Oje Takɨdɔt
Takɨdɔt
Oje i ngekelta kɨ ta Luwaht kam dɔning Israelt kam ɓalt kɨ ɓu tanãimɨta kɨ dɔmi (750) kete nõ kooj Jeju Krist't. Ɗà kɨla 'nten tɔi ɓal dɔjoo gid kɨmi mbã kaglot'n deg kɨ Asirit ɗen taan ne ɓebo kɨ Samarit ɓal ɓu tanãimɨta kɨ dɔjoo gid kɨjoo teen ɓu tanãimɨta kɨ dɔjoo gid kɨkɨɗa.
Kaglo'n Oje elɨn ta kɨ ta Luwaht ye, tɔg kõɓe kɨ Israelt ndɨ goto. Dekɨɗen sah kɨ'n ndɨ dɔ komber ngart. Nya ɗa kɨ gootal i ngãi: Deg kɨ ngénya ngahn nyangah kɨ dɔtdɔt, ad na ngéndog telɨn ndo kɨ dɔtdɔt. Kamla, ngan Israelg tel ɔsɨn gojd nõ yogt kɨ hile lo deg kɨ dɔning Kanat.
Maktub lo Oje mba girrɨn kɨ ta kɨ Luwah el. Bɨraɓe ndamber Oje kad taa kaya dekɨdẽ. Oje taa Gomer ooj sia ngang mɨta, Tɔ ngang'n ndah dɔdt nõ ɔj go nya'n ɓet a ɗa Israel nõ. Oje elta dan dɔ nya kɨ majal'n Israel ɗa kɨ kand majal'n a tee kɨ dɔn. Taa'n Bɨraɓe ad taa dekɨdẽ ye, i kɨtakad Oje gerɨn goɗob kɨ titbãi a elɨn ta deg kɨ Israelt ta kɨ dɔ tar lo Luwah, tarɨn non i tar kɨ ndɨ ɔj ron kamkõt. Kɨtɔ ngan kɨ Israelt titɨn kɨ kaya dekɨdẽ'n ndɨ ãi ngɔd go ngawgt. Ãin ngɔd go luwahg mad kɨɗang. Ĩgɨn hã ĩn Bɨraɓe Luwah kɨ je al. Ngekelta kɨ ta Luwaht Oje, elta kɨ ɔj dɔ mbɨna Luwah kɨ deg lon kɨ maj ngãi al, kɨta ɗa ron tit dekɨdẽ kɨ kama i dɔ ngawɨnt kɨɗabe do al.
Maktub lo ngekelta kɨ ta Luwaht Oje j'asɨ kãi dene joo: Gaja kɨdasa ɓai dɔ ɗob ninat kɨdasa teen ɗob ninat kɨmita. Elta ɔjɨn dɔ tarɨn Luwah tar girrdeg lon, ke neni Israel mbetɨn kaa ne, tar lo Luwah i kɨbo ut dɔ nyag tube. Kam maktub Ojeet j'a kɨ ngah ta kɨ dɔ tart logt 'nten (Oje 1:29; 3:14) kɨ kunkɔg'n Bɨraɓe un ad ngan Israel ĩla tarɨm a ne, maj a urɨnd (Oje 2:1-3,13).
Gaj maktub kɨdasa kɨ kɨkõjoo lo Oje, ɓai dɔ (Oje 4:14) elta dɔ tart lo Luwah ho. Tarɨn non ndɨg kad ngan Israel ɗan nya kɨ kamd ndig al. Ĩla ɗan nya kɨ kamd ndig a ne, takɨgang lo Luwah to ngood (Oje 4:1-7; 12:1) na kunkɔ lo Bɨraɓe ut go tag'n non.
Oje 14:2-10 i ta kɨ tɔlkon maktub lo Oje. Maktub lo Oje, i maktub hoita kɨ ɔj go tar lo Luwah'n to lo tont kɨta deg tube ho kɨ kaglog tube ho. Luwah ndɨ tar deg tube ɓaitɔ, ndɨ ngoo kad tube gerɨn tar lon. Ngekelta kɨ ta Luwaht Oje kam maktubt loa ad deg tube gerɨn kad tar lo Luwah i tar kɨ dum mbɔj.
Currently Selected:
Oje Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.