ZEKHARIAH 3
3
Prophet In Suangbawi Sang Hmu I
1Larhnak a dang pakhat ah Bawipa in Suangbawi Sang Joshua, Bawipa ai vancungmi hmaiah a ding khiah i hmuh i. Joshua hiang ahcen Joshua sualsi tuhin ralring in Satan a ding khiah hmu ing.#Thup 12:10 2Bawipa ai vancungmi in Satan hnenah, “Satan, Bawipa in na hau tuseh! Jerusalem a daihtu Bawipa in nangmah heh na lon tuseh. Hemi pa tu mai songin dukhnak thingthu bang i,” tiin ti i.#Jud 9
3Joshua tu hnikpon siava sil in ciata ah ding i. 4Ciami vancungmi in amah kiltu vancungmi a dangte hnenah, “Hemi pa heh a silhnak hnikpon siava pawl khiah hawk sah tusek ih,” ti i. Cen Joshua hnenah na sualhnak tu kaimah in lang zo sek ai sil tuh hnikpon thar na pe tuh ing,” tiin ti i.
5Amah kiltute khiah Joshua lu vumah lupawng thar pawngruai tuhin thupe i. A thupeciahnak bangin bawn tlang i, Cen ciata ai vancungmi a ding laitak ah hnikpon thar silruai i.
6Cen vancungmi in Joshua hnenah, 7Cungnungber Bawipa ai ponghnak tu hetihin rel i; “I dan ningmah in hlun ai ning hnenai ṭuanvo i pehnakte bawn le i sikhaw i Biakinn le a cingkim a kilkhawltu ning cang tuh ngio ai i mithmuh ah a umtu vancungmite ai sawngenhnak i ngai sah bangin ning sawngenhnak khai ning ngai sah tuh ing. 8Ciamanin nang Suangbawi Sang Joshua, phatak niu in ngai tu; ningmah Joshua rualpui suangbawite, hmai lam can pha hnikhnaihtu ningmah, phatak niu in ngai tu ih: Thingkak a tihnak kaimah i naruaihtu heh ning hnenah larruai tuh ing!#Jer 23:5; 33:15; Zec 6:12 9Joshua hmaiah hmai pasarih nai lungto pakhat dah tuh ing. A vumah lai ngan tuhai ni khat songah he ramai sualhnak khiah lang tuh sek ing. 10Cia nia a hleng fangin tu ning cabit vuan le ning thaikung vuan songah um tuh phetpho in ning innhnente sawm ṭen tuh i si,” tiin ti i.#Mic 4:4
Currently Selected:
ZEKHARIAH 3: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
