Amos 7
7
Amos oo nyag kɨmita kam ndilt: Kɨbetg kɨ horr kɨ kɨllambɔj nya
1Kamla Bɨraɓe Luwah ɔjɨm nya 'nten:
Ndɨ ɗa kɨbetg kad teen
kaglot'n mũg ɓan kɨmbool gog, ad i mbi mũg kɨ ɓa gog,
lon jan ne mũ lo ngar tɨga woi.
2Lon kɨbetg san mũ kɨ ɓa dɔningt loj tube ye,
M'el m'an: A. Bɨraɓe Luwah, m'kɔi kɨ i nyàgo kɔ.
Titbãi ngaka Jakob a ɗan bijir a?
Ĩn deg kɨ tẽbe.
3Bɨraɓe nya ta ɗa nya'n non, an:
An: Nya'n non a ɗa nya al.
4Bɨraɓe Luwah ɔjɨm nya 'nten tɔ:
Bɨraɓe Luwah la mber takɨgang lon kɨgo ɗob horr
Horr'n non ad bahbo ii ndã,
õ dɔning loj tɔ.
5M'el m'an: A. Bɨraɓe Luwah, m'kɔi kɨ i nya ta.
Titbãi i ngaka Jakob a ɗan bijir a?
Ĩn deg kɨ tẽbe.
6Bɨraɓe nya ta ɗa nya'n non.
Nya'n non a ɗa nya al.
7Nya'n Bɨraɓe ɔj kad m'oo tɔ laten:
Bɨraɓe ɗa dõ kad ndogbɔrrt kɨla kɔjnya jint,
8Bɨraɓe elɨm an: Amos, oo ɗi a?
M'tur m'an: M'oo nya kɔjnya
Bɨraɓe elɨm tɔ an:
M'nõl nya 'nten m'oo:
Girrdeg lom i tit ndogbɔrr kɨ ɗa kɨɗing al
Oo maj m'a m'nda kɨla kɔjnya mad dan degt lom Israel,
kad m'nãdɨn m'oon denesew lod.
M'a m'nyago majal lod kɔ gog al.
9Doorlog lo ngaka Isaak a telɨn gootlog,
log kɨjaɓat lo Israel a nujɨn,
m'a m'ɓai m'ndoor ngaka Jeroboam.
Amasia tuɓa Amos kɔ Betelt
10Kamla Amasia ngejamosɨkadkari lo yo ngon mang lɔr kɨ Betel, la kɨ ro Jeroboamt ngar kɨ Israel, an: Amos la tan ber ndoorɨn ku ngan Israelt. Deg kɨ dɔningt 'nten asɨn ndɨdɔt kɨ tag loa tube al. 11Kɨtɔ Amos el titbe an: Jeroboam a oi ta kiyaɗɔɔt, kari na Israelag a awɨn ɓert, sãi kɨ dɔning lod. 12Na Amasia el Amos an: Ngekoo nyakamndilt, aw kɔ. Ãi kɨ dɔning Judat, i sanya nu, elta kɨ ta Luwaht nu tɔ. 13Na ot kelta kɨ ta Luwaht Betelt kɨta i lo kɨjaɓat'n ngar ɔsɨ dɔn ber tit, i kuj loa tɔ.
14Kamla Amos tur Amasia an: Mĩ ngekelta kɨ ta Luwaht al, ke ngon de kɨ ngekelta kɨ ta Luwaht, na mĩ ngengom nyakulg, mĩ ngekoogo kag ɓɔlg. 15Bɨraɓe ɔrrɨm go ɓut nyakult, na Bɨraɓe elɨm an: Aw el deg lom Israel ta kɨ tamt. 16Kɨtɔ 'nten tajigla oo dɔ ta lo Bɨraɓe. Ĩ Amasia elɨm ta 'nten: Ot kelta kɨ ta Luwaht kɨ ndoor Israel, ot kelta kɨ ndoorɨngékɨɓe lo Isaak. 17Kɨtɔ 'nten Bɨraɓe el an:
Nẽi a i ngeɗakaya kam ɓebot'n ɗan,
ngani kɨdɨngãg kɨ kɨdẽg a son ta kiyaɗɔɔt,
a lan kɨla gangɨn ne dɔning kegɨn deg,
loi kɨ goɗob kɔj kɨ kɨla,
na ĩ kɨdɔi, a i oi.
