Amos 9
9
De a ãi tɔi takɨgang lo Bɨraɓe al
1M'oo Bɨraɓe duba ɗa dɔ dɨngɨr kadkarit kɨjakɔ,
ɗà el an: I ndan dɔ pilieg
kɨtakad girr tabitg yeen.
I tetɨnd, ad son dɔ degt tube goto.
M'a m'nuj ndeg deg kɨ kiyaɗɔɔ.
De kɨɗa kudt kɨ ngah ɗob kãi al,
de kɨɗa kudt kɨ a aj goto tɔ.
2Ke neni urɨn ɓe mbã kɨ koo kaa ne,
nu la m'am la jim m'a m'hɔdɨn.
Ke alɨn mbã aw teen dɔrãt kaa ne,
m'a m'ad'd ɗisɨn kɨber.
3Ke neni yan rod tasom mbalbo Karmelt kaa ne,
m'a m'sahd god, na m'a m'hɔd.
Ke a yan rod takum'mt girr bahbot kaa,
nõbe m'a m'nda mber li kad tõd.
4Ke awɨn ɓert nõ madngétadgt kaa,
nu m'a m'nda mber kiyaɗɔɔ kad tɔld,
m'a m'nda kumm godt kɨta ɗa majal sed,
na kɨta ɗa sed maj al.
5Bɨraɓe Luwah Ngekoosɨg ɔd
dɔning ad nyẽ,
ngendɨt tube hɔn ndo
ad dɔning kɨtaagbe ɓai
tit'n bah Nil a ɓain,
kamla dɔning a tel kɨber gog
tit bah Nil kɨ dɔning Ejipt't,
6Bɨraɓe ɗa kuj lon dõ dɔrãt,
na ndɨna lo kɨ dõ dɔ dɔningt,
i Ngekun man kɨ bahbot,
mbel kɨ dɔningt,
tɔa i Bɨraɓe.
7Kokɨromt ĩn tit ngan deg kɨ Etiopiat be ale?
A deg kɨ Israel, kel Bɨraɓe,
M'tee kɨ Israelag ko kam dɔning Ejipt't ale?
M'tee kɨ Pilistiag ko Kaptor
kɨ Siriag ko Kir ale?
8Oon. Bɨraɓe Luwah nda kumɨn
kɨdɔ kõɓet kɨmajal'n ɗan, ad i Samari.
M'a m'nujakɔ dɔningt,
na m'a m'nuj ngékɨɓe lo Jakob kɔ kɨtaagbe al,
kel Bɨraɓe.
9Kɨtɔ oon m'a m'nda mber,
na ngékɨɓe lo Israel
a yeen ku girrdegt tube,
tit'n a sian ne nyako
kɨkanj kad kuma kɨɗa so ningt.
10Ngéɗamajalg tube ku degt lom ndɨ
anan:
nya kɨ to a ɔdj al,
a tee dɔjt al tɔ.
Deg'n non a oin ta kiyaɗɔɔt.
Israelag a ngahn majkurr lo Bɨraɓe gog ɓaitɔ
11Ndɔt'n non m'a m'un ɓe lo Dabid kɨ so nõ kɨ dõ,
m'a m'ut burrolo ndogbɔrrg loa,
m'a m'ɗagootɓe kij gog,
m'a m'ɗaa gog tit kɨ kam ndɔgt kɨmaɗi,
12kɨtakad taan ndeg dɔning
ndeg dɔning lo Edomag kɨ nãi
kɨ girrdeg tube'n kunɨn tɔm dɔdt,
kel Bɨraɓe kɨ ngeɗa nya 'nten.
13Bɨraɓe elɓaitɔ an:
Oon ndɔg ndɨ ɗen nõ
na ngendɔɔ a i go ngeja nyakot nderbe:
ngeɓa kand nduu a ɗa ɓa ɓaitɔ a ne,
ngeduw kum nduu ɗe ndɔda tat
Mbalbog a nden kasɨnduu kɨkij,
kasɨnduu a nu dɔ doorlog tube tit bah be.
14M'a m'tel kɨ deg lom Israel ɓe ɓert,
a ɗan gootɓeg kɨ maɗi kɨ tuj
kij gog. A ndɨnt.
A hɔn ndɔɔ nduu, na a ãin kasɨnduu lod.
A ɗan ndɔɔ, na a san nyako kɨtit.
15M'a m'hɔd tit kag be dɔningt lod gog
na a ɔrrɨnd kɔ kam dɔningt
kɨ m'ad'd gog al,
Kel Bɨraɓe Luwah loi.
