ISAIAH 59
59
Mipui Sualhnak Prophet In Mawhhluk
1 Bawipa tu ningmah o tuhin ṭawnṭai ze lawmlam lo i. Bawmhnak ngen in ning auhnak za thil lo tianin a nangong lo i. 2Ning sualhnak manin ning za lo sawn i. Amah bia ning tum fangin Pathian thawn ning khantu heh ningmah ai sualhnak i. 3Thudonrel i si, thisan luangruai i si, mi rek i si, ning mawh rori i.
4A thukhanhnak hmunai ning feh fangin dikcanghnak tu ningmah lamah um lo i. Neh nuam in thudonrel rinsan tlang i si. Midang urruai nuamhnak thinlung ning naihnak tu bawnsuak rori i si. 5-6A siava tumtek ning naihnak tu ru nai rulpui ti bang i. Pakhat khoiruai ai siatsuah inkhai a dang pakhat suak leh tuh lala i. Ikhalselai ciami tumtekhnak tu ning caah zaikhai hnempuihnak nai lo i; mombu ai bawnhnak hnikpon bangin santlai lo i. 7A pha lo tumtekhnak nai ngio ai ciami bawnsuak tuh tu ning hiam roh i! Mawh nai lo minung rek tuhin ning zualfung awng lo i. Ning fehhnak hmuncang ah siatsuahhnak le harsahnak ian hlengruai i si. 8Ning hiangai minungte aisu khai him lo i. Ning thil bawnhnak hmuahhmuah a dikcang lo ciang i. Ning vakhnak lampui tu a kawn i ai ciami lampui a hluntu hmuahhmuah in muanghnak hmu tlang tuh lo i.#Rom 3:15-17
Mipui In Amahte Sual Phuang I
9Mizapui in, “Zaimanin Pathian in kinmah kin siatsuahtute kut in kin o lo i, ti khiah tunah ling ngah zo i ing. Kin vakhnak lampui tleuruaitu tuhin tleuhnak umlam napui thimhnak ian um ai, 10mitcaw bangin vak i ing. Sun ni tlang napui zan khuathim le mithi khua khuathimhnak hmun bangin kin bah kin tlu i. 11Thinlauhnak in kin dim ai vansanglam in kin um i. Naunehhnak le tuahmawhhnak in kin otu tuhin Pathian kin kul ngai napui kul man um lo i.
12“Aw Bawipa, na vumai kin sualhnak tu a tam ze i. Kinmah ai sualhnak in kin mawhhluk i. Kin sualhnak tu lingfel sio i ing. 13Nang tu na engsan i ing, na hnawl tlang ai na hlun awng lo i ing. Midang khiah cawh ai na vumah raltho tlang i ing. Kin ruathnak dik lo ai kin ponghnak khai heh thudon ciang i. 14Dikcanghnak tu hnawt ai thudik in kin nong thil nawn lo i. Mizapui pumkhawmhnak hmunah thuhman khiah bah ai felhnak hrangah hmun lawng lo i. 15Phathnak tlawm ze lawmlam hang ai thil sia a bawn nawn lotu heh camkhatniu in tuahmawhhnak tawk i,” ti tlang i.
Hemi tu Bawipa in hmu zo ai dikcanghnak um thil lo manin a lungawi lo i. 16Nauneh mite bawmtu tuhin aisu khai um lo khiah a hmu fangin a multing ngai i. Ciamanin amah hathnak huham tu hmang tuhai nehtu i tuh i.#Isa 63:5 17Dikcanghnak tu raltawnghnak thir angki bangin sil tuhai nehhnak tu thir lukhuk bangin khu tuh i. Reemhnak a tuartute tumrul in phuzulhnak le dantathnak, a dik lo dik ai bawn nuamhnak thinlung in pon bangin tuam dun tuh i.#Eph 6:14 18A ralte tu a hlapui ah um ta inkhai amahte bawn sualhnak bangin cawh tuh i. 19Nisuahhnak in nitlahnak tian mi zongzong in amah le a huham khiah kih tlang tuh i. Tilian le khuahu bangin amah khiah kawi tuh i.
Bawipa In A Minungte Bawm Tum I
20 Bawipa in a minungte hnenah, “Ning sualhnak in a lettute hmuahhmuah ṭan tuhin le o tuhin Jerusalem ah kawi tuh ing.#Rom 11:26 21Ningmah thawn thukhamhnak bawn ing; i huham le i thuzirhhnakte ning pe ing; tunai panin hlun tlang tu ilai ningmah san, ning fate san le ning tesinfa san tian le kumzangza tian i thu ngai tuhin zirh tuh ngiode i si,” tiin ti i.
Currently Selected:
ISAIAH 59: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