Currently Selected:
Amos 7: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Amos 7
7
Amos oo nyag kɨmita kam ndilt: Kɨbetg kɨ horr kɨ kɨllambɔj nya
1Kamla Bɨraɓe Luwah ɔjɨm nya 'nten:
Ndɨ ɗa kɨbetg kad teen
kaglot'n mũg ɓan kɨmbool gog, ad i mbi mũg kɨ ɓa gog,
lon jan ne mũ lo ngar tɨga woi.
2Lon kɨbetg san mũ kɨ ɓa dɔningt loj tube ye,
M'el m'an: A. Bɨraɓe Luwah, m'kɔi kɨ i nyàgo kɔ.
Titbãi ngaka Jakob a ɗan bijir a?
Ĩn deg kɨ tẽbe.
3Bɨraɓe nya ta ɗa nya'n non, an:
An: Nya'n non a ɗa nya al.
4Bɨraɓe Luwah ɔjɨm nya 'nten tɔ:
Bɨraɓe Luwah la mber takɨgang lon kɨgo ɗob horr
Horr'n non ad bahbo ii ndã,
õ dɔning loj tɔ.
5M'el m'an: A. Bɨraɓe Luwah, m'kɔi kɨ i nya ta.
Titbãi i ngaka Jakob a ɗan bijir a?
Ĩn deg kɨ tẽbe.
6Bɨraɓe nya ta ɗa nya'n non.
Nya'n non a ɗa nya al.
7Nya'n Bɨraɓe ɔj kad m'oo tɔ laten:
Bɨraɓe ɗa dõ kad ndogbɔrrt kɨla kɔjnya jint,
8Bɨraɓe elɨm an: Amos, oo ɗi a?
M'tur m'an: M'oo nya kɔjnya
Bɨraɓe elɨm tɔ an:
M'nõl nya 'nten m'oo:
Girrdeg lom i tit ndogbɔrr kɨ ɗa kɨɗing al
Oo maj m'a m'nda kɨla kɔjnya mad dan degt lom Israel,
kad m'nãdɨn m'oon denesew lod.
M'a m'nyago majal lod kɔ gog al.
9Doorlog lo ngaka Isaak a telɨn gootlog,
log kɨjaɓat lo Israel a nujɨn,
m'a m'ɓai m'ndoor ngaka Jeroboam.
Amasia tuɓa Amos kɔ Betelt
10Kamla Amasia ngejamosɨkadkari lo yo ngon mang lɔr kɨ Betel, la kɨ ro Jeroboamt ngar kɨ Israel, an: Amos la tan ber ndoorɨn ku ngan Israelt. Deg kɨ dɔningt 'nten asɨn ndɨdɔt kɨ tag loa tube al. 11Kɨtɔ Amos el titbe an: Jeroboam a oi ta kiyaɗɔɔt, kari na Israelag a awɨn ɓert, sãi kɨ dɔning lod. 12Na Amasia el Amos an: Ngekoo nyakamndilt, aw kɔ. Ãi kɨ dɔning Judat, i sanya nu, elta kɨ ta Luwaht nu tɔ. 13Na ot kelta kɨ ta Luwaht Betelt kɨta i lo kɨjaɓat'n ngar ɔsɨ dɔn ber tit, i kuj loa tɔ.
14Kamla Amos tur Amasia an: Mĩ ngekelta kɨ ta Luwaht al, ke ngon de kɨ ngekelta kɨ ta Luwaht, na mĩ ngengom nyakulg, mĩ ngekoogo kag ɓɔlg. 15Bɨraɓe ɔrrɨm go ɓut nyakult, na Bɨraɓe elɨm an: Aw el deg lom Israel ta kɨ tamt. 16Kɨtɔ 'nten tajigla oo dɔ ta lo Bɨraɓe. Ĩ Amasia elɨm ta 'nten: Ot kelta kɨ ta Luwaht kɨ ndoor Israel, ot kelta kɨ ndoorɨngékɨɓe lo Isaak. 17Kɨtɔ 'nten Bɨraɓe el an:
Nẽi a i ngeɗakaya kam ɓebot'n ɗan,
ngani kɨdɨngãg kɨ kɨdẽg a son ta kiyaɗɔɔt,
a lan kɨla gangɨn ne dɔning kegɨn deg,
loi kɨ goɗob kɔj kɨ kɨla,
na ĩ kɨdɔi, a i oi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.