Currently Selected:
Amos 9: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Amos 9
9
De a ãi tɔi takɨgang lo Bɨraɓe al
1M'oo Bɨraɓe duba ɗa dɔ dɨngɨr kadkarit kɨjakɔ,
ɗà el an: I ndan dɔ pilieg
kɨtakad girr tabitg yeen.
I tetɨnd, ad son dɔ degt tube goto.
M'a m'nuj ndeg deg kɨ kiyaɗɔɔ.
De kɨɗa kudt kɨ ngah ɗob kãi al,
de kɨɗa kudt kɨ a aj goto tɔ.
2Ke neni urɨn ɓe mbã kɨ koo kaa ne,
nu la m'am la jim m'a m'hɔdɨn.
Ke alɨn mbã aw teen dɔrãt kaa ne,
m'a m'ad'd ɗisɨn kɨber.
3Ke neni yan rod tasom mbalbo Karmelt kaa ne,
m'a m'sahd god, na m'a m'hɔd.
Ke a yan rod takum'mt girr bahbot kaa,
nõbe m'a m'nda mber li kad tõd.
4Ke awɨn ɓert nõ madngétadgt kaa,
nu m'a m'nda mber kiyaɗɔɔ kad tɔld,
m'a m'nda kumm godt kɨta ɗa majal sed,
na kɨta ɗa sed maj al.
5Bɨraɓe Luwah Ngekoosɨg ɔd
dɔning ad nyẽ,
ngendɨt tube hɔn ndo
ad dɔning kɨtaagbe ɓai
tit'n bah Nil a ɓain,
kamla dɔning a tel kɨber gog
tit bah Nil kɨ dɔning Ejipt't,
6Bɨraɓe ɗa kuj lon dõ dɔrãt,
na ndɨna lo kɨ dõ dɔ dɔningt,
i Ngekun man kɨ bahbot,
mbel kɨ dɔningt,
tɔa i Bɨraɓe.
7Kokɨromt ĩn tit ngan deg kɨ Etiopiat be ale?
A deg kɨ Israel, kel Bɨraɓe,
M'tee kɨ Israelag ko kam dɔning Ejipt't ale?
M'tee kɨ Pilistiag ko Kaptor
kɨ Siriag ko Kir ale?
8Oon. Bɨraɓe Luwah nda kumɨn
kɨdɔ kõɓet kɨmajal'n ɗan, ad i Samari.
M'a m'nujakɔ dɔningt,
na m'a m'nuj ngékɨɓe lo Jakob kɔ kɨtaagbe al,
kel Bɨraɓe.
9Kɨtɔ oon m'a m'nda mber,
na ngékɨɓe lo Israel
a yeen ku girrdegt tube,
tit'n a sian ne nyako
kɨkanj kad kuma kɨɗa so ningt.
10Ngéɗamajalg tube ku degt lom ndɨ
anan:
nya kɨ to a ɔdj al,
a tee dɔjt al tɔ.
Deg'n non a oin ta kiyaɗɔɔt.
Israelag a ngahn majkurr lo Bɨraɓe gog ɓaitɔ
11Ndɔt'n non m'a m'un ɓe lo Dabid kɨ so nõ kɨ dõ,
m'a m'ut burrolo ndogbɔrrg loa,
m'a m'ɗagootɓe kij gog,
m'a m'ɗaa gog tit kɨ kam ndɔgt kɨmaɗi,
12kɨtakad taan ndeg dɔning
ndeg dɔning lo Edomag kɨ nãi
kɨ girrdeg tube'n kunɨn tɔm dɔdt,
kel Bɨraɓe kɨ ngeɗa nya 'nten.
13Bɨraɓe elɓaitɔ an:
Oon ndɔg ndɨ ɗen nõ
na ngendɔɔ a i go ngeja nyakot nderbe:
ngeɓa kand nduu a ɗa ɓa ɓaitɔ a ne,
ngeduw kum nduu ɗe ndɔda tat
Mbalbog a nden kasɨnduu kɨkij,
kasɨnduu a nu dɔ doorlog tube tit bah be.
14M'a m'tel kɨ deg lom Israel ɓe ɓert,
a ɗan gootɓeg kɨ maɗi kɨ tuj
kij gog. A ndɨnt.
A hɔn ndɔɔ nduu, na a ãin kasɨnduu lod.
A ɗan ndɔɔ, na a san nyako kɨtit.
15M'a m'hɔd tit kag be dɔningt lod gog
na a ɔrrɨnd kɔ kam dɔningt
kɨ m'ad'd gog al,
Kel Bɨraɓe Luwah loi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.