Ejekel 25
25
Ta kɨdɔ Amoniagt
1Ta lo Bɨraɓe'n elɨmt an: 2Ngon de, i teltakumi kɨro Amoniagt, i elta kɨtamt ndoordɨn. 3A i el Amoniag an: Oon dɔ ta lo Bɨraɓe Luwah. Titbe kel Bɨraɓe Luwah; I go an: Oiyo, mersi, dɔ lot lom kɨjaɓat in hã tuj kɨ kɨdɔ dɔning Israelt in hã tel gootɓe kɨ kɨdɔ ngékɨɓet lo Juda ĩgɨn awɨn sed beɓert. 4Kɨtɔ 'nten oo, m'ndɨ m'lai ji degt kɨloɓakàdt. A ɗen, ndan gog lod kamit? A hɔn londɨ kamit, a san kand kag loi, a ãin mbà loi. 5M'a mad Raba tel lo ngom lukumg kɨ dɔning lo Amoniag tel kɨnga kɨta batg. Kamla a gerɨn ta kad mĩ Bɨraɓe Luwah. 6Kɨtɔ titbe kel Bɨraɓe Luwah: I nda jii na i ɓa lo kɨ njai, i ɗa ronel kɨ kami kɨmajal dɔ dɔning Israelt. 7Kɨtɔ 'nten oo, m'ndɨ m'la jim ndoorɨn na m'a m'lai ji girrdegt kad ĩ nyatetɗɔɔ m'a m'gangi kɔ ku degt, m'a m'tuji kɔ ku dɔninggt, m'a m'nuji kɔ. Kamla a i ger ta kad mĩ Bɨraɓe.
Ta kɨdɔ Moabt
8Titbe kel Bɨraɓe Luwah: Moab kɨ Seir elɨn anan: Oon, ngékɨɓe lo Juda titɨn na kɨ ndeg girrdeg tube. 9Kɨtɔ 'nten, oo, m'a m'tee ta ɗoobnin dɔning Moab kad ɓebogt, kad ɓebogt kɨ ta ɗob nint ĩngɨn ĩn nyatɔko lo dɔning, ad i Bet Jerimot kɨ Baal Meon kɨ Kirjataim. 10M'a m'la Moab ji degt kɨloɓakàdt nat kɨ Amoniag kɨtakad tɨdan Moab ku girrdegt gog al. 11M'a m'gangta dɔ Moabt kad gerɨn mĩ la mĩ Bɨraɓe.
Ta kɨdɔ Edomt
12Titbe kel Bɨraɓe Luwah: Edom ɗa majal ngãi lon ndan ngɨra dɔ ngékɨɓet lo Juda. Ta i dɔat ngãi kɨ to Edom kɨ dõ nda ngɨra dɔdt. 13Kɨta 'nten, titbe kel Bɨraɓe Luwah: M'a m'la jim ndoorɨn Edom, m'a m'tɔl deg kɨ dãg kɨ kamt kɔ, m'a m'tela gotlo, ko Teman mbã kɨ Dedan a son ta kiyaɗɔɔt. 14M'a m'nda ngɨra lom dɔ Edomt kɨta ji deg lom Israel. A ɗan kɨ Edom kɨgo wongt lom kɨ kɨgo wongt lom kɨtɔlsɔkɨr kad gerɨn nda ngɨra i lom, kel Bɨraɓe Luwah.
Ta kɨdɔ Pilistiagt
15Titbe kel Bɨraɓe Luwah: Pilistiag ɗan majal ngãi lon ndan ngɨra kɨta gan kɨɗa kɨ kam kɨ ɓa kot kɨ majal, ndig tujɨn nyag tube kɨlo kɔsɨ tat lod kɨ mbãkɨnõt. 16Kɨtɔ 'nten, titbe kel Bɨraɓe Luwah: Oo, m'a m'la jim ndoorɨn Pilistiag, m'a m'nuj Kretiag na m'a m'nuj ndeg deg kɨ ndin ta bahbot. 17M'a m'nda ngɨra kɨngãi dɔdt kɨtakul ndakɔj kɨ wong kɨtɔlsɔkɨr na a gerɨn ta kad mĩ Bɨraɓe lon m'ndan ngɨra lom dɔdt.
Currently Selected:
Ejekel 25: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
