Ejekel 18
18
Ngeɗamajal a oi
1Ta lo Bɨraɓe'n elɨmt ɓaitɔ an: 2Kɨtɔ ɗi i ndɨ elɨn ne terrta 'nten kam dɔning Israelt anan: i san kand nduu kɨmbuj al, na ngang ngang oi njurur a? 3Dɔ ndimt kɨdɔ dõ, kel Bɨraɓe Luwah. A i ngahn ɗob kel terrta 'nten kam Israelt gog al ta. 4Oon, ro de tube ĩ lom, ro bɔw kɨ ro ngon tu ĩ lom. Ro de kɨ ngeɗamajal, ĩ la a oi ye.
5Ĩla de i kɨdenesew na hɔ ɗa nya kɨgoɗobat kɨ kɨdene, 6ĩla sa nya dɔ mbalbot al, ur kumɨn kɨdɔ yogt lo ngékɨɓe lo Israel al, yerr kɨ nẽ madɓen al, ndɔt kɨro dekɨdẽt kaglot'n mosɨ ɗaan al, 7ɗa ngetɔg dɔ det al, na tel kɨ nya'n tɨnana ad ngetɨna gog, ɓoog nya al, na ad nyasa de'n ɓoo ɗaa, de'n roa i kari a ne, laa kub. 8Ad nyatĩna kɨ mana dɔt al, ta nya mad dɔt al na ɔg jin do ɗagootal, gangta kɨgoɗobat mbɨna det kɨ de, 9ndia kɨgo mberkɨndat lom na ngomgo ta lom kadɨn ɗa goɗobat. De'n non la i kɨdenesew, rota a ndɨ kɨ dɔn dõ kel Bɨraɓe Luwah.
10Ĩla de'n non ooj ngon kɨdɨngã kɨ ngeɓoog kɨ ngekũ mosɨ kɔ na nyag'n non kɨ sumba kad ɗad ɗa al 11na sanya dɔ mbalbogt, yerr kɨ ne madɓen. 12Ɗa ngetɔg dɔ de kɨdangt kɨ deg kɨ ngendog, ɓoog nya tel ad nya'n tɨna ne nya jiat al, ur kumɨn kɨdɔ yogt ɗa nyag kɨyerr. 13Ad nyatɨna kɨ mana ta nya dɔt. Ngon'n non a ndɨ kɨ dɔn dõ a? A ndɨ kɨ dɔ dõ al. Ɗà nyag kɨyerr 'nten tube, rota a oi, mosa a i dɔat.
14Na ĩla de'n non ooj ngon kɨ oo majalg tube ĩn bɔwa ɗa ad ɓool na ɗa titbe al. 15Ĩla ngon'n non sanya dɔ mbalbogt al, ur kumɨn kɨdɔ yogt lo ngékɨɓe lo Israel al, yerr kɨ ne madɓen al. 16Ɗa ngetɔg dɔ det mad al ta nya mad lo tĩnat al, ɓoog nya al na ad nyasa de kɨ ɓo ɗaa, de'n roa i kari a ne, laa kub. 17Ɔg jin dɔ ɗagootal, ad nya tĩna kɨ mana al, taa nya dɔt al na ngomgo tag lom, ndia kɨgo mberkɨndat lom, de'n non a oi kɨta ɗagootal lo bɔwɨn al. Rota a ndɨ kɨ dɔ dõ. 18Ta lo bɔwa taa ne, i ngeɗa ngetɔg, ɓoog nya lo ngonkõn kɨdɨngã, ɗa nya kɨmajal ku degt lon. Oon de'n non a oi kɨta ɗagootal lon. 19I elɨn anan: Kɨtɔɗi ngon a ta nyabaji lo bɔwɨn al a? Lon ngon ɗa nya kɨgoɗobat kɨ kɨdenesew na oo go ron maj kad ngomgo mberkɨndag lom tube rota a ndɨ kɨ dɔ dõ. 20Ro de kɨ ngeɗamajal. I ĩ la a oi ye. Ngon a ta nyabaji lo bɔwɨn al na bɔw a ta nyabaji lo ngon al tɔ. Denesew lo ngeɗadenesew a i do at na majal lo ngeɗamajal a i dɔat ho.
Ngetɔrndɨn a ndɨ kɨ dɔ dõ.
21Ĩla ngeɗamaja tel nyàgo majalg lon ko ĩla ngomgo mberkɨndag lom tube na ɗa nya kɨgoɗobat kɨ kɨdenesew a ne, rota a ndɨ kɨ dɔ dõ. A oi al. 22Tɔidɔtag loa tube a elɨna ta dɔt gog al ta. A ndɨ kɨ dɔ dõ kɨta nyaɗaa kɨdenesew. 23Ke m'ngaa ronel dɔ koit lo ngeɗa majal a? Titbe takel Bɨraɓe Luwah. Maj tɔi kad nyàgo ɗob lon kɨmajal na ndɨ kɨ dɔn dõ ale?
24Ĩla de kɨdenesew tel nyàgo ɗob lon kɨdenesew na ɗagootal, ɗago nyagt kɨyerr tube lo ngeɗa majal ye, a ndɨ kɨ dɔn dõ a? Denesew loa tube ye, a gan dɔt al kɨta ɗagootal kɨ majal kɨ ɗa nõ. Kɨtɔ 'nten la a oin ye.
25Na i elɨn anan: Ɗob lo Bɨraɓe i dene al. Oon dɔ, ĩn ngékɨɓe lo Israel. Ɗob lom la i dene al yo? Ɗob losɨ la i dene al ye 26Lon de kɨdenesew tel nyàgo ɗob lon kɨ dene na ɗagootal a ne, kɨtɔ 'nten a oi. Kɨtɔ ɗagootal loa kɨ ɗà nõ a oi. 27Ĩla ngeɗamajal nyàgo majal lon na ɗa nya kɨgoɗobat kɨ kɨdenesew a ne, a aj ron. 28Ĩla kuma tee dɔ maj alt in hã ɗa ad nyàgo tɔidɔtag lon tube a ne, rota a ndɨ kɨ dɔn dõ, a oi al.
29Ngekɨɓe lo Israel elɨn anan: Ɗob lo Bɨraɓe i dene al. Oon, ngekɨɓe lo Israel, ɗob lom la i dene ale? I ɗob losɨ la i dene al ye. 30Kɨtɔ 'nten m'a m'gangta dɔsɨt, ĩn ngékɨɓe lo Israel dekɨɗen kusɨt kɨ go ɗobt loa, kel Bɨraɓe Luwah. I tɔrrɨn ndisɨ, i nyan go tɔidɔtag losɨ tube kɔ kɨtakad majal nujsɨ al. 31I lan tɔidɔtag losɨ tube kɔ sãi ĩgɨn i ɗa ndoormɨn na i sahn ngarkam kɨkij kɨ ndil kɨkij. Kɨtɔɗi i ndigɨn koi a? Ngékɨɓe lo Israel. 32Kɨtɔ m'ngaa ronel dɔ koit lo de kɨɗa al kel Bɨraɓe Luwah. Kɨtɔ 'nten i telɨn kad i ndin kɨ dɔsɨ dõ. Terrtag dɔ tubot.
Currently Selected:
Ejekel 18: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
