THUPHUAN 10
10
Vancungmi Le Laihnahzual Cikniu
1Cen a hat ngai vancungmi pakhat vancung in a zuktolh hmu ing. Ani tu mairo in thuam ai a lu cingkim ah bak in velh liang i. A hmai tu ni bang i ai a ke tu mai khuam bang i. 2A kut in pharhciahnak laihnahzual awh i. A kiahhan lam ke in tifingriat fon ai a kekeh lamin laipua fon i; 3cen au ai a haihawh cawm zia heh chintit tampui aw bang i. Ciatihin a au ben sawng fangin khuarite pasarih in tlir dumdo in sawn i. 4Ciatihin a pong ben sawng fangin lai in ngan tum ing. Ikhalselai van in aw thang ai, “Khuarite pasarih ai relhnak heh thuthup ah dah tu; ngan rih mah,” tiin iti i.
5Cen i hmuciahnak vancungmi, tifingriat le laipua ai a dingtu in van lamah a kiahhan lam kut pharh ai, #Luat 20:11; Danp 32:40; Dan 12:7; Amos 3:7 6A kumzangza in kumzangza tian a nungmi Pathian, van le laivum, tipuithuanthum le a songai umhnak hmuahhmuah a bawntu Pathian ai hming in cukcam in thukhamhnak bawn ing. Ciafangin vancungmi in, “Rai tuh nawn lo i. 7Vancungmi pasarihhnak in a thirhlung a hmut fangin a cengfa prophette hnenah thu a thanciahnak a thupniu in a tumtekhnak tu Pathian in khimruai tuh i,” tiin ti i.
8Cen vancung in aw i zahnak in, “Feh ta tulai tifingriat le laipua ai a dingtu kut songai a ummi pharhciahnak laihnahzual heh lang tu,” tiin iti lehthio i.#Ezk 2:8—3:3 9Vancungmi hnenah feh ai laihnahzual cikniu heh ngen ing. Ani in, “Lang tulai ai tu; na pum songah kha tuh napui na ka song ahcen khoitizu bangin hlum tuh i,” tiin iti i.
10A tihnak bangin kai inkhai laihnahzual lang ai i ai fangin i ka songah khoitizu bangin hlum i; ikhalselai i lem fangin i pum song ahcen kha roh i. 11Cen i rel lehthio ai, “Pathian in miphun tampui hin tampui, pon tampui le kumpibawi tampui ai thu thawn peh dun in a relhnak heh phuang leh na kul tuh i,” tiin iti i.
Currently Selected:
THUPHUAN 10: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
