Amos 8
8
Amos oo nya kɨkõsɔɔ kam ndilt: Jàng kɨ ɗoosɨ kɨ kand kag kɨ mbuj
1Bɨraɓe Luwah ɔjɨm nya 'nten:
jàng mad kɨ ɗoosɨ kɨ kand kag kɨ mbuj,
2na Luwah ndɨjem an: Amos, oo ɗi a?
M'tur m'an: M'oo jàng mad kɨ ɗoosɨ kɨ kand kag kɨ mbuj.
Kamla Bɨraɓe elɨm an:
Ndɔ lo deg lom Israel tɨga woi
mbuj tit kand kag be.
M'a m'nyago majal lod kɔ gog al ta.
3Ndɔt'n non pag kɨ kɔsɨ kam kuj kõɓet
a telɨn wui kɨ kud,
kel Bɨraɓe Luwah.
Nin deg a ĩn ngãibe,
a ũnd kɨ log paabe.
Lo a to juju.
Takɨgang dɔ Israelagt i nderbe
4Oon dɔ ta 'nten, ĩn ngésanya lo ngéndɔɔg tube,
kɨ ngétuj de kɨdangtg:
5I ndɨ elɨn anan: Kij nah a tɔi ndɔ ɗit
kad kɨ ɗaw nyako loj a?
Sabat a tɨga dɔkàd ɗit
kad kɨ j'ɔsɨ ta damg loj kɨ ɗaw gem kɨtit kɔ a?
J'a kɨ jad ngo tɔrr nya i kɨdu,
na ja kɨla gat nyako dɔt;
j'a kɨ gool deg kɨ nyambɔjnya kɨgoot al.
6J'a kɨ ɗaw ngendo kɨ taan
nar, na de kɨdangt kɨ taan sanja,
J'a kɨ ɗaw bɨna nyako ho,
7Bɨraɓe nda yo kɨ tɔko lo Jakob, an:
Rota, kamm a oi dɔ kɨkɨɗa ku kɨlaɗadt al kɨnõt.
8Kɨtɔ 'nten dɔning'n ɗan a yee.
Dekɨɗen kɨ ngendɨt a hɔ ndo.
à dɔning'n ɗan kɨtaagbe a ɓai tit bah be,
dɔning'n ɗan a ɓai kamla a tel kɨber gog
tit bah Nil kɨ dɔning Ejipt't.
9Nya a ɗa nya kam ndɔt'n non,
kel Bɨraɓe Luwah.
M'a mad kàd kɨɗa dan ɓet ud.
M'a mad til diw dan kàda.
10M'a mad ɗa nahg losɨ telɨn ndo kɨhɔ,
pag losɨ tube a telɨn pa nõg.
M'a mad deg dɔn ɓod kɨ kub hɔndo,
m'a mad ngɨsen dɔ dekɨɗen,
m'a mad deg hɔn ndo
tit'n a hɔn ne ndo ngon kɨkal kɨɗabe
na dɔboia a i ndɔ kɨkat bang.
11Oon ndɔg ndɨ ɗen,
kel Bɨraɓe Luwah,
Lon m'a m'la kɨ ɓoo dɔ dɔningt'n ɗan.
A i ɓoo nyasa ke nyakãi al,
na a i ɓoo koo dɔ ta lo Bɨraɓe.
12Deg a awɨn kɨ njad dõ ɓai
ko bahbot mad mbã teen bahbot mad,
a ãin kɨ yo kɨ nẽ, a awɨn ho a telɨn ho,
sahn ta lo Bɨraɓe
na a ngahn al.
13Ndɔt'n non ngan kɨdẽ kɨmandg ngãi
kɨ ngan kɨbasag rod a oi yelel kɨta kɨnda man.
14Kɨ deg'n ndɨ ndan yo kɨtakul majal lo Samari,
ad i yo ngon mang lɔr, ndɨ elɨn anan: Ɓebo Dan.
Kɨ yo ngon mang lɔr loi ndɨ kɨ dɔn dõ.
Ngendayo kɨ ɗob ɗa yo lo ngendɨ Beer Seba son na kɨ ɓain al.
