SUANGBAWI LAIBU 23
23
Biahnak Puaite
1Israel mite pumkhawm tlang fangin Pathian biahnak puaite hrang a hnia lamai dante tu, 2Bawipa in Moses hnenah pe i. 3Ningmah in naper ni ruk song per tuh i si; ikhalselai a ni sarihhnak nia tu sabbath nia i ti hih tu ngio ih. Cia nia ah naper mah ih; hmunkhat ah Pathian bia tlang tu sawn ih. Konteng ah ning um inkhai sabbath nia tu Bawipa ai i.#Luat 20:8-10; 23:12; 31:15; 34:21; 35:2; Danp 5:12-14 4A hnia lamai puaite tu amahte can ṭen ah bawn tuhhnak i.
Kansuak Le Col Tello Sang Puai
(Mip 28:16-25)
5Kansuak puai, #23:5 Kansuak puai tihnak tu Hebrew in Pesach tiin ti ai kan tica i. March hla ni hlaili in panhnak i. Bawipa cawimawihnak hrang bawnhnak puai heh hla hmasaber#Luat 12:1-13; Danp 16:1-2hla ni hlaili nia nitla fangin pan i. 6Ni hlainga nia in col tello sang puai pan ai ni sarih song col tello sang ai tuh i si.#Luat 12:14-20; 23:15; 34:18; Danp 16:3-8 7Puai songai a ni hmasaber nia tu Pathian bia tuhin pumkhawm tu ilai zaikhai per tuh lo i si. 8Ning maitai hibawlhnak tu Bawipa hnenah ni sarih song sel tuh i si. A ni sarihhnak nia ah Pathian bia tuhin pumkhawm tu lala ilai ning naper zaikhai per tuh lo i si.
9 Bawipa in Moses hnenah hetihin rel i: 10Bawipa in a ning pehnak ram hleng ai ning lo rong ning khawm fangin a hmasaber tel khat heh suangbawi hnenah pe tu ih. 11Bawipa ai comi ning ihnak tuhin suangbawi in Bawipa hnenah a hlaice in hibawlhnak sel tuseh. Ciami tu suangbawi in sabbath nia a thangha fangin pe tuseh. 12Bawipa hnenah hibawlhnak ning sel nia ah kum khat khim a hnahpha tuucang lu khat khai maitai hibawlhnak ah sel tu ih. 13Ciami thawn hmunkhat ah olive siti roihhnak sangvut rel khat heh rong hibawlhnak ah sel tu ih. Hemi tu Bawipa ca rimur i. Ciahlaiah cabitti khuat hnih khai sel cih tu ih. 14Rong hibawlhnak Pathian hnenah ning sel fangin ning khawmhnak hlai thar a sal in ituseh, a theu in ituseh, sang ah bawn in ituseh, ai tuh lo i si. Hemi dan heh ning tesinfa san tianin a zomzet in hlun tu ngio ih.
Rongkhawm Puai
(Mip 28:26-31)
15 Bawipa hnenai fangtel hmasaber ning sel nia sabbath a thangha in zarh sarih khim tianin siar tu ilai, #Luat 23:16; 34:22; Danp 16:9-12 16ni sawmngahnak nia, a vel sarihhnak sabbath thangha ah ning hlai thar Bawipa hnenah sel tu ih. 17Innsang pakhat in sangzawl hnih ṭen Bawipa hnenah sel tu ih. Sang zawl khat tu sangvut rel tan thawn bawn tu ilai rong hibawlhnak ah Bawipa hnenah sel tu ih. 18Ciami sang thawn kum khat khim a hnahpha tuucangte lu sarih, kawlpawcang lu khat le mete lu hnih heh Israel mite in sel tuseh. Ciamite tu rong hibawlhnak le dinti hibawlhnak thawn maitai hibawlhnak in Bawipa hnenah sel tu ih. Ciami hibawlhnak tu Bawipa ca rimur i. 19Cen sualhlat hibawlhnak tuhin mecang lu khat, rualrem hibawlhnak tuhin kum khat khim tuute lu hnih sel tu ih. 20Ciami sang thawn tuute lu hnih tu suangbawite ca suangbawi in Bawipa hnenah sel tuseh. Hemi hibawlhnakte tu a thianghlimmi hibawlhnak i. 21Cia nia ah aisu inkhai naper tuh lo ai Pathian bia tuh lekin pumkhawm tuh i si. Konteng ah ning um inkhai he dan heh a zomzet in hlun tlang tuh ngio i si.
