɓat, tat lo kɨɓa'n non i metɨr dɔjoo gug dɔa gej. 11Tabit kɨkand kam kujg kɨkadat'n non tee lot kɨ to kari, tabit mad i kojigel, tabit mad i ko kɨjikõ, tat lo kɨ to kari i metɨr mi gug do gej.
12Kuj mad kɨ sumba natlo ko lokudkàd, tata i metɨr dɔtanãimɨta, nder bɔra i metɨr mi gug dɔ na ngala i metɨr dɔjikɨɗa. 13Mbɔj kuj kɨjaɓat, ngala i metɨr ɓu kɨ ɗa, natlo kɨ kuj mad kɨ bɔra tu i metɨr ɓu kɨɗa. 14Tat nõ kuj kɨ natlo kɔtko kɨloɓakàdt i metɨr ɓu kɨɗa. 15Kamla mbɔj ngal kuj kɨ sumba natlo kɔtko kɨlokudkàd, i metɨr ɓu kɨɗa. 16Kam kuj kɨjaɓat kɨ bulog kɨtɨga kɨ ɗiglog kɨ burrolog kɨkut kɨ bulog kɨdɔat mɨta kɨ sumban nõ ɗig tabitg ĩn kɨ kutdɔ kɨ kag tube. Mban gira ningt mbã kɨ burrolog kɨkut 17kɨ gid tabit ko tɨga kɨ ko keme kɨ gid kuj kɨ bɔr tube kɨ gug dɔ, ĩn kɨ mbɔj tube. 18Ɗan ɓakumta Kerubg kɨ kag tu murg tit, kag tumbur kɨɗa mbɨna Kerubgt kɨjoo na Kerub kɨɗen aw kɨ takum joo. 19Tur takumɨn kɨɗa kɨ tit takum de be sumba kag tumbur kɨɗa na takum kɨmad tit takum tubo be kɨ ro kag tumburt mad. Ɗan titbe gugɨn do gej. 20Mban girr ningt mbã kɨdɔ tabit't dõ i ɓakumta Kerubg kɨ kag tumburg. Titbe tɔ ɗan kad bɔr kujt kɨjaɓat. 21Nder pilieg lo kuj kɨjaɓat asɨna. Nõ lot kɨjaɓat kɨtɔitɔi nya mad kɨtit.
22Dɨngɨr kag, ngala kɨ dõ i metɨr mɨta, ngala kɨningt i metɨr jo. Ɗan dɔkumag kɨ nja kɨ kada kɨ kag. Elɨm an: 'Nten i tabɨl kɨ i nõ Bɨraɓet. 23Kuj kɨjaɓat kɨ lo kɨjaɓat kɨtɔitɔi awɨn kɨ tabitg gidnat joo joo 24Tabit kɨɗen ud dɔnat jo, tabit kɨɗen aw kɨ kag joo kɨkud dɔnat. 25Ɗan bakum ta Kerubg kɨ kag tumburg dɔ ta bitgt lo kuj kɨjaɓat tit'n ɗan ne kad bɔrrt ye be. Nõ bulot kɨtɨga i kɨ kut kɨ kag. 26Burrolog kɨkut kɨ ɓakumta kag tumburg in ko kadat ko nu kɨ ko ne, ngan kujg kɨkadat in titbe tɔ.
Currently Selected:
Ejekel 41: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
