MIPUM SIARHNAK 33
33
Egypt In Moab Tian Khualtlawnghnak
1Israel mite Egypt ram an suak ai Moses le Aaron ho in amahte riahbuk hmingte tu a hnia lamai bangin i. 2Bawipa ai thupehnak bangin Moses in amahte riahbuk hmingte heh a sangsang in ngan i.
3Israel mite Egypt ram an a suak kum, hla hmasaber ni hlainga nia a hmasaber Kansuak Puai a thangha fangin Egypt ram an suak tlang i. Bawipa ai kilkhawlhnak in Rameses khuapui an suak tlang i. 4Bawipa ai rekhnak a fapa upa ber hmuahhmuah phum in a buaitu thliahthlo Egypt mizapui mithmuh ah Israel mite tu suak tlang hluahhlo i. Ciatih imanin Bawipa tu Egypt ai khuavangte tahin a hat sawn ti khiah Bawipa amah in fiang ngai in hmuh i.
5Israel mite tu Rameses in suak ai, Sukkoth ah riahbuk zar tlang i. 6Sukkoth in suak ai hampalak nelrawn hiangai umhnak Etham ah riahbuk zar tlang i. 7Etham in suak ai, Baal Zephon in nisuah lamai umhnak Pi Hahiroth lamah let ai, Migdol hiangah riahbuk zar tlang i. 8Pi Hahiroth in suak ai, Tipui San tan hnuaah Etham nelrawn ramkhing ah hleng i. Ciami nelrawn ramkhing ah ni thum song feh ai Marah ah riahbuk zar tlang i. 9Marah in suak ai Elim ah riahbuk zar tlang i. Elim ah cirhti hmun hlaihnih um ai fuhfau kungte sawmsarih khai um i. 10Elim in suak ai Tipui san tikel hiangah riahbuk zar tlang i. 11Ciata in suak ai Sin nelrawn hampalak ah riahbuk zar tlang i. 12Sin nelrawn hampalak hmun an suak ai Dofkah ah riahbuk zar tlang i. 13Dophkak in suak ai, Alush ah riahbuk zar tlang i. 14Alush in suak ai Rephidim ah riahbuk zar tlang i. Rephidim ah mizapui ca ti ding tuh um lo i.
15Rephidim in suak ai Sinai nelrawn ramkhing ah riahbuk zar tlang i. 16Sinai nelrawn ramkhing in suak ai Kibroth Hattaavah ah riahbuk zar tlang i.
17Kibroth Hattaavah in suak ai Hazeroth ah riahbuk zar tlang i.
18Hazeroth in suak ai Rithmah ah riahbuk zar tlang i.
19Rithmah in suak ai Rimmon Perez ah riahbuk zar tlang i.
20Rimmon Perez in suak ai Libnah ah riahbuk zar tlang i.
21Libnah in suak ai Rissah ah riahbuk zar tlang i.
22Rissah in suak ai Kehelathah ah riahbuk zar tlang i.
23Kehelathah in suak ai Shepher mual ah riahbuk zar tlang i.
24Shepher mual vuman suak ai Haradah ah riahbuk zar tlang i.
25Haradah mual vuman suak ai Makheloth ah riahbuk zar tlang i.
26Makheloth in suak ai Tahath ah riahbuk zar tlang i.
27Tahath in suak ai Tarah ah riahbuk zar tlang i.
28Terah in suak ai Mithkah ah riahbuk zar tlang i.
29Mithkah in suak ai Hasmonah ah riahbuk zar tlang i.
30Hasmonah in suak ai Moseroth ah riahbuk zar tlang i.
31Moseroth in suak ai Bene Jaakan ah riahbuk zar tlang i.
32Bene Jaakan in suak ai Hor Haggidgad ah riahbuk zar tlang i.
33Hor Haggidgad in suak ai Jotbathah ah riahbuk zar tlang i.
34Jotbathah in suak ai Abronah ah riahbuk zar tlang i.
35Abronah in suak ai Ezion Geber ah riahbuk zar tlang i.
36Ezion Geber in suak ai Zin nelrawn hampalak ah riahbuk zar tlang i. (Zin heh Kadesh i).
37Zin nelrawn hampalak in suak ai Edom ram hiang Hor mual ah riahbuk zar tlang i.
38 Bawipa ai thupehnak bangin suangbawi Aaron tu Hor Mual vumah kai ai Egypt ram an Israel mite a suak tlang hnua kum sawmli kum, hla ngahnak#33:38hla ngahnak tihnak tu Hebrew in Ab tiin ko ai July hlahrek le August hlahrek tian i. ni hmasaber nia ah thi i.#Mip 20:22-28; Danp 10:6 39Aaron tu a kum za le kul hluanthum khim fangin Hor Mual vumah thi i.
40Cen hlang lam Canaan ramai a ummi kumpibawi Arad in Israel mite hleng i ti ling i.#Mip 21:1
41Hor mual vuman suak ai Zalmonah ah riahbuk zar tlang i.
42Zalmonah in suak ai Punon ah riahbuk zar tlang i.
43Punon in suak ai Oboth ah riahbuk zar tlang i.
44Oboth in suak ai Moab ram Iye Abarim ah riahbuk zar tlang i.
45Iye Abarim in suak ai Dibon Gad ah riahbuk zar tlang i.
46Dibon Gad in suak ai Almon Diblathaim ah riahbuk zar tlang i.
47Almon Diblathaim in suak ai Nebo mual hiang Abarim mual ah riahbuk zar tlang i.
48Abarim mual in suak ai Beth Jeshimoth le Akasia phairawn karlak, 49Jericho lam Jordan run ral, Moab zawllai ah riahbuk zar tlang i.
Jordan Tan Hlan Thuhluphnak
50Jericho khua lam Jordan run ral, Moab ram zawllai ah Bawipa in Moses hnenah, 51“Israel mite ca thuhluphnak pe i; “Jordan runpui tan ai Canaan ram ning lut fangin, 52ram songai a ummi miphunte heh hnawt tusek ih. Lungto in ituseh, thir in ituseh, milim a bawnhnak hmuahhmuah le amahte milim biahnak hmuahhmuah heh siatsuah tusek ih. 53A ram heh lang tu ilai ciata ah um tu ih. Zaimantifangin ning umhnak tuhin ning pe zo ing. 54Canaan ram tu ning hin le nam songah camciafung duk in zem dun tu ilai, hin tam deuh tu ram kau deuh, hin tlawm deuh tu ram dip deuh, tiin zem tuh i si. Camciafung duk ai amahte zemhnak ram khiah a duktu in co cih tuh ihang.#Mip 26:54-56 55Ikhalselai ram songai a um mite hnawt hlah le i sikhaw ning lakai a tang mite tu ning ca mitdok bangin le ning nak songai hling bangin hnaihnoktu le harhnak ning petu tuh i ai ning umhnak cangcang ah ning tawngtu tuh i. 56Hnawt sek hlah le i sikhaw anite siatsuah tuh sek i tum bangin ningmah khai ning siatsuah tuh sek ing,” tiin ti i.
Currently Selected:
MIPUM SIARHNAK 33: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
