Ejekel 35
35
Ta kɨ dɔ mbalbo Seirt
1Ta lo Bɨraɓe'n elɨmt an: 2Ngon de, i turta kumi kɨ dɔ Mbalbo Seirt, i elta kɨtamt kɨdɔat, 3ela an: Titbe kel Bɨraɓe Luwah: Oo, m'ndoori Mbalbo Seir. M'a m'la jim kɨdɔit kad m'teli gotɓe kɨ lo kɨ de gotot. 4M'a mad ɓebog loi telɨn gotɓe na a i tel gotlo, kamla a i ger ta kad mĩ Bɨraɓe. 5Kɨtɔ kɔsɨta i kamit kɨndɔgndɔg na i la Israelag ta kiyaɗɔɔt ndɔ kamkɔlt lod, kaglo ɗagootal lod kɨdɔboit. 6Kɨtɔ 'nten, dɔ ndimt kɨdɔ dõ, kel Bɨraɓe Luwah, m'a m'lai kam mosɨt na mosɨ a ndulo goi kɨta i mbet mosɨ al ye, mosɨ a ndulo goi. 7M'a mad Mbalbo Seir tel lo kɨ de gotot kɨ gotɓe, m'a m'nuj ngekaw kɨ ngetel kamat kɔ. 8M'a m'ɗoosɨ mbalbog loi kɨ ngékoig kɨ dɔdoorg loi kɨ hollog loi kɨ kambahg loi tube, ĩgɨn nyakat tɔld ye a tu sont. 9M'a m'teli gotɓe mbãkɨnõt deg a ndɨn kam ɓebogt loi al, kamla a i gerɨn ta kad mĩ Bɨraɓe. 10Kɨtɔ i el an: Girrdeg kɨjoo kɨ dɔningg kɨjoo'n non a ĩn lom na j'a kɨ tad nyakagɓet be kaa Bɨraɓe i nõ. 11Kɨtɔ 'nten, dɔ ndimt kɨdɔ dõ, kel Bɨraɓe Luwah, m'a m'ɗa sei kɨgo wongt loi kɨ kɨgo jangt ĩgɨn i ɗan sed, kɨgo kɔsɨtat'n i ɔsɨd ta na m'a m'ad'd germɨn kudt lon m'gangɨn ta dɔit. 12A i ger ta kad mĩ Bɨraɓe na m'oo dɔ tag kɨmal ĩgɨn i el ndoorɨn mbalbog kɨ Israel, an: Telɨn gotɓe, adjɨn kad kɨ sa. 13I tɔin rosɨ kɨ dõ ndoormɨm kɨ tag kɨtasɨt na i elɨn tag ngãibe dɔmt. M'oo dɔ.
14Titbe kel Bɨraɓe Luwah: Lon dɔning kɨtaagbe i kɨ ronel a ne, m'a m'teli gotɓet. 15Tit'n i ɗan ronel kɨta nyanduba lo Israel nuj, m'a m'ɗa sei titbe tɔ. A i tel gotɓe, Mbalbo Seir, ĩn kɨ Edom kɨtaagbe, kamla a gerɨn ta kad mĩ Bɨraɓe.
Currently Selected:
Ejekel 35: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