Currently Selected:
Amos 8: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Amos 8
8
Amos oo nya kɨkõsɔɔ kam ndilt: Jàng kɨ ɗoosɨ kɨ kand kag kɨ mbuj
1Bɨraɓe Luwah ɔjɨm nya 'nten:
jàng mad kɨ ɗoosɨ kɨ kand kag kɨ mbuj,
2na Luwah ndɨjem an: Amos, oo ɗi a?
M'tur m'an: M'oo jàng mad kɨ ɗoosɨ kɨ kand kag kɨ mbuj.
Kamla Bɨraɓe elɨm an:
Ndɔ lo deg lom Israel tɨga woi
mbuj tit kand kag be.
M'a m'nyago majal lod kɔ gog al ta.
3Ndɔt'n non pag kɨ kɔsɨ kam kuj kõɓet
a telɨn wui kɨ kud,
kel Bɨraɓe Luwah.
Nin deg a ĩn ngãibe,
a ũnd kɨ log paabe.
Lo a to juju.
Takɨgang dɔ Israelagt i nderbe
4Oon dɔ ta 'nten, ĩn ngésanya lo ngéndɔɔg tube,
kɨ ngétuj de kɨdangtg:
5I ndɨ elɨn anan: Kij nah a tɔi ndɔ ɗit
kad kɨ ɗaw nyako loj a?
Sabat a tɨga dɔkàd ɗit
kad kɨ j'ɔsɨ ta damg loj kɨ ɗaw gem kɨtit kɔ a?
J'a kɨ jad ngo tɔrr nya i kɨdu,
na ja kɨla gat nyako dɔt;
j'a kɨ gool deg kɨ nyambɔjnya kɨgoot al.
6J'a kɨ ɗaw ngendo kɨ taan
nar, na de kɨdangt kɨ taan sanja,
J'a kɨ ɗaw bɨna nyako ho,
7Bɨraɓe nda yo kɨ tɔko lo Jakob, an:
Rota, kamm a oi dɔ kɨkɨɗa ku kɨlaɗadt al kɨnõt.
8Kɨtɔ 'nten dɔning'n ɗan a yee.
Dekɨɗen kɨ ngendɨt a hɔ ndo.
à dɔning'n ɗan kɨtaagbe a ɓai tit bah be,
dɔning'n ɗan a ɓai kamla a tel kɨber gog
tit bah Nil kɨ dɔning Ejipt't.
9Nya a ɗa nya kam ndɔt'n non,
kel Bɨraɓe Luwah.
M'a mad kàd kɨɗa dan ɓet ud.
M'a mad til diw dan kàda.
10M'a mad ɗa nahg losɨ telɨn ndo kɨhɔ,
pag losɨ tube a telɨn pa nõg.
M'a mad deg dɔn ɓod kɨ kub hɔndo,
m'a mad ngɨsen dɔ dekɨɗen,
m'a mad deg hɔn ndo
tit'n a hɔn ne ndo ngon kɨkal kɨɗabe
na dɔboia a i ndɔ kɨkat bang.
11Oon ndɔg ndɨ ɗen,
kel Bɨraɓe Luwah,
Lon m'a m'la kɨ ɓoo dɔ dɔningt'n ɗan.
A i ɓoo nyasa ke nyakãi al,
na a i ɓoo koo dɔ ta lo Bɨraɓe.
12Deg a awɨn kɨ njad dõ ɓai
ko bahbot mad mbã teen bahbot mad,
a ãin kɨ yo kɨ nẽ, a awɨn ho a telɨn ho,
sahn ta lo Bɨraɓe
na a ngahn al.
13Ndɔt'n non ngan kɨdẽ kɨmandg ngãi
kɨ ngan kɨbasag rod a oi yelel kɨta kɨnda man.
14Kɨ deg'n ndɨ ndan yo kɨtakul majal lo Samari,
ad i yo ngon mang lɔr, ndɨ elɨn anan: Ɓebo Dan.
Kɨ yo ngon mang lɔr loi ndɨ kɨ dɔn dõ.
Ngendayo kɨ ɗob ɗa yo lo ngendɨ Beer Seba son na kɨ ɓain al.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.