THUPHUAN 9
9
Thirhlung Pangahnak
1Cen Vancungmi pangahnak in a thirhlung tum ai van in laivum ah arsi pakhat tlok hmu ing. Cen ciami arsi tu tawpnailo khur ai tawhfung a hnenah pe i. 2Ciami arsi in tawpnailo khur a hong fangin pumsuhnak lianpui songin maikhu a suak bangin maikhu suak hlulhlo i. Ciami maikhu in ni tleuhnak le hlivua lak khai thim sek i.#Sem 19:28 3Khokhuak burpui tu ciami maikhu songin laivum ah tlok diamdo ai kaikuam naihnak huham bang khiah amahte hnenah pe i.#Luat 10:12-15 4Ciami khokhuakte in hampa, thingkung le a dang hamkung khai ituseh, siatsuah tuh loin rel i. Amahte siatsuahthilhnak tu a cal ah Pathian ai hnikhnaihhnak tacik a nai lo mite ian i.#Ezk 9:4 5Hemi minungte rekthilhnak thu nai lo i; hla nga song cawhthilhnak thu ian nai i. Anite in mi a cawh fangin a urdan heh kaikuam in mi lit fangin a ur bang i. 6Ciami hla nga songah minung in thihhnak si tuh hnelhno napui tawk tlang tuh lo i; thi hiam tlang tuh napui thihhnak in zam tuh i.#Job 3:21; Jer 8:3
7Ciami khokhuakte tu raltawnghnak tuhai thuam paicialep siphuhte bang i. Amahte lu vumah sui lukhuk bang khu tlang i. Amahte hmai tu minung hmai bang i.#Joel 2:4 8Amahte lu ai sam tu nupang sam bang i. Amahte kam khai chintit kam bang i.#Joel 1:6 9Amahte sohnar tu raltawnghnak tuhai bawnhnak kangphaw bangin khuk sio ai amahte ko kheng thawm tu raltawnghnak hmunai a dawptu dekdo siphuhleng tampui awthawm bang i.#Joel 2:5 10A mai nai ai kaikuam bangin mi lit thai i; hla nga song mi a cawhthilhnak khai a mai ai huham naihnak manin i. 11Amahte uktu kumpibawi nai ai ciami a kumpibawi tu tawpnailo khur uktu vancungmi i. A hming tu Hebrew in Abaddon i; Greek in Apollion i.#9:11 Abaddon tihnak tu Hebrew in “Hnawmcanhnak” tica i ai “Sheol kin tihnak thawn a bang dun i. (Job 26:6; 28:22), cen Mithi khua” kin tihnak “Hades” thawn khai bang dun i. (Thup 1:8); cen Apollion tihnak tu Greek in “Hnawmcantu” tica le “siatsuah” tica i.#Job 26:6; 28:22; Thup 1:18
12A laukul pakhathnak tu bo zo ihang; he hnuaah a laukul pahnih hleng tuhlai i.
Thirhlung Parukhnak
13Cen vancungmi parukhnak in a thirhlung tum i. Pathian hmaiah a umhnak sui puleng ai ningli in aw thawng za ing.#Luat 30:1-3 14Ciami aw in vancungmi parukhnak hnenah, “Euphrates Runpui kam ai a hencihhnak vancungmite pali tu hlat tuhang law,” tiin ti i. 15Vancungmite pali tu hlat ai anite tu he nazi, he ni, he hla le he kum cekci ah minung hmuahhmuah ai seuthum seukhat rek berhtu tuhin ralring mite i. 16Siphuh ralkapte tu a veksen in million zahnih i.#9:16 Million zahnih tihnak tu a nambat in ngan fangin 200, 000, 000, i. 17Cen hmuhhnak i naihnak ahcen siphuh le siphuh totute hmu ing. Amahte raltawnghnak lum tu mailing bangin san i, supphire tihnak lungmankhung bangin mepian ai kat bangin aihre i. A siphuhte ai lu tu chintit lu bang i ai amahte ka songin mai, maikhu le kat mai bang suak zutzo i. 18Ciami siphuh ka songin a suakhnak zutzo minung siatsuahtu phunthum: mai, maikhu le kat mai in minung seuthum seukhat rek berh i. 19Siphuhte huham naihnak tu amahte ka le mai ah i. A mai tu rul bang i ai lu nai i; ciami lu in minung tuahmawhhnak ah hmang tlang i.
20Hemi minungte siatsuahtu phunthum pawl ai rek ngah lohnak minungte in amahte ai bawnfawmhnak thil khiah zam cuanglo i. Khuasia biahnak, sui le ngun le dar le lungto le thing ai bawnhnak, a hmu thil lo, a pong thil lo, a vak thil lo, amahte kut ai bawn fawmhnak milimte biahnak com tlang cuanglo i.#Saam 115:4-7; 135:15-17; Dan 5:23 21Cialek zolo in mi rekhnak, dawi hmanghnak, nupa sualhnak le rukohnak tepawl in sir tlang cuanglo i.
Currently Selected:
THUPHUAN 9: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