22Ning lo rong ning khawm fangin lo ri tianin khawm mah ih; rongka si tuhin lo feh leh mah ih. Ciamite tu mifarah le mikhual suksote ca hlum tu ih. Kai tu Bawipa ning Pathian ing.#Sua 19:9-10; Danp 24:19-22
Kum Thar Puai
(Mip 29:1-6)
23 Bawipa in Moses hnenah hetihin rel i; 24Hla sarihhnak a hmasaber nia ah a hlaice in cawlum nia ul tu ih. Thirhlung tum fangin Pathian bia tuhin pumkhawm tu ih. 25Ning naper zaikhai per tuh lo ai Bawipa hnenah rong hibawlhnak sel tu ih.
Sualhlat Hibawl Nia
(Mip 29:7-11)
26 Bawipa in Moses hnenah hetihin thu rel i:#Sua 16:29-34 27“Hla sarih hla ni hra nia ah Israel mite in sualhlathnak ah kumsiar hibawl bawnhnak bawn tuh i si. Cia nia ah zaikhai ai tuh lo i si. Pathian biahnak pumkhawm tuhai Bawipa hnenah maitai hibawlhnak bawn tuh i si. 28Sualhlathnak hrang hibawlhnak ning sel nia imanin naper tuh lo i si. 29Cia nia ah rong a aitu heh Pathian miphun in siarcih tuh nawn lo i. 30Cia nia ai naper a pertu heh Bawipa amah rori in thiruai tuh i. 31Konteng ah ning um inkhai he dan heh ning tesinfa hmuahhmuah hlun tuhhnak i. 32Ciami hla ni kua nia nitla in pan ni hra nia nitla tian a hlaice in ning ulhnak nia i tuhai zaikhai ai tuh lo i si.
Hlambuk Puai
(Mip 29:12-40)
33 Bawipa in Moses hnenah hetihin rel i;#Danp 16:13-15 34Hlambuk puai heh hla sarih hla ni hlainga nia ai panin ni sarih song bawn tuh i si. 35A hmasaber nia ah Pathian bia tuhin khawm tu ilai zaikhai per tuh lo i si. 36Nisiar in ni sarih song hibawlhnak sel tuh i si. Ni riathnak nia ahkhai Pathian bia tuhin pumkhawm bawn leh tuhai hibawlhnak pe tuh i si. Pathian bia nia imanin zaikhai per tuh lo i si.
37Hemi puaite tu Bawipa bia tuhin pumkhawm ai Bawipa hnenah upathnak ning pe can i; ciahlaiah nisiar in hibawl kulhnak tepawl, maitai hibawlhnak, rong hibawlhnak, a dang hibawlhnak le dinti hibawlhnak ning bawn can i fawn i. 38Hemi puaite tu ning ulhnak ṭiode sabbath nia hlaiah a belhhnak i. Hemi hibawlhnakte khai Bawipa hnenah ning pehnak de le thukhamdunhnak khimruai tuhin hibawlhnak le lungtho ngai ai ning selhnak hibawlhnakte vumah a belhhnak i.
39Hla sarihhnak ni hlainga nia, ning lo rong ning khawm ben fangin ni sarih song puai bawn tu ih. Cia puai ai a hmasaber nia tu a hlaice in cawlum nia in hmang tuh i si.#Luat 23:16; 34:22 40Cia nia ah ning thingthai lakin a thai pha ber le fuhfau hnah le thinghnah a bormi thingkakte khai lang tu ilai Bawipa Pathian upathnak puai bawn tu ih. 41Ni sarih song bawn tu ih. Hemi dan heh ning tesinfate in amahte san song hmuahhmuah hlun tuh ngiode i si. 42Israel mite tu Bawipa in Egypt ram an hoisuak fangin hlambuk menma ah um awng i, ti khiah ning tesinfate in ling tuhin, 43Israel mite hmuahhmuah hlambuk songah ni sarih song um tlang tuseh. Bawipa Ani tu ning Pathian i.
44Ciatih bangin Bawipa upathnak tuhin biahnak puaite ning bawn fangin amahte hlun tuhhnak a vumai dante tu Israel mite hnenah Moses in a pehnak i.
Currently Selected:
SUANGBAWI LAIBU 23: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
