Ejekel 27
27
Ta kɨ dɔ Tirt ɓaitɔ
1Ta lo Bɨraɓe'n elɨmt an: 2Ĩn ngon de, i toi pa nõ kɨdɔ Tirt. 3El Tir an: Ĩn ngendɨ ta bahbot, ngeɗagat kɨ girrdeg kɨ doorlogt kɨ dang dang, titbe kel Bɨraɓe Luwah: Ah Tir, ĩn kɨ el an: Majkoom asɨnatap. 4Ɗob ning loi in ngawdan bahbogt, ngéɗaihg ɗain kɨ majkooi kɨ asɨnatap, 5ɗan barkagg loi tube kɨ kag sipres, kɨ Senir, unɨn kag sedɨr kɨ Libã, ɗan ne kag ngawdan toogt loi,
6ɔin kag dilg kɨ Basan,
tɔsɨn ne haig loi,
ɗan komber loi kɨ kag kɨndà.
Tɔrrɨn bala kɨ ngang ked,
kag kɨnda kɨ ɗen ne ko doorlogt kɨ Kɨtim.
7Kub lẽ kɨ Ejipt't kɨkɔsɨ desẽ
dɔt i kub too loi
kub kɨkɨre wor wor kɨ kɨkil musɨmusɨ ko doorlogt kɨ Elisa ĩn
kub kutdɔ too loi.
8Ngéndɨ Sidõ kɨ Arbad
ĩn ngeneltoog loi,
ah Tir,
goosɨg loi kɨ kamit
ĩn nge ho gɔgir toog loi.
9Kɨbog kɨ Gebal kɨ goosɨg loa
ĩn kamit kɨta kut buro toog loi
toog tube kɨdɔ bahbot
kɨ ngeɗakɨlag tit'n kamit
kɨta mbel gig nyagatg loi.
10Deg kɨ dɔning Perse kɨ Lud
kɨ Put ĩn kam ɓut ngéɗɔɔt loi,
ĩn gõ ɗɔɔg na gan der
kɨ jɔg ɗɔɔ lɔi kamit
ad kɔsɨgon loi asɨnatap.
11Deg kɨ Arbad kɨ ngéɗɔɔ loi
ĩn dõ dɔ ndogbɔrrt loi
gugɨn dɔ na kɨrãɗɔɔg
ĩn kam kuj ngomdɔɓegt loi.
Gan derg lod kad ndogbɔrrt loi
gugɨn dɔ ad majkooi asɨnatap.
12Ngéndɨ Tarsis ɗan sei gat kɨta nyamajg loi kɨngãi kɨ dang dang. Awɨn kɨ nar arjã kɨ gind kɨ hand etẽ kɨ nar plomb jidt kad i ndugo sed kɨ nyagatg loi. 13Jaban kɨ Tubal kɨ Mesek ɗan sei gat, adɨn ɓerg kɨ jo ningakasɨg mbelɨn ne nyagatg loi. 14Ngekɨɓe lo Togarma ɗen kɨ sɨndag kɨ sɨndarog kɨ korro rapayg mbelɨn sei nyagatg loi. 15Deg kɨ Dedan ɗan sei gat doorlog ngãibe lan kɨ nyagatg kamit, ban jii kɨ ngang ked kɨ kag ebene. 16Siri ɗa gat sei kɨta nyag loi kɨngãi. Emerodg kɨ kub kɨkɨre wor wor kɨ kub kɨkɔsɨ desẽ dɔt kɨ kub lẽ kɨ sɔl lom lom kɨ kɔrail kɨ rubis ĩn nyagatg loa. 17Juda kɨ dɔning Israel ɗan gat sei, awɨn kɨ gem ko ɓet kɨ Mĩnit kɨ nyasa kɨnel kɨ tej kɨ yib kɨ baume. 18Damasɨ ɗa gat sei kɨ ta nyagatg loi kɨngãi kɨ kɨta nya majg loi kɨtombuj, kasɨnduu kɨ Helbon kɨ bĩ bat kɨndà. 19Bedan kɨ Jaban ɗen kɨ kasɨnduu ko Ujal nyagat kɨtɔi, hand kɨjanjoi kɨ kase kɨ kadnya kɨkootmbĩ ĩn nyagatg lod. 20Dedan ɗa gat sei kɨ bajo la gid sɨndagt. 21Arabi kɨ mbaiɓeg tube lo Kedar ɗan gat sei, adɨn ngan batg kɨ bal batg kɨ bal bĩãg? Mbelɨn sei nyagatg loi. 22Ngéɗagatg kɨ Seba kɨ Raema ɗan gat sei kɨ nõkag kɨkootmbĩ kɨ dang dang kɨ medkɔsɨg kɨ dang dang kɨ gatd i ngãi kɨ nar ɔr. 23Harã. Kane kɨ Eden, ngeɗagatg kɨ Seba. Asiri kɨ Kɨlmad ɗan sei gat. 24Ɗan sei gat kɨ dokubg kɨmajmaj kɨ kub kɨkil musɨmusɨ kɨ kub kɨkɔsɨ desẽ dɔt kɨ tapig kɨ tɔrrɨn ɓald kɨ dang dang na dɔn tad kɨ kɨla ad ngang. Ɗan sei gat kɨ nyag 'nten. 25Toog kɨ Tarsis ton nyagatg loi, in ngemaj kɨ ngetɔko kam bahbogt. 26Ngénelig awɨn sei dɔ bahbogt, nel kɨloɓakàd nuji kam mant. 27Nyangahg loi kɨ nyandugog loi kɨ nyagatg loi, ngeɗakɨla toog loi kɨ ngehɔ gɔgir toog loi kɨ ngekut buro toog loi kɨ ngeɗagatg loi kɨ ngéɗɔɔ tube kɨ ɓe loi kɨ ɓut deg loi tube kɨ kamit nduin kam bahbot do ndɔ nujt loi. 28Lon oon dɔ ndiko lo ngehɔ gɔgir loi ngan ɓeg kɨ gugɨn dɔ yeen. 29Ngénel toog tube ɗisɨn ningt, ngéɗakɨla kam toogt kɨ ngéhɔ gɔgir tube duba ɗan ningt. 30Unɨn ndid kɨ dõ nõn ne nõ kɨ katbang kɨdɔdt, ɔin buning kɨdɔdt, ndubɨrɨn rod kam buhoort. 31Ngɨsen bisdɔd kɨtatɔi. Lan kub hɔndo rodt, nõn kɨdɔit kɨ ro kɨkat kanrãrã kɨ kamkil kɨngãi. 32Dɔ kamkilt lod tɔin pa nõ kɨdɔit, gan gud, nõn dɔit anan: Nõ ta'na kɨ Tir, ɓebo kɨ nuj kam bahbot a? 33Lon nyagatg loi ɗen dɔ bahbogt deg koosɨg ndamɨn ne, kɨtakul nyamajg loi kɨngãi kɨ nyagatg loi ngarg kɨ dɔningt telɨn ne ngemajg. 34Tajigla ĩn kɨ tɔ kɔsɨkɔsɨ kam bahbog, i nãi kam lot kɨwo kam mant, nyagatg loi kɨ koosɨ deg loi nduin man nat sei. 35Ngéndɨ doorlogt tube, kamd dad ta pa, ɓool tɔl ngarg lod sɔkɨr, takumd tel wãri. 36Ngéɗagatg ku girrdegt korɨn ngol dɔit, i tel nya kɨkootɓool, na i goto kɨnõt.
Currently Selected:
Ejekel 27: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
