Ejekel 34
34
Ngéngombatg kɨmajal
1Ta lo Bɨraɓe'n elɨmt an:
2Ngon de, i elta kɨta Luwaht kɨdɔ ngéngombatg lo Israel, el ngéngombatg'n non ta kɨtamt an: Titbe kel Bɨraɓe Luwah, Beto lo nge ngomdɔɓetg lo Israel ĩgɨn ndɨ ulɨn rod ĩn kɨɓeg. Sumba kad ngéngombatg ulɨn batg ale? 3I san mboold, i lan kub bĩd rosɨt, i tɔl in ĩgɨn rod bo mbulmbul na i ulɨn batg al. 4Ĩgɨn ĩn kɨtɔg ye, i ɗan sed ad ngangɨn al, ingɨn in kɨ mõi i yootɨnd al, ĩgɨn ngahn dó i dɔɔn dó lod al, ĩgɨn tamd tĩ i telɨn sed gog al, ĩgɨn nãin i sahn god al na i õnɓe dɔdt kɨlo ngetɔgt kɨ ngang ngãi. 5Tĩn na kɔ kɨta nge kuld goto ad telɨn nyasa dãg kɨmut tube, ĩn kɨ tĩn na. 6Batg lom tĩn na, ndian kɨ log papa dɔ mbalbogt tube kɨ kɨdɔ doorlogt tube, batg lom tĩn na kɨ takum dɔningt kɨ taagbe. De mad kɨ sah ɗa sed goto, de kɨ sah god goto.
7Kɨtɔ 'nten ĩn ngéngombatg, oon dɔ ta lo Bɨraɓe. 8Dɔ ndimt kɨdɔ dõ kel Bɨraɓe Luwah, rota tit'n batg lom telɨn nyahɔ na telɨn nyasa dãg kɨmut tube kɨta ngengomd goto tit in hã ngéngombatg lom sahn go batg lom al na ulɨn rod kɨdɔd, ulɨn batg lom al, 9kɨta 'nten ĩn ngéngombatg, oon dɔ ta lo Bɨraɓe. 10Titbe kel Bɨraɓe Luwah: Oon, m'ɔsɨ ta ngéngombatg'n non. M'a m'ndɨje batg lom jidt gog, m'a m'nyad kad ngomɨnbatg lom al, m'a m'ɔrr batg lom tadt kad ĩn nyasad al. Bɨraɓe Luwah i Ngen gombatg.
11Titbe kel Bɨraɓe Luwah: Oon, mĩ kɨdɔm m'a m'ɗa kɨ batg lom, m'a m'sah god. 12Tit'n ngengom batg a sahn go ɓut batg lon kɨ madg kudt ĩn kɨ tĩn na, titbe tɔ m'a m'sahn go batg lom, m'a m'kawd ko kam logt tube ĩn tĩn, na tit dɔ ndɔ kilndiit kɨ til kɨdiw kirir. 13M'a m'tee sed ko ku degt, m'a m'kawd kɨnat ko kam dɔninggt, m'a m'tel sed dɔningt lod gog, m'a m'uld dɔ mbalbogt kɨ Israelt, mangt kɨ ɓan kam logt tube kɨ deg ndɨnt. 14M'a m'uld kam lokult kɨmaj na londɨd a i dõ dɔ mbalbogt kɨ Israel, nu la a tan ko tit kam lokult kɨmaj, a san mũ kɨmbool dɔ mbalbogt kɨ Israel. 15Mĩ kɨdɔm, m'a m'ul batg lom, mĩ kɨɓe to la m'a m'ad'd ton ningt, kel Bɨraɓe Luwah. 16M'a m'sah go in hã nãi m'a m'tel kɨ in hã ndom, m'a m'dɔ do lo in hã ngah do, ĩgɨn ĩn kɨtõg m'a mad ngangɨn na m'a m'oo go ĩgɨn rod bo mbulmbul kɨ kɨngang. M'a m'uld goɗobat.
17Na ĩn batg lom, titbe kel Bɨraɓe Luwah: Oon, m'ndɨ m'gangta ku ngan batgt kɨ ngan bĩãg, ku bal batgt kɨ bal bĩãg. 18I nya kɨ tẽbe rosɨt ĩgɨn i san nya lokulnyat kɨmaj ye, i goro bat kad i ban ndega kɨnãi mbujmbuj kɨ njasɨ a? I ãin man kɨjanjoi na i tel burɨn ndega kɨ njasɨ. 19Batg lom ta, kari na kad san nya'n i ban kɨ nyasɨ mbujmbuj na ãin man kɨ i burɨn ɓukt kɨ nyasɨ a?
20Kɨtɔ 'nten Bɨraɓe Luwah eld titbe an: Oon, mĩ kɨdɔm m'a m'gang ta ku batgt kɨ rod bo mbulmbul kɨ batg kɨ rod nyem. 21Kɨtɔ i ɔsɨnd kɨ kadsɨ kɨ bɔgsɨ, na ɔsɨn ĩgɨn in tõg kɨ gajsɨ mbã i tɨnda tĩd kɨ log. 22M'a maj batg lom, a ĩn nyatetɗɔɔ gog al ta na m'a m'gangta ku batgt kɨ batg. 23M'a m'nda ngekulbatg kɨɗabe dɔdt, ad i ɓer lom Dabid, ĩ la a uld ye, a uld, a i ngengomd tɔ. 24Mĩ Bɨraɓe m'a mĩ Luwah lod na ɓer lom Dabid a i mbaiɓe dandt. Mĩ Bɨraɓe m'elta.
Kunkɔ lapia
25M'a m'un kɔm kɨ lapia sed, na m'a mad dãg kɨmut kɨmajalg goton, kɨtakad deg lom a ndɨn kɨ lapia kam mut, na a ɓin dɨlalot. 26M'a mad maj urrd kɨ log kɨ gugɨn dɔ door lo lom, m'a mad ndii ed kɨ kaglo lon na a i ndɨ kɨmajkur. 27Kagg kɨ kam ndɔɔt a ten kɨ kand'd, dɔning to a tee kɨ kandɨn. A ndɨn kɨ lapia dɔningt lod na a gerɨn ta kad mĩ Bɨraɓe lon m'tet jug hand kɨkɔdt kɔ, na m'ug m'ɔrrd ji degt'n ɗand ɓert. 28A in nya tetɗɔɔ lo girrdeg gog al, dãg kɨmut a sand al, a ndɨn kɨ lapia na de mad kɨ ngendad ɓoolt goto. 29M'a m'ad'd ndɔɔ kɨmaj kɨtakad ɓo a õ dɔningt lod gog al ta, a in nya kɨrosɔl kɨ ro girrdegt gog al tɔ. 30A gerɨn ta kad mĩ Bɨraɓe Luwah lod, mĩ nat sed na ngékɨɓe lo Israel in deg lom, kel Bɨraɓe Luwah. 31In batg lom, ɓut kɨ kam lokulnyat lom, in deg na mĩ Luwah losɨ, kel Bɨraɓe Luwah.
Currently Selected:
Ejekel 34: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
