ZEKHARIAH 4
4
Maikhuat Tohhnak Hmu I
1I hnenai a pongtu hnelhno vancungmi khiah kawi lala ai mitmu phawr bangin i phawr i. 2“Ziang hmu pa si? tiin i zawt i. Kai in, “Sui in bawnhnak maikhuat khuam hmu ing. A vumah maiti dahhnak hleng um i. Maikhuat khuam vum ahcen maikhuat pasarih um ai maikhuat pakhat in mica thunhnak a kua pasarih nai ṭen i. 3Maikhuat tohhnak hiangah olive thingkung kung sarih, a sir veve ah a um hmu ing,” tiin ti i.#Thup 11:4 4Cen vancungmi khiah, “Hemi thilte ai a sullam ziang i, bawipa,” tiin zawt ing. 5Ani in, “A sullam ling lo i sim?” i ti i. Kai in, “Bawipa, ling lo ing,” tiin ti ing.
Zerubbabel Hnenah Pathian Thukham
6Vancungmi in Bawipa hnenin a hlenghnak thu tu Zerubbabel rel tuhin ruai i. #Ezr 5:2Bawipa in, “Ralthuam hathnak le na thazang hathnak in ilo in i rauhla sawn in hlawh na tling tuh i. 7Na hmaiah khamtu tlang tia a um inrin pai tuh sek i. Biakinn tu nangmah in din leh tuhai Biakinn sahnak a hnuataber lungto na tiang fangin mi senpui in, ‘Mawi ze i, mawi ze i,’ tiin au tuh i,” tiin ti i.
8 Bawipa ai thu tu i hnenah hleng lala ai, 9“Biakinn ham tu Zerubbabel in tiang pan zo ai sa ben tuh sio i. Ciami a khim ngaingai fangin i minungte in amahte hnenah nangmah a hlattu heh kaimah ing ti khiah i ling tuh i. 10Amahte Biakinn sa naperhnak sawt lo i ti a ling fangin thinnau roh i. Ikhalselai Zerubbabel in Biakinn khiah zuam ṭenṭo in sa thliahthlo i ti khiah a hmu fangin ang tlang tuh i,” tiin ti i.#Zec 4:5; Thup 5:6
Vancungmi in, #4:10 10b-14 Hemi tu Zechariah 4:5 thawn a thu peh dun manin ciatihin siar tuhhnak i. Maikhuatte pasarih tu laivum khuahacang a hmu siotu Bawipa ai mitte pasarih tica i,” tiin ti i.
11Cen kai in, “Maikhuat khuam sir ai um olive thingkungte kung hnih a sullam tu ziang tica ini?#Thup 11:4 12Olive thau luanghnak sui in bawnhnak dawngte#4:12 Dawngte kin tihnak tu mirang pon in ‘pipe’ tihnak i. pahnih hiangai olive thingkakte kak hnih ai sullam tu ziang tica i?” tiin zawt lala ing.
13Ani in, “A sullam ling lo isim?” i ti i.
Kaimah in, “Bawipa, ling lo ing,” tiin ti ing.
14Ciafangin ani in, “Hemite tu laivum pumpuhluk ai Bawipa Pathian in a rilmi le thau a pawhmi minungte pahnih i,” i ti i.
Currently Selected:
ZEKHARIAH 4: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
