Daniel 12
12
Kaglo kamkɔl tɔi, na kaglo majkurr ɗe
1Kaglot'n non la Mikael, bɨrangekõɓe kɨbo'n non, in ndɨ ngomdɔ girrdeg loi, a ɓai. Kaglo'n non a i kaglo kamkɔl kɨbobe; kɨtit sia goto bat maɗi lon girrdeg ndɨn ne dɔningt mbã kaglot'n non; na kaglot'n non ye, a ugɨn girrdeg loi ɔrrɨnd ad i dekɨɗen, in ngahn tɔa i kɨndang kam maktubt.
2Koosɨ deg ngãibe ku ĩgɨtɨn to ɓin kam buningt ye, a ndoolɨn, kɨmadg kɨta kumkajir kɨ mbãkɨnõt, na kɨmadg kɨta rosɔl kɨ kid kɨ mbãkɨnõt. 3Na ngényager kɨmaj a unjɨn ɗang tit nyẽr kunj dɔrã be, na ĩgɨn ndoon deg ngãibe nyaɗa kɨdenesew a unjɨn kɨndɔgndɔg tit kɨmẽg be mbãkɨnõt.
4Na ĩ Daniel, i ngom tag 'nten kɨ lomundt, ut maktub'n non, na uta taa kɨ nyatɨnya ta maktub mbã kaglo kɨdɔboit. Deg ngãibe a awɨn ho a telɨn ho, na nyager a bɨla kɨdɔtdɔt.
Kaglo kɨdɔboit i nya kɨmund
5Kamla mĩ Daniel m'nɔl lo, na m'oo deg joo tee ɗan dõ, kɨkɨɗa ɗa dɔ kongɨr baht kɨkɨɗa, na kɨmad ɗa dɔ kongɨr baht kɨmad. 6Na kɨkɨɗa kudt el de'n aw kɨ kub lẽ ront, in i dõ dɔ man baht'n non, an: Ɗɨngãt nyag'n non a tɔlɨn kond a? 7De'n aw kɨ kub lẽ ront, in i dõ dɔ manbaht ka nõ, la jikõn kɨ jigelɨn kɨ dɔrãt dõ, na m'ooa dɔ ta'n el an: Kɨ yo kɨ nda kam tɔ Luwaht kɨ Ngéndɨ kɨnõt nyag'n non a ɗan nya ɓal mɨta kɨ nusɨ, na a tɔlɨn kon nyag'n non tube, lon tɔg girrdeg kɨjaɓat lo Luwah tɨgan.
8Mĩ Daniel m'oo dɔ tag'n non, na m'ger girra al. Kamla m'el m'an: Bɨraɓe lom, dɔboi nyag'n non ye, a i titbãi a? 9El an: Daniel, i aw lo loi, kɨta tag'n non ĩn kɨ yadɔ, ĩn kɨ kut kɨ nyatĩya ta maktub, a to mbã kaglo kɨdɔboit. 10Deg ngãibe a arɨn rod, telɨn kɨnda ngũng kɨta nánd kam nya nágt, na ngéɗamajalg a asɨ gerɨn girr nya 'nten al, a ɗan kɨgo majalt lod'n ndɨ ɗan nõ. De kɨɗa ku ngéɗamajalgt kɨ a ger gira goto, na ngenyager kɨmaj la a gerɨn gira ye.
11Na ɓai dɔ kaglot'n non a ɔgɨn dɔ kadkari kɨlahorrt kɨndɔgndɔg, na a udɨn nya kɨyerr kɨ ngenujɓe ad ɗa dõ ye, a i ndɔ dubkɨɗa kɨ ɓujoo kɨ dɔjikɨɗa.
12Ngéronelg la in deg'n a ɗan bijir mbã teen ne ndɔgt kɨdubkɨɗa kɨ ɓumɨta kɨdɔmɨta gidaimi ye. 13Na ĩ Daniel, i hɔtɔgi bá mbã dɔboit. A i taakò, na a i ɗa dõ kɨtakad i taa nyabaji loi kaglot kɨ dɔboit.
Currently Selected:
Daniel 12: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
