THUPHUAN 21
21
Van Thar Le Lai Thar
1Cia hnuaah van thar le lai thar hmu ing. A hmasa ai a um awng van le lai khiah pai ai tifingriat khai um nawn lo ihang.#Isa 65:17; 66:22; 2Pet 3:13 2Cen Khuapui Thianghlim Jerusalem thar heh, a pasal tuh mi tawk tuhin par liang in a ralring cialep monu bangin Pathian hnen vancung in a zuktolh hmu ing.#Isa 52:1; 61:10; Thup 3:12 3Bawi tohkham in aw cawm ngai za ai, “Pathian umhnak inn heh minung hnenah um i. Ani tu anite hnenah um tuhai ani khai amah ai minung tuh ihang. Pathian amah rori anite hnenah um tuhai amahte Pathian tuh ihang.#Ezk 37:27; Sua 26:11, 12 4A mithli hmuahhmuah nul sah tuh i. Thihhnak um tuh nawn lo i; thinhnawm lungsia, kaphnak aihram le urhnak um tuh nawn lo i. Zaimantifangin thil hlunte tu pairal zo sek i,” tiin ti i.#Isa 25:8; 35:10; 65:19
5Cen bawi tohkham a totu in, “Sik tu ih, thil hmuahhmuah a thar in bawn ing,” tiin ti i. i hnenah, “Hemi thu heh ngan tu, zaimantifangin a dikmi le sangtlak thu i,” tiin iti i. 6Cen, “Zaizongza ben zo sek i. Kai tu Alpha le Omega ing, a panhnak le a tawphnak ing. Aisu khai ti a haltu heh nunhnak cirhti ding tuhin man loin pe tuh ing.#Isa 55:1 7Nehtu hmuahhmuah in hemi heh co tlang tuh i. Amahte Pathian i tuhai anite tu i fate i tuh i.#2Sam 7:14; Saam 89:26-27 8Ikhalselai ralhutmi, sanghnak zamtu, ningdulkul bawntu, mi a rek hrimtu, nupa sualhnak bawntu, dawi thiamte, milim biatu le thudonreltute ai um tuhhnak hmun tu kat mailipui songah i tuhai ciami tu vel hnih thihnak i,” tiin ti i.
Jerusalem Thar
9Vancungmite pasarih lakai a hnuataber, ursia pasarih in a dimmi hleng pasarih a awhtu in i hnenah, “Kawi tu, Tuufa ai nupui tuh monu na hmuh tuh ing,” tiin iti i. 10Rauhla in i zel ai vancungmi in mual sangpui vumah i fehpui i. Cen Jerusalem, Khuapui Thianghlim heh Pathian hnen vancung in a zuktolh khiah i hmuh i.#Ezk 40:2 11Pathian songlawihnak thawn a tleumi khuapui i; Jasper tihnak lunghing mankhung bangin tleu ai hlalang bangin ciang i. 12A cingkim in vingpui sang ngai in kulh ai kotka hlaihnih nai i; ciami kotka tu vancungmite hlaihnih in kil tlang i. Ciami kotka ah Israel miphunte hlaihnih ai hming ngan i.#Ezk 48:30-35 13Nak khat ah kotka pathum ṭen um i: nisuah lamah pathum, hlang lamah pathum, sak lamah pathum le nitlak lamah pathum um tlang i. 14Khuapui kulhhnak vingpui tu inn hamtohhnak lungto hlaihnih vumah birhnak i, ciami lung to vum ahcen Tuufa ai nalangte hlaihnih ai hming ngan tleuh i.
15I hnenai i reltu vancungmi in khuapui le a vingpui, a kotkate tehhnak tuhin sui tehfung awh i.#Ezk 40:3 16Khuapui tu a kaulam le a saulam le a sanglam a bang dun liang i. Vancungmi in a tehfung thawn ciami khuapui heh teh i; a saulam peng thawng khat le za nga, a kaulam peng thawng khat le za nga i ai a sanglam khai peng thawng khat le za nga thotho i. 17Vancungmi in minung ai tehfung thawn vingpui khai teh ai pi zahnih le hlairuk sang i.#21:17 Sangtihnak heh sahti khai i thai i. 18Vingpui tu jasper tihnak lunghing mankhung in bawn tlang ai khuapui tu hlalang bangin a ciangmi sui lek in bawn i.#Isa 54:11-12 19Khuapui hamtohhnak lungto tu lungmankhung a phuncang in mawiruaihnak i. A pakhathnak tu jasper tihnak lunghing mankhung i, a pahnihhnak tu sapphires tihnak mepian lungmankhung i, a pathumhnak tu agate tihnak pumṭek, a palihnak tu emerald tihnak miah, 20a pangahnak tu oniks tihnak lungsan mankhung, a parukhnak tu karnilian tihnak a sannum lungmankhung, a pasarihhnak tu aihre le sui pianzia roihhnak quartz lungmankhung, a pariathnak beriil tihnak a mepian le a hing roihhnak lungmankhung, a pakuahnak tu topaz tihnak aihre lungmankhung, a sawmkhathnak khalsidoni tihnak a pawlmi lungmankhung i. a hlaikhathnak tu turquoise tihnak a san le aihre roihhnak lungmankhung i ai a hlaihnihhnak tu amethyst tihnak lungvar mankhung i. 21Kotkate hlaihnih tu tikep lungmankhung hlaihnih in bawnhnak i; Kotka khim in tikep lungmankhung hlaihnih ai bawnhnak i; kotka cangcang ah tikep lungmankhung pakhat ṭen ai bawnhnak i. Khuapui lampui tu sui ciang in bawnhnak i ai hlalang bangin ciang liang i.
22Cia khuapui ah biakinn um lo i, zaimantifangin a biakinn tu Hmualnaiber Bawipa Pathian le Tuufa i. 23Ni le hlapui ai tleuhnak khai kul lo i, zaimantifangin Pathian songlawihnak tu ciami khuapui ah tleu ai a maikhuat tu Tuufa i.#Isa 60:19-20 24Laivum mi zongzong in ciami khuapui tleuhnak thawmin fehhnak hmu tlang tuhai laivum kumpibawite in ciami khuapui songah amahte lianhnak sumsaw keng tlang tuh i.#Isa 60:3 25Cia khuapui kotkate tu sunnivui in hong tuh i; zaikom inkhai kham tuh lo i, zaimantifangin ciata ah zan um nawn lo i.#Isa 60:3 26Laivum miphun hmuahhmuah in amahte phun lianhnak le songlawihnak tu ciami khuapui ah keng tlang tuh ṭen i. 27Ikhalselai ciami khuapui songah a thiang lomi zaikhai lut tuh lo i; ningdulkul thil a bawntu le thudonreltu khai lut tuh lo i. Tuufa nunhnak laibu songai hming nganhnak mite ian lut tuh i.#Isa 52:1; Ezk 44:9
Currently Selected:
THUPHUAN 21: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
