Ejekel 19
19
Terrtag dɔ tubot
1In, i toi pa nõ
kɨdɔ mbaiɓegt lo Israel,
2an: Koni i ɗi a?
I kõ tubo kɨ to ber ku tubogt,
to ul nganɨn ku ngan tubogt.
3To kɨkɨɗa ku nganɨnt
ada tel bɔw tubo,
ndoa hɔ dã, na hɔ deg.
4Girrdeg oon hoia
ad hɔna kam mbent lod
gan ninga konat,
awɨn sia kam dɔning Ejipt't.
5Lon kõ tubo oo
kad n'ngoo kari kɨ ndang
kam kɨndahdɔt lon to kari taa ne,
un ngonɨn kɨmad ku nganɨnt
kad tel bal tubo.
6Ndia ku tubogt
na tel bal tubo
ndɔɔ hɔ dã na hɔ deg.
7Tuj kujkõɓeg lod,
nuj ɓebog lod,
dɔning kɨ nyag tube
kɨtit ɓoolɨn
lon oon dɔ kah ndikoa.
8Kamla girrdeg
kɨ dɔningg kɨ dang dang
lan na gugɨn dɔa,
lan bandg lod dɔat,
hɔna kam mbent lod
9gan ninga konat,
ndana kam sandukt,
longom dãgt,
awɨn sia ro ngart kɨ Babilon.
Goot gog awɨn sia
kam kujdangãit kɨngang
kɨtakad oon dɔ ndia
dɔ mbalbogt
lo Israel gog al.
Terrtag dɔ dĩ nduut
10Kõi i tit dĩ nduu
kɨ hɔna kad mant,
tee kɨ kand kɨtombuj,
dɔjiag ĩn ngãibe
kɨta man kɨ nun.
11Dɔjiag kɨngang
telɨn kag kõɓeg,
ngala kɨ dõ tɔi dɔjig kɨbo,
hitɨna kɨta ngala kɨtɔi
kɨ dɔjiag kɨ ngãi.
12Na ɔrrɨna rup kɨ ngɨrag be
kɨ wong kɨtɔlsɔkɨr lana ningt, ne.
Kɨloɓakàdt ada tut,
ruin kanda kɔ,
dɔjiag kɨngang tutɨn kurum,
horr õa mugɨj.
13Tajigla hɔna lot kɨ mangah,
kam dɔningt kɨtut kurum
kɨ man gotot.
14Hor tee kam kagat,
õ dɔjiag kɨ kanda mugɨj,
kaga kɨɗa kɨngang kɨta kõɓe goto.
'Nten i pa nõ na i kɨta nõ hɔndo.
Currently Selected:
Ejekel 19: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